Gwefan llywodraeth y DU

Taliadau ychwanegol os oes gennych anabledd

I fod yn gymwys i gael yr elfen anabledd, mae'n rhaid i chi fodloni pob un o'r amodau hyn:

• mae’n rhaid eich bod fel rheol yn gweithio 16 awr neu fwy yr wythnos
• mae’n rhaid bod gennych anabledd sy’n ei gwneud yn anodd i chi gael swydd
• mae’n rhaid eich bod yn cael, budd-dal yn ymwneud ag anabledd neu salwch cymwys, neu’ch bod wedi ei gael yn ddiweddar – neu mewn amgylchiadau penodol credydau Yswiriant Gwladol

Os nad ydych yn siŵr a ydych yn gymwys ai peidio, gallwch:

• edrych ar y ‘Taflen Gymorth Anabledd’ drwy ddilyn y ddolen isod – bydd hon yn esbonio’r holl amodau y bydd angen i chi eu bodloni i fod yn gymwys i gael yr elfen anabledd
• ffonio’r Llinell Gymorth Credyd Treth
  

• Llwytho ‘Taflen Gymorth Anabledd’ (PDF, 151K) Opens new window

• Manylion cyswllt y Llinell Gymorth Credyd Treth

• Cymorth gyda ffeiliau PDF

Os oes gennych anabledd difrifol

Mae'n bosib y byddwch chi’n cael un o’r canlynol:

• Cyfradd Uchaf Elfen Ofal y Lwfans Byw i'r Anabl
• Cyfradd Uwch y Lwfans Gweini

Os felly, mae'n bosib y byddwch chi’n gymwys i gael swm ychwanegol o Gredyd Treth Gwaith oherwydd eich anabledd difrifol. Gelwir hyn yr ‘elfen anabledd difrifol’.

Ni fyddwch yn gallu cael yr elfen anabledd difrifol oni bai eich bod yn gymwys i gael Credyd Treth Gwaith. Mae hyn yn golygu y bydd angen i chi neu’ch partner fod yn gweithio nifer penodol o oriau. Mae hyn yn dibynnu ar eich amgylchiadau, ond os ydych yn anabl, fel arfer bydd angen i chi fod yn gweithio o leiaf 16 awr yr wythnos.

Os ydych mewn cwpl, does dim rhaid i’r unigolyn gyda’r anabledd fod yn gweithio. Ond bydd angen i un ohonoch fod yn gweithio’r nifer ofynnol o oriau o hyd i fod yn gymwys i gael Credyd Treth Gwaith.

• Beth sy'n cyfrif fel gwaith ar gyfer Credyd Treth Gwaith

• Lwfans Byw i’r Anabl – cyfraddau a sut mae hawlio

• Lwfans Gweini – cyfraddau a sut mae hawlio

Faint o arian gewch chi?

Yn y flwyddyn dreth hon - 6 Ebrill 2012 tan 5 Ebrill 2013 - ar ben eich Credyd Treth Gwaith sylfaenol fe allech gael:

• £2,790 y flwyddyn, sydd oddeutu £54 yr wythnos, os ydych chi'n gymwys i gael taliadau ychwanegol gan fod gennych anabledd
• £1,190 y flwyddyn, sydd oddeutu £23 yr wythnos, os ydych chi'n gymwys i gael taliadau ychwanegol gan fod gennych anabledd difrifol
• £3,980 y flwyddyn, sydd oddeutu £77 yr wythnos, os ydych chi'n gymwys i gael y ddau fath o daliadau ychwanegol

Os byddwch chi'n hawlio fel cwpl a bod gennych chi a'ch partner anabledd difrifol, gallwch fod yn gymwys i gael dau daliad ychwanegol gwerth £1,190.

Mae'r swm a gewch chi hefyd yn dibynnu ar faint o arian arall rydych chi'n ei gael:

• dydy'r Lwfans Byw i'r Anabl ddim yn cyfrif fel incwm pan fydd eich credydau treth yn cael eu cyfrifo
• mae budd-daliadau eraill fel Lwfans Gofalwr yn cyfrif fel incwm a gallant ostwng eich taliadau credyd treth

I gael gwybod mwy am faint allech chi ei gael, gallwch ddefnyddio cyfrifiannell ar-lein neu ffonio’r Llinell Gymorth Credyd Treth.

• Cyfrifiannell credydau treth - cael gwybod faint y gallwch chi ei gael Opens new window

• Manylion cyswllt ar gyfer y Llinell Gymorth Credyd Treth

Sut mae hawlio

Os nad ydych yn cael credydau treth ar hyn o bryd

Os ydych chi'n meddwl eich bod yn gymwys i gael credydau treth ychwanegol erbyn hyn oherwydd anabledd, dylech wneud hawliad mor fuan â phosib.

Dylech wneud hawliad o fewn un mis i gael gwybod yr ydych chi’n gymwys i gael budd-dal salwch neu fudd-dal anabledd cymwys. Bwriad hyn yw sicrhau bod eich taliadau'n cael eu hôl-ddyddio i'r dyddiad cynharaf posib.

I hawlio, llenwch y ffurflen hawlio. Dim ond drwy ffonio'r Llinell Gymorth Credyd Treth y gallwch gael ffurflen hawlio.

• Manylion cyswllt ar gyfer y Llinell Gymorth Credyd Treth

Os ydych chi eisoes yn cael credydau treth

Os ydych chi'n awr am hawlio credydau treth ychwanegol oherwydd anabledd, ffoniwch y Llinell Gymorth Credyd Treth. Dylech wneud hyn cyn gynted ag y byddwch yn gwybod bod gennych hawl i fudd-dal salwch neu anabledd cymwys. Cysylltwch â’r llinell gymorth o fewn un mis i gael gwybod er mwyn gwneud yn siŵr eich bod yn gallu ôl-ddyddio eich taliadau i'r dyddiad cynharaf posibl.

• Pryd y gellir ôl-ddyddio eich cais am gredydau treth

• Manylion cyswllt ar gyfer y Llinell Gymorth Credyd Treth

Mwy o ddolenni defnyddiol

• Sut mae hawlio credydau treth

• Cymorth ariannol ar gyfer pobl anabl (adran pobl anabl)