Gwefan llywodraeth y DU

Pwy sy'n talu budd-daliadau

Yr Adran Gwaith a Phensiynau (AGP) sy'n rheoli'r rhan fwyaf o fudd-daliadau drwy gyfrwng swyddfeydd y Ganolfan Byd Gwaith. Bydd budd-daliadau a'r taliadau y mae gan bensiynwyr yr hawl iddyn nhw yn cael eu trin mewn rhwydwaith o ganolfannau pensiwn sy'n cynnig gwasanaeth wyneb-yn-wyneb i'r sawl sydd ag angen help a chymorth ychwanegol. Hefyd, byddwch chi'n delio'n aml ag asiantaethau neu adrannau eraill y llywodraeth hefyd, megis eich cyngor lleol neu Gyllid a Thollau EM.

Siarter Cwsmeriaid yr Adran Gwaith a Phensiynau

Nod yr Adran Gwaith a Phensiynau yw cynnig gwasanaeth o safon uchel ac effeithlon i’w gwsmeriaid. Mae Siarter Cwsmeriaid yr Adran Gwaith a Phensiynau yn gosod y safonau y gall cwsmeriaid eu disgwyl a’u cyfrifoldebau hwy yn gyfnewid am hyn.

• Siarter Cwsmeriaid yr Adran Gwaith a Phensiynau Opens new window

• Gwybodaeth budd-daliadau ‘Yn gyflogedig neu'n chwilio am waith'

• Gwybodaeth budd-daliadau 'Ar incwm isel'

• Gwybodaeth budd-daliadau 'Yn sâl neu wedi anafu'

• Cysylltu â’r Ganolfan Byd Gwaith

Pensiynwyr a phobl sy'n cynllunio ar gyfer eu hymddeoliad

Mae'r Gwasanaeth Pensiwn, sy'n rhan o'r Adran Gwaith a Phensiynau, yn darparu gwasanaethau ar gyfer:

Mae'r Gwasanaeth Pensiwn yn gofalu am fudd-daliadau a hawliau pobl i daliadau megis Pensiwn y Wladwriaeth, Pensiwn Credyd a'r Taliadau Tanwydd Gaeaf.

• Dysgu mwy am y Gwasanaeth Pensiwn (adran pensiynau a chynllunio ar gyfer ymddeol)

• Gwybodaeth budd-daliadau 'Wedi ymddeol'

Teuluoedd a phlant

Mae'r Ganolfan Byd Gwaith yn gofalu am fudd-daliadau a gwasanaethau i deuluoedd, gan gynnwys y rheini sy'n:

• Gwybodaeth budd-daliadau 'Yn disgwyl neu'n magu plant'

• Cysylltu â’r Ganolfan Byd Gwaith

Mae'r Asiantaeth Cynnal Plant yn rhan o'r Adran Gwaith a Phensiynau ac mae'n gyfrifol am redeg y system cynnal plant. Mae'n asesu, yn casglu ac yn talu cynhaliaeth plant.

• Cynhaliaeth plant (adran rhieni)

• Cysylltu â’r Asiantaeth Cynnal Plant Opens new window

Mae Cyllid a Thollau EM yn delio â Budd-dal Plant, Lwfans Gwarcheidwad a chredydau treth.

• Gwybodaeth budd-daliadau 'Yn disgwyl neu'n magu plant'

• Sut i gysylltu â Chyllid a Thollau EM

Pobl anabl a'u gofalwyr

Mae'r Gwasanaeth Anabledd a Gofalwyr, sy'n rhan o'r Adran Gwaith a Phensiynau, yn gyfrifol am fudd-daliadau a gwasanaethau i bobl sy'n sâl neu sydd ag anabledd, er enghraifft, Lwfans Byw i'r Anabl a'r Lwfans Gweini.

• Cymorth ariannol (adran pobl anabl)

• Materion ariannol (adran gofalu am rywun)

• Gwybodaeth budd-daliadau 'Pobl anabl'

Eich Canolfan Byd Gwaith leol yw'r pwynt cyswllt cyntaf i gael gwybod mwy am y budd-daliadau a'r gwasanaethau hyn.

• Cysylltu â’r Ganolfan Byd Gwaith

Budd-dal Tai a Budd-dal Treth Cyngor

Eich cyngor lleol sy'n gofalu am eich Budd-dal Tai a'ch Budd-dal Treth Cyngor.

• Dod o hyd i'ch cyngor lleol

Pwy gaiff hawlio budd-daliadau

I fod yn gymwys am fudd-dal benodol, rhaid i chi fodloni'r amodau a bennir gan y llywodraeth. Er enghraifft, er mwyn hawlio Budd-dal Plant, rhaid i chi fod yn gyfrifol am fagu plentyn.

I wneud cais am fudd-dal, fel arfer, bydd rhaid i chi lenwi ffurflen gais a darparu gwybodaeth gefndir.

• Sut mae gwybod a ydych chi'n gymwys ar gyfer cael budd-daliadau

Sut caiff budd-daliadau eu talu

Taliad Uniongyrchol yw'r ffordd arferol o dalu budd-daliadau. Mae'n ddull diogel, cyfleus ac effeithlon o dalu sy'n sicrhau bod amrywiaeth eang o wasanaethau ariannol ar gael i gwsmeriaid.

• Sut y telir budd-daliadau a Phensiynau'r Wladwriaeth

Canolfannau Cywirdeb Budd-daliadau (BIC)

Mae'r Adran Gwaith a Phensiynau yn defnyddio Canolfannau Cywirdeb Budd-daliadau i wneud yn siŵr eich bod wedi cael yr arian cywir. Efallai y cewch eich cysylltu gan Ganolfan Gywirdeb Budd-dal os ydych yn hawlio un o’r budd-daliadau canlynol:

• Lwfans Cyflogaeth a Chymorth
• Budd-dal Analluogrwydd
• Cymhorthdal Incwm
• Lwfans Ceisio Gwaith
  

• Mwy am Ganolfannau Cywirdeb Budd-dal

Ble i gael cyngor

Canolfan Byd Gwaith

Os ydych chi o oed gweithio, bydd y Ganolfan Byd Gwaith yn cynnig cyngor am y gwahanol fudd-daliadau y cewch chi'u hawlio.

• Cysylltu â’r Ganolfan Byd Gwaith

Y Gwasanaeth Pensiwn

Os mai pensiynwr ydych chi neu'ch bod wrthi'n paratoi i ymddeol, cysylltwch â'r Gwasanaeth Pensiwn i gael gwybodaeth am bensiynau a budd-daliadau cysylltiedig.

• Pwy i gysylltu â nhw yn y Gwasanaeth Pensiwn

Cyngor Ar Bopeth (CAB)

I gael cyngor annibynnol am ddim ynglŷn â budd-daliadau, cysylltwch â'ch canolfan CAB leol.

• Mwy am gael cyngor gan CAB Opens new window