Gwefan llywodraeth y DU

Sut mae hawlio

Mae'n rhaid i chi lenwi ffurflen hawlio i gael credydau treth. Gallwch archebu pecyn hawlio credydau treth drwy ffonio'r Llinell Gymorth Credyd Treth. Ni allwch hawlio ar-lein.

Mae dau fath o gredyd treth – Credyd Treth Plant a Chredyd Treth Gwaith. Ond un ffurflen hawlio yn unig sydd angen i chi ei chwblhau, hyd yn oed os ydych chi am hawlio’r ddau.

Yr wybodaeth y bydd arnoch chi ei hangen i gael ffurflen hawlio

Os oes gennych rif Yswiriant Gwladol, dylech ei gael wrth law cyn i chi ffonio’r llinell gymorth.

Bydd y llinell gymorth yn gofyn i chi hefyd am wybodaeth eraill, gan gynnwys eich incwm yn y flwyddyn dreth ddiwethaf. Mae blwyddyn dreth yn para o 6 Ebrill un flwyddyn i 5 Ebrill y flwyddyn ganlynol. Felly mae’n syniad da i gael y canlynol wrth law cyn i chi ffonio:

• eich incwm am y flwyddyn dreth ddiwethaf os oeddech yn gyflogedig – gallwch gael hyn wrth eich ffurflen P60 neu eich slip cyflog terfynol am y flwyddyn dreth
• manylion eich incwm am y flwyddyn dreth ddiwethaf os oeddech yn hunangyflogedig
• manylion unrhyw fudd-daliadau rydych chi’n eu cael, er enghraifft y Lwfans Ceisio Gwaith seiliedig ar gyfraniadau neu'r Lwfans Gofalwr
• manylion unrhyw incwm arall rydych chi’n ei gael, er enghraifft llog cynilion, pensiynau neu rent
• manylion unrhyw daliadau gofal plant rydych chi’n eu gwneud os ydych chi’n defnyddio darparwr cofrestredig neu gymeradwy
  

Faint o amser fydd eich pecyn hawlio yn ei gymryd i’ch cyrraedd?

Mae’r llinell gymorth yn anelu at anfon eich pecyn hawlio i chi o fewn un wythnos. Dylech gysylltu eto os nad ydych wedi ei dderbyn ar ôl dwy wythnos.

Ble i ddod o hyd i’ch rhif Yswiriant Gwladol

Gallwch ddod o hyd iddo ar:

• eich tystysgrif P60 neu P45 gan eich cyflogwr presennol neu ddiwethaf
• eich Hysbysiad Cod TWL (Talu Wrth Ennill) neu lythyr gan y Swyddfa Credyd Treth
• eich slip cyflog o'r gwaith
• unrhyw lythyr gan yr Adran Gwaith a Phensiynau neu'r Ganolfan Byd Gwaith ac, yng Ngogledd Iwerddon, y Swyddfa Nawdd Cymdeithasol

Ble i anfon eich ffurflen hawlio

Gallwch lenwi'r ffurflen eich hun a'i hanfon yn ôl drwy'r post i:

HM Revenue & Customs Tax Credits
Comben House
Farriers Way
Netherton
L75 1BY

Os byddwch yn hawlio budd-daliadau eraill, er enghraifft Cymhorthdal Incwm, Lwfans Cyflogaeth a Chymorth neu Lwfans Ceisio Gwaith, gallwch roi eich ffurflen wedi’i chwblhau:

• i’ch Canolfan Byd Gwaith
• yng Ngogledd Iwerddon, eich Swyddfa Nawdd Cymdeithasol
  

A ddylech wneud hawl unigol neu ar y cyd?

Os ydych yn byw gyda rhywun fel cwpl, mae'n rhaid i chi wneud cais am gredydau treth ar y cyd - ni allwch benderfynu hawlio fel person sengl. Bydd yn rhaid i chi rhoi gwybodaeth am y ddau ohonoch ar y ffurflen hawlio a byddwch yn rhannu'r cyfrifoldeb dros sicrhau bod yr wybodaeth yn gywir.

• Mwy ynghylch sut i wneud cais sengl neu gais ar y cyd am gredydau treth

Pryd mae hawlio

Gwnewch gais am gredydau treth cyn gynted ag y credwch eich bod yn gymwys. Os byddwch yn oedi cyn hawlio, gallech golli arian oherwydd fel arfer dim ond hyd at un mis y gellir ôl-ddyddio credydau treth. Er enghraifft, os byddwch yn cael babi ar 12 Mehefin a derbynnir eich ffurflen hawlio ar 12 Hydref, dim ond o 12 Medi y cewch eich talu.

Weithiau gall fod yn ddefnyddiol hawlio hyd yn oed os ydych yn credu bod eich incwm yn rhy uchel i gael unrhyw arian ar hyn o bryd. Mae'n bosibl y byddwch am wneud hyn os ydych yn disgwyl i'ch incwm ostwng yn ddiweddarach yn ystod y flwyddyn, oherwydd eich bod yn colli'ch swydd, er enghraifft.

Ni allwch hawlio o flaen llaw am faban newydd - mae angen i chi aros nes iddynt gael eu geni. Ond os oes gennych blant yn barod, nid oes angen i chi aros i hawlio iddynt hwy.

Os ydych yn dechrau gweithio ac eisiau hawlio Credyd Treth Gwaith, gallwch wneud cais i fyny at saith diwrnod cyn i’ch swydd ddechrau.

• Pryd y gellir ôl-ddyddio eich cais am gredydau treth

• Diogelu eich hawl i gael credydau treth drwy wneud cais yn gynnar

Cymorth gyda’r ffurflen hawlio

Byddwch yn cael cyfres o nodiadau gyda'ch ffurflen hawlio a fydd yn eich helpu i'w llenwi. Os bydd angen rhagor o gymorth arnoch, gallwch ffonio'r Llinell Gymorth Credyd Treth a fydd yn hapus i ddarparu cyngor.

Os ydych yn hawlio budd-daliadau eraill, fel Cymhorthdal Incwm, Lwfans Cyflogaeth a Chymorth neu Lwfans Ceisio Gwaith, bydd y canlynol yn eich helpu gyda’ch ffurflen hawlio:

• eich Canolfan Byd Gwaith
• eich Swyddfa Nawdd Cymdeithasol, yng Ngogledd Iwerddon
  

• Lawrlwytho ‘Cael eich ffurflen hawlio credydau treth yn gywir’ (PDF, 3MB) Opens new window

• Cymorth gyda ffeiliau PDF

Gwaith papur y dylid eu cadw

Unwaith eich bod wedi neud yr hawliad, mae’n syniad da i gadw rhai dogfennau a gwaith papur yn ddiogel. Bydd hyn o gymorth os oes angen i’r Swyddfa Treth Credyd wirio eich manylion yn y dyfodol. Gall hefyd fod o gymorth os bydd yn rhaid i chi apelio rhyw bryd, er enghraifft.

• Credydau treth – pa waith papur y dylid eu cadw

Mwy o ddolenni defnyddiol

• Os oes arnoch eisiau i rywun weithredu ar eich rhan ar gyfer credydau treth

• Hawlio credydau treth fel penodai

• Sut i osgoi gwneud camgymeriadau cyffredin ar eich ffurflen hawlio credydau treth