Gwefan llywodraeth y DU

Faint o amser y gall gymryd i brosesu eich cais i adnewyddu

Mae’n aml yn cymryd hyd at wyth wythnos i’r Swyddfa Credyd Treth ddelio â’ch cais i adnewyddu. Mae hyn oherwydd mae’n bosib bod angen edrych yn fanylach ar rywfaint o'r wybodaeth rydych chi wedi'i darparu. Os bydd y Swyddfa’n penderfynu bod angen gwneud hyn, bydd yn cysylltu â chi.

Ceisiwch ddarparu unrhyw wybodaeth y gofynnir i chi amdani cyn gynted ag y bo modd. Bydd hyn yn helpu’r Swyddfa Credyd Treth i gadarnhau pa gredydau treth y mae gennych chi’r hawl i’w cael mor fuan â phosib.

Beth fydd yn digwydd i’ch taliadau yn y cyfamser

Os gwnaethoch adnewyddu ar amser, byddwch yn dal i gael yr un taliadau tra bod yr adnewyddiad yn cael ei ddelio gyda.

Fodd bynnag, mae’n bosib y bydd y rhain yn newid ar ôl i'r Swyddfa Credyd Treth gyfrifo faint y mae gennych chi'r hawl i'w gael ar ôl i chi adnewyddu.

Os na wnaethoch adnewyddu ar amser, bydd eich taliadau’n dod i ben.

• Adnewyddu eich hawliad credydau treth – gwybodaeth sylfaenol

Sut cewch chi wybod bod rhywun wedi delio â’ch cais i adnewyddu

Unwaith i chi adnewyddu bydd y Swyddfa Credyd Treth yn penderfynu faint mae gennych chi’r hawl iddo. Byddant yn ysgrifennu atoch ac yn rhoi gwybod i chi beth yw ei phenderfyniad. Bydd hyn fel arfer yn golygu y cewch ‘hysbysiad dyfarniad’.

Mae’n bosib y cewch nifer o hysbysiadau dyfarniad ar ôl i chi adnewyddu. Bydd angen i chi wneud y canlynol:

• edrych dros bob hysbysiad dyfarniad, gan wneud yn siŵr bod y manylion yn gywir ar gyfer y flwyddyn dreth neu gyfnod y dyfarniad a ddangosir
• dweud wrth y Swyddfa Credyd Treth, drwy ffonio’r Llinell Gymorth, os yw unrhyw beth yn anghywir, ar goll neu'n anghyflawn, neu os nad ydych yn deall rhywbeth

Gallwch ddefnyddio’r rhestr wirio a ddaeth gyda’ch hysbysiad dyfarniad i’ch helpu i wneud hyn.

• Rhagor o wybodaeth ynghylch gwirio eich hysbysiad dyfarniad credydau treth

Pryd gallwch chi ddisgwyl cael eich hysbysiad dyfarniad

Fel arfer, gallwch ddisgwyl cael eich hysbysiad dyfarniad terfynol cyn pen wyth wythnos ar ôl i chi adnewyddu neu roi gwybod am newid mewn amgylchiadau. Gall gymryd mwy o amser, er enghraifft, pe bai camgymeriadau ar y ffurflen Datganiad Blynyddol (TC603D neu TC603D2).

Os mai dim ond hysbysiad o Adolygiad Blynyddol (TC603R) a gawsoch, ac roedd popeth arno yn gywir, gallwch ei drin fel eich hysbysiad dyfarniad. Bydd eich taliadau cyfredol yn parhau.

• Cymorth gyda'r pecyn adnewyddu credydau treth

Mae gennych chi blentyn 16 mlwydd oed sy’n mynd ymlaen at hyfforddiant neu addysg bellach

Os oes gennych chi blentyn 16 mlwydd oed, a'ch bod chi wedi rhoi gwybod i'r Swyddfa Credyd Treth y bydd yn mynd ymlaen at hyfforddiant neu addysg bellach, bydd eich Credyd Treth Plant ar ei gyfer yn parhau. Mae hyn yn berthnasol cyn belled:

• eich bod wedi rhoi gwybod i’r Swyddfa Credyd Treth bod eich plentyn yn parhau mewn addysg neu hyfforddiant
• â bod yr addysg neu’r hyfforddiant yn cyfrif at ddibenion Credyd Treth Plant.

Cewch hysbysiad dyfarniad arall ar ôl 1 Medi a fydd yn dangos hyn.

Os bydd cynlluniau eich plentyn ar gyfer addysg neu hyfforddiant yn newid, rhaid i chi roi gwybod i’r Swyddfa Credyd Treth ar unwaith.

• Mae eich plentyn yn troi’n 16 oed – allwch chi gael Credyd Treth Plant o hyd?

Pryd ddylech chi gysylltu â'r Llinell Gymorth Credyd Treth

Os gwnaethoch adnewyddu erbyn 31 Gorffennaf (neu’r dyddiad terfynol yn eich pecyn adnewyddu), cysylltwch â’r Llinell Gymorth Credyd Treth os yw un o’r canlynol yn berthnasol:

• nid yw eich hysbysiad dyfarniad wedi cyrraedd, ac mae dros wyth wythnos wedi bod ers i chi adnewyddu
• mae'r wybodaeth ar eich hysbysiad dyfarniad yn anghywir, ar goll neu’n anghyflawn

Os ydych chi wedi sylweddoli y gwnaethoch gamgymeriad wrth adnewyddu, cysylltwch â’r Llinell Gymorth Credyd Treth ar unwaith.

• Cysylltu â’r Llinell Gymorth Credyd Treth

• Cywiro camgymeriadau ar ôl i chi anfon eich hawliad credydau treth

Mwy o ddolenni defnyddiol

• Rhesymau pam y gallai eich credydau treth ddod i ben

• Newidiadau y mae angen i chi roi gwybod amdanynt at ddibenion credydau treth, a phryd y mae angen i chi wneud hynny

Cysylltiadau defnyddiol

• Llinell gymorth Credyd Treth – manylion cyswllt