Gwefan llywodraeth y DU

Eich pecyn adnewyddu

Mae’n bosib y bydd eich pecyn adnewyddu yn cynnwys y canlynol:

• hysbysiad o Adolygiad Blynyddol (TC603R) yn unig
• hysbysiad o Adolygiad Blynyddol (TC603R) a ffurflen Datganiad Blynyddol (TC603D neu TC603D2)

Gallwch ddisgwyl i’ch pecyn gyrraedd rhwng 17 Ebrill 30 Mehefin. Nid yw’r Swyddfa Credyd Treth yn anfon yr holl becynnau'r un amser, ac efallai na fydd eich un chi yn cyrraedd tan ddiwedd y cyfnod hwn.

Mae angen i chi adnewyddu erbyn 31 Gorffennaf neu ba bynnag ddyddiad a ddangosir ar eich pecyn.

Gallwch gael gwybod mwy ynghylch pryd y gallech ddisgwyl cael y ffurflenni, sut mae adnewyddu a beth fydd yn digwydd os na chewch nhw yn y canllaw ‘Adnewyddu eich credydau treth - gwybodaeth sylfaenol.

Nid yw’r ffurflenni adnewyddu ar gael ar-lein.

• Adnewyddu eich credydau treth – gwybodaeth sylfaenol

Gwybodaeth bwysig y dylech ei gwirio ar eich hysbysiad o Adolygiad Blynyddol

Dylech sicrhau’r canlynol ar eich hysbysiad o Adolygiad Blynyddol (TC603R):

• bod yr amgylchiadau personol a gaiff eu dangos yn gywir
• bod yr holl newidiadau rydych chi wedi rhoi gwybod amdanynt dros y flwyddyn dreth ddiwethaf wedi’u cynnwys

Mae blwyddyn dreth yn dechrau ar 6 Ebrill un flwyddyn ac yn dod i ben ar 5 Ebrill y flwyddyn ganlynol.

Rhowch wybod i’r Llinell Gymorth Credyd Treth ar unwaith os yw unrhyw beth yn anghywir ar eich hysbysiad neu os oes rhywbeth wedi newid.

• Manylion cyswllt ar gyfer y Llinell Gymorth Credyd Treth

Os gwnaethoch hawliad credydau treth fel person sengl – neu fel cwpl

Bydd eich hysbysiad yn dangos y wlad rydych chi’n gweithio ynddi y rhan fwyaf o’r amser, a nifer yr oriau rydych chi’n gweithio bob wythnos, fel arfer.

Mae’n bosib y bydd hefyd yn dangos a ydych chi’n cael budd-daliadau penodol, er enghraifft Cymhorthdal Incwm neu Lwfans Cyflogaeth a Chymorth.

• Pryd i wneud hawliad sengl neu hawliad ar y cyd am gredydau treth

Lle rydych chi’n byw

Bydd eich hysbysiad yn datgan pa wlad rydych yn byw ynddi y rhan fwyaf o'r amser. Does dim ots os byddwch weithiau’n ymweld â gwledydd eraill ar wyliau am gyfnodau llai nag wyth wythnos (a llai na 12 wythnos mewn rhai achosion). Efallai y gallwch hefyd gael credydau treth os ydych chi’n byw y tu allan i'r DU.

• Mynd dramor dros dro a hawlio credydau treth

• Allwch chi hawlio credydau treth os ydych yn byw y tu allan i'r DU?

Eich gwaith neu fudd-daliadau

Bydd eich hysbysiad yn dangos y wlad rydych chi’n gweithio ynddi y rhan fwyaf o’r amser, a nifer yr oriau rydych chi’n gweithio bob wythnos, fel arfer.

Mae’n bosib y bydd hefyd yn dangos a ydych chi’n cael budd-daliadau penodol, er enghraifft Cymhorthdal Incwm neu Lwfans Cyflogaeth a Chymorth.

• Beth sy’n cyfrif fel gwaith ar gyfer Credyd Treth Gwaith?

• Allwch chi hawlio credydau treth os ydych yn byw y tu allan i'r DU?

• Gwybodaeth am gredydau treth os ydych yn rhoi'r gorau i gael budd-daliadau

Os oes gennych anabledd

Bydd eich hysbysiad yn dweud wrthych a gawsoch elfen anabledd – neu anabledd difrifol – Credyd Treth Gwaith.

• Mae gennych chi anabledd – allwch chi gael rhagor o Gredyd Treth Gwaith?

Os oes gennych blant

Bydd eich hysbysiad yn dangos gwybodaeth i chi am unrhyw blant y gwnaethoch hawlio ar eu cyfer, gan gynnwys a oes anabledd gan eich plentyn.

Fel arfer, gallwch gael Credyd Treth Plant ar gyfer eich plentyn hyd nes y bydd yn 20 os yw mewn addysg amser llawn neu hyfforddiant cymeradwy.Mae hwn cyn belled â bod yr addysg neu’r hyfforddiant yn cyfrif at ddibenion Credyd Treth Plant.

• Mae gennych chi blant – allwch chi gael credydau treth ar eu cyfer?

• Mae eich plentyn yn troi’n 16 oed – allwch chi gael Credyd Treth Plant o hyd?

• Plant gydag anableddau – allwch chi gael rhagor o Gredyd Treth Plant?

Os byddwch chi'n talu costau gofal plant

Os ydych chi’n gweithio o leiaf 16 awr yr wythnos ac yn talu am ofal plant cymeradwy neu gofrestredig, mae’n bosib y gallech gael taliad Credyd Treth Gwaith ychwanegol i’ch helpu gyda’r costau.

Bydd eich hysbysiad yn rhoi gwybod i chi a ydych chi’n gymwys i gael y taliad hwn.

• Help gyda chostau gofal plant – ydych chi'n gymwys i gael rhagor o gredydau treth?

Os yw eich amgylchiadau wedi newid

Bydd eich hysbysiad yn dweud wrthych am unrhyw newid yn eich amgylchiadau y rhoddoch chi wybod amdano.

• Rhestr o’r holl newidiadau y mae angen i chi roi gwybod amdanynt at ddibenion credydau treth

Sut mae cyfrifo cyfanswm eich incwm ar gyfer eich Datganiad Blynyddol

Daw canllawiau gyda'r Datganiad Blynyddol, er mwyn eich helpu. Mae’r rhain yn cynnwys taflen waith lle gallwch nodi eich incwm.

Mae’r adrannau canlynol yn egluro pa incwm y mae angen i chi ei gynnwys wrth adnewyddu.

Budd-daliadau nawdd cymdeithasol

Mae rhai budd-daliadau nawdd cymdeithasol yn drethadwy, er enghraifft Lwfans Profedigaeth neu Lwfans Ceisio Gwaith yn seiliedig ar gyfraniadau, ac maent yn cyfrif fel incwm pan fyddwch yn gwneud hawliad credydau treth.

Ni fydd eraill, megis Lwfans Byw i’r Anabl, yn cyfrif fel incwm.

• Cael gwybod pa fudd-daliadau’r wladwriaeth y mae angen i chi roi gwybod amdanynt

Os ydych chi’n gyflogedig

Os ydych chi'n gyflogedig dylech gael ffurflen P60 gan eich cyflogwr ar ddiwedd y flwyddyn dreth, sy’n dangos faint rydych chi wedi'i ennill. Bydd angen i chi gynnwys incwm o bob swydd roeddech chi’n ei dal.

Os na chawsoch ffurflen P60, bydd eich slip cyflog ar gyfer mis Mawrth yn dangos faint rydych chi wedi'i ennill dros y flwyddyn dreth ddiwethaf. Fel arall, bydd angen i chi wneud y canlynol:

• darparu amcangyfrif o faint rydych chi wedi’i ennill
• rhoi ffigur gwirioneddol eich incwm i’r Swyddfa Credyd Treth yn ddim hwyrach na 31 Ionawr 2013

Bydd angen i chi hefyd gynnwys:

• unrhyw ‘fuddion mewn nwyddau’ a gawsoch, megis taliadau lwfans milltiroedd am ddefnyddio car eich hunain, neu gar cwmni – dylai’ch cyflogwr rhoi ffurflen P11D neu P9D i chi a bydd yn nodi’r gwerth trethadwy
• unrhyw arian arall a gawsoch, er enghraifft o gildyrnau neu dâl streicio
  

• Rydych chi’n gyflogedig – cael gwybod sut mae cyfrifo eich incwm

Os ydych chi’n hunangyflogedig

Eich incwm fydd yr elw a wnaethoch, a dylech ddefnyddio’r swm oddi ar eich ffurflen dreth. Os nad ydych chi wedi anfon eich ffurflen dreth, bydd angen i chi roi amcangyfrif o’ch elw.

Os byddwch yn rhoi amcangyfrif o’ch incwm, bydd rhaid i chi roi gwybod i’r Swyddfa Credyd Treth beth yw ffigur gwirioneddol eich incwm erbyn 31 Ionawr 2013 fan hwyraf.

• Rydych chi’n hunangyflogedig – cael gwybod sut mae cyfrifo eich incwm

Os wnaethoch golled, dylech roi’r ffigwr ‘0’. Ond os cawsoch unrhyw incwm yn ystod y flwyddyn, gallwch dynnu’r colled busnes o’r incwm hwn. Gallwch lwytho taflen waith i’ch helpu i gyfrifo hwn – dilynwch y ddolen isod.

• ‘Taflen waith rhyddhad credydau treth am roddion drwy Gymorth Rhodd, cyfraniadau pensiwn a cholledion masnachu’ Opens new window

Incwm arall

Bydd rhaid i chi gyfrifo unrhyw incwm arall a gewch hefyd. Mae hyn yn cynnwys, er enghraifft, pensiynau, incwm o eiddo, incwm a gewch o dramor ac o gynilion

• Incwm arall – sut mae ei gyfrifo ar gyfer eich hawliad credydau treth

Sut mae osgoi camgymeriadau cyffredin ar eich Datganiad Blynyddol

Er mwyn osgoi oedi, mae’n bwysig eich bod yn gwneud y canlynol:

• defnyddio inc du
• ysgrifennu y tu mewn i’r blychau
• gadael unrhyw flychau nad ydynt yn berthnasol i chi yn wag – peidiwch â rhoi llinell drwyddynt nac ysgrifennu ‘amherthnasol’
• rhoi tic yn y blychau ar gyfer ‘hawlydd 1’ yn unig os ydych chi’n adnewyddu eich hawliad fel person sengl
• rhoi tic yn y blychau budd-daliadau nawdd cymdeithasol ar gyfer yr unigolyn sydd wedi bod yn cael y budd-daliadau yn unig – mae hyn yn berthnasol os ydych chi'n adnewyddu fel rhan o gwpl
• rhoi tic ym mlwch y budd-dal nawdd cymdeithasol sy’n berthnasol i chi (neu’ch partner) yn unig – peidiwch â rhoi tic ym mhob un ohonynt oni bai eich bod wedi bod yn cael pob un ohonynt
• peidio â chynnwys gwybodaeth yn 'Incwm Arall' (blwch 2.5) sydd eisoes wedi'i chynnwys rhywle arall ar y ffurflen

Mwy o ddolenni defnyddiol

• Cael cyfeiriad y Swyddfa Credyd Treth

• Sut mae osgoi cael gormod neu ddim digon o gredydau treth