Gwefan llywodraeth y DU

Cap ar fudd-daliadau – beth ydyw

Bydd y cap ar fudd-daliadau yn berthnasol i bobl rhwng 16 a 64 oed, a elwir hefyd yn 'oedran gweithio'.

Mae'r cap yn golygu na ddylai cartrefi lle nad oes neb yn gweithio gael mwy o fudd-daliadau na'r cyflog cyfartalog a delir i bobl sy'n gweithio. Mae hyn ar ôl didynnu treth ac Yswiriant Gwladol.

Mae cartref yn golygu chi, eich partner os oes gennych un, ac unrhyw blant rydych yn gyfrifol amdanynt ac sy'n byw gyda chi.

Cyfrifiannell cap ar fudd-daliadau

Defnyddiwch y gyfrifiannell cap ar fudd-daliadau i weld os bydd y cap ar fudd-daliadau yn berthnasol i chi. Bydd y gyfrifiannell ond yn cymryd ychydig o funudau i’w chwblhau.

Er mwyn ateb y cwestiynau bydd angen gwybodaeth arnoch am swm y dyfarniad wythnosol ar gyfer pob budd-dal neu lwfans rydych chi neu rywun yn eich cartref yn ei gael

Beth sydd wedi’i gynnwys yn y cap ar fudd-daliadau

Pan gânt eu hadio at ei gilydd, bydd y cap ar fudd-daliadau yn cyfyngu ar gyfanswm yr incwm y gallwch ei gael o’r budd-daliadau canlynol:

• Budd-dal Analluogrwydd
• Budd-dal Plant
• Budd-dal Tai
• Credyd Treth Plant
• Cymhorthdal Incwm
• Lwfans Anabledd Difrifol
• Lwfans Ceisio Gwaith
• Lwfans Cyflogaeth a Chymorth (ac eithrio pan gaiff ei dalu gyda'r elfen gymorth)
• Lwfans Gofalwr
• Lwfans Gwarcheidwad
• Lwfans Mamolaeth
• Lwfans Mam Weddw
• Lwfans Profedigaeth
• Lwfans Rhiant Gweddw
• Pensiwn Gwraig Weddw
• Pensiwn Gwraig Weddw ar Sail Oedran

Faint yw’r cap ar fudd-daliadau

Ni chaiff swm gwirioneddol y cap ei osod tan yn ddiweddarach eleni, ond disgwylir iddo gael ei osod fel a ganlyn.

Uchafswm o £350 yr wythnos os ydych naill ai:

• nad oes gennych blant
• nad yw’r plant rydych yn gyfrifol amdanynt yn byw gyda chi

Uchafswm o £500 yr wythnos os ydych naill ai:

• yn gwpl, sydd â phlant dibynnol neu ddim
• yn rhiant unigol sydd â phlant dibynnol

Ni fydd y cap yn berthnasol os ydych yn gymwys i gael Credyd Treth Gwaith neu’n cael unrhyw un o'r budd-daliadau canlynol:

• Lwfans Byw i'r Anabl
• Taliad Annibyniaeth Bersonol (o fis Ebrill 2013)
• Lwfans Gweini
• Budd-daliadau Anafiadau Diwydiannol
• Lwfans Cyflogaeth a Chymorth, os caiff ei dalu gyda'r elfen gefnogaeth
• Pensiwn Rhyfel Gwraig Weddw neu Bensiwn Rhyfel Gŵr Gweddw

Caiff y cap ei gymhwyso drwy dynnu arian o daliadau Budd-dal Tai.

Pam bod y cap ar fudd-daliadau yn cael ei gyflwyno?

Bydd y cap ar fudd-daliadau yn sicrhau na fydd cartrefi sy’n cael budd-daliadau yn cael mwy o fudd-dal na'r cyflog a gaiff aelodau cartref cyffredin sy’n gweithio.

Bydd y cap ar fudd-daliadau yn annog pobl i chwilio am waith ac yn helpu i hyrwyddo tegwch rhwng y rhai mewn gwaith a'r rhai sy'n cael budd-daliadau.

Os ydych eisoes yn cael budd-daliadau y mae’r cap ar fudd-daliadau yn effeithio arnynt

Os ydych eisoes yn cael budd-daliadau y gallai’r cap ar fudd-daliadau effeithio arnynt bydd yr Adran Gwaith a Phensiynau yn cysylltu â chi. Byddant yn eich helpu i ddeall yr hyn y gallai'r cap ei olygu i chi. Bydd yr Adran Gwaith a Phensiynau yn eich helpu i gael gwybodaeth am y newidiadau ac ystyried yr hyn y gallwch ei wneud yn awr i baratoi.

O fis Ebrill 2013, efallai y bydd eich Budd-dal Tai yn gostwng i sicrhau nad yw cyfanswm eich budd-dal yn fwy na lefel y cap. Os bydd hyn yn digwydd, mae’n bosibl y bydd yn rhaid i chi ddefnyddio arian o'ch budd-daliadau eraill i dalu tuag at y rhent ar gyfer eich cartref.

Os ydych yn cael budd-daliadau ac yn gweld ymgynghorydd Canolfan Byd Gwaith, darparwr Rhaglen Waith neu ddarparwr Dewis Gwaith, byddant yn parhau i’ch helpu. Byddant yn eich helpu i chwilio am waith a chael y sgiliau y gallai fod eu hangen arnoch i ddod o hyd i swydd. Os nad ydych mewn cysylltiad ag un o'r rhain ar hyn o bryd, byddwch yn cael cynnig apwyntiad i drafod y cymorth a chefnogaeth a allai fod ar gael. Os byddwch yn yn dod o hyd i waith efallai na fydd y cap yn berthnasol i chi.

Rhagor o wybodaeth

Gallwch gael help i chwilio am waith, diweddaru eich CV, gwella eich sgiliau, gwneud cais am swyddi a pharatoi ar gyfer cyfweliad.

• Help a chyngor wrth wneud cais am swydd (adran Ceiswyr Gwaith)

Gallwch gael gwybod mwy am Gredyd Treth Gwaith, gan gynnwys faint o oriau y mae angen i chi eu gweithio er mwyn bod yn gymwys.

• Credydau Treth Gwaith - y pethau sylfaenol