Gwefan llywodraeth y DU

Pwy all gael Lwfans Gweini?

Efallai y cewch chi Lwfans Gweini os yw canlynol yn berthnasol:

• os oes gennych anabledd corfforol (yn cynnwys anabledd synhwyraidd fel dallineb), neu anabledd meddyliol (yn cynnwys anawsterau dysgu), neu'r ddau
• os yw eich anabledd mor ddifrifol fel bo angen cymorth arnoch i ofalu amdanoch eich hun neu rywun i’ch goruchwylio, ar gyfer eich diogelwch chi eich hun neu rywun arall
• os ydych yn 65 neu'n hŷn pan fyddwch yn hawlio

Fel arfer nid effeithir ar Lwfans Gweini gan unrhyw gynilion neu incwm sydd gennych.

Os ydych o dan 65 oed, efallai y cewch Lwfans Byw i'r Anabl.

Rheolau arbennig - os nad oes gwella arnoch

Mae rheolau arbennig os nad oes gwella arnoch. Golyga hyn pobl sydd â chlefyd cynyddol ac nad oes disgwyl iddynt fyw'n hwy na chwe mis arall. Mae’r rheolau arbennig yn golygu y bydd pobl yn cael y gyfradd uwch o Lwfans Gweini yn syth.

• Lwfans Gweini - cymhwyster

Archwiliadau meddygol

Fel arfer, fyddwch chi ddim angen archwiliad meddygol wrth hawlio Lwfans Gweini. Weithiau bydd angen archwiliad meddygol er mwyn asesu sut y bydd eich cyflwr yn effeithio arnoch.

Os gofynnir i chi gael archwiliad, gallwch gael mwy o wybodaeth drwy ddilyn y ddolenni canlynol.

• Archwiliad meddygol - Lwfans Gweini

• Archwiliad meddygol Lwfans Gweini – beth mae’n olygu

• Archwiliad meddygol Lwfans Gweini - beth sy'n digwydd nesaf

Faint fyddwch chi'n ei gael?

Bydd y swm a gewch yn dibynnu ar sut mae'ch anabledd yn effeithio arnoch.

Mae dwy gyfradd i'r Lwfans Gweini:

Sut i wneud cais am Lwfans Gweini

Gwnewch gais yn syth - neu efallai y byddwch chi'n colli'r budd-dal.

Gallwch wneud cais ar-lein neu gael pecyn cais drwy:

• ffonio'r Llinell Ymholiadau Budd-daliadau
• lawrlwytho’r ffurflen gais

Cewch wybod mwy yn 'Lwfans Gweini - cyfraddau a sut i hawlio'.

• Lwfans Gweini - cyfraddau a sut i wneud cais

• Gwasanaeth budd-daliadau ar-lein Opens new window

Sut mae Lwfans Gweini yn cael ei dalu

Caiff pob budd-dal, pensiwn a lwfans ei dalu i mewn i gyfrif. Dyma’r ffordd fwyaf diogel, cyfleus ac effeithlon o gael ei dalu.

• Sut y telir budd-daliadau a phensiynau

Yr effaith ar fudd-daliadau a hawliadau eraill

Os byddwch yn dechrau cael Lwfans Gweini, efallai y bydd yn cynyddu swm y budd-daliadau a'r cymorth ariannol y mae gennych hawl iddynt.

Efallai y cewch swm ychwanegol am anabledd difrifol gyda:

Fel arfer mae'r Lwfans Gweini'n cael ei anwybyddu fel incwm wrth gyfrifo budd-daliadau sy'n gysylltiedig ag incwm a hawliadau eraill.

• Budd-dal Tai

• Budd-dal Treth Cyngor

• Credyd Pensiwn

Beth arall y mae angen i chi ei wybod

I gael Lwfans Gweini, rhaid i chi fod ym Mhrydain Fawr yn gyffredinol, neu gael eich trin fel petaech yn byw yma, a bodloni rhai amodau eraill o ran eich preswyliaeth a phresenoldeb.

Hefyd, gall newidiadau i'ch amgylchiadau effeithio ar faint eich Lwfans Gweini, neu a fyddwch yn ei gael neu beidio.

• Lwfans Gweini – eich amgylchiadau

Mwy am Lwfans Gweini

• Cymryd budd-daliadau anabledd i wledydd Ewropeaidd eraill (adran pobl anabl)

Mwy o ddolenni defnyddiol

• Canllaw cymorth ariannol ar gyfer pobl anabl (adran pobl anabl)

• Gwybodaeth i ofalwyr (adran gofalu am rywun)

• Cefnogaeth i aros yn eich cartref eich hun (adran pensiynau a chynllunio ar gyfer ymddeol)