Gwefan llywodraeth y DU

Manteision defnyddio cyfrif

Gallwch ddewis cael eich arian ei dalu i mewn i un o amrywiaeth o gyfrifon. Gall y rhain fod yn gyfrif banc sylfaenol, cyfrif cyfredol, neu gymdeithas adeiladu neu gyfrif undeb credyd.

Bydd cael cyfrif yn rhoi hyblygrwydd i godi arian o amrywiaeth o leoedd yn ôl yr angen. Mae hyn yn cynnwys ystod eang o fanciau, peiriannau arian parod a'r cyfleusterau ‘cashback’ a gynigir gan sawl siop ar y stryd fawr.

Yn ogystal, mae sawl cyfrif banc stryd fawr ar gael yn y Swyddfa'r Post ®. Gallwch gasglu arian o gangen Swyddfa'r Post gan ddefnyddio cyfrif banc cyfredol neu sylfaenol. Gallwch wneud hyn os oes gan eich banc drefniant gyda Swyddfa'r Post ® Cyfyngedig.

Cyfrif Cerdyn Swyddfa’r Post

Gall cwsmeriaid hefyd ddefnyddio cyfrif cerdyn Swyddfa'r Post (POca). Mae hyn yn gyfrif syml a gynlluniwyd yn benodol ar gyfer talu budd-daliadau a phensiynau o adrannau'r llywodraeth. O 23 Mawrth 2010, os ydych yn ddeiliad cyfrif cerdyn Swyddfa'r Post, gallwch gael mynediad i'ch cyfrif trwy beiriannau arian y Swyddfa'r Post ®. Mae hyn yn ychwanegol i ddefnyddio'r gwasanaeth cownter.

Sut y gallwch chi ddewis y cyfrif cywir

Os hoffech gael gwybod mwy am ddewis y cyfrif cywir i gael eich budd-dal neu bensiwn, cysylltwch â'r swyddfa sy'n delio â'ch cais

• Cysylltwch â’r Ganolfan Byd Gwaith

• Cysylltwch â’r Gwasanaeth Pensiwn (adran bensiynau a chynllunio ar gyfer ymddeol)

Os nad oes gennych gyfrif, yna gall y ddolen isod eich helpu i ddewis y cyfrif cywir i’ch anghenion.

• Cyfrifon banc wedi’u hesbonio ar wefan Gwasanaeth Cynghori Ariannol Opens new window

Beth os bydd rhywun arall yn casglu'ch budd-dal?

Os oes angen cymorth arnoch i gasglu eich budd-dal neu daliad pensiwn, gallwch drefnu bod rhywun arall yn gwneud hynny drosoch.

• Enwebu cynorthwy-ydd (adran bensiynau a chynllunio ar gyfer ymddeol)