Gwefan llywodraeth y DU

Sut mae sicrhau bod rhywun arall yn cael mynediad at eich cyfrif

Y ffordd arferol o dalu Pensiynau'r Wladwriaeth, budd-daliadau, lwfansau neu gredyd treth i'ch cyfrif yw Taliad Uniongyrchol.

Bydd y rhan fwyaf o ddarparwyr cyfrifon yn caniatáu i chi bennu cynorthwy-ydd i gael mynediad at eich cyfrif ar eich rhan, naill ai'n barhaol neu dros dro. Dylech gysylltu â'ch banc, eich cymdeithas adeiladu neu'ch darparwr cyfrif arall i gael manylion am sut mae gwneud hyn.

Nid yw Taliad Uniongyrchol yr un fath â thaliadau uniongyrchol gan eich cyngor lleol. Gallwch dderbyn taliadau uniongyrchol gan eich cyngor os oes gennych hawl i gael help ariannol ar gyfer gwasanaethau gofal ond eich bod yn dymuno gwneud eich trefniadau eich hun.

• Y gwahaniaeth rhwng Taliad Uniongyrchol a 'thaliadau uniongyrchol' (adran arian, treth a budd-daliadau)

• Sut y telir budd-daliadau a phensiynau (adran arian, treth a budd-daliadau)

• Hyfforddiant ar ddefnyddio'r we a chyfrifiaduron i bobl dros 50

• Agor a defnyddio cyfrif banc (adran arian, treth a budd-daliadau)

Os na allwch gael arian drwy Daliad Uniongyrchol

Os nad ydych yn gallu rheoli cyfrif banc - ac felly nad oes modd talu i chi drwy Daliad Uniongyrchol - efallai y gallwch gael siec.

Sut mae cynorthwy-ydd yn cyfnewid siec am arian parod ar eich rhan?
Bydd y cynorthwy-ydd yr ydych wedi'i enwebu yn cyfnewid y siec am arian parod ar eich rhan.
Bydd angen i chi lofnodi cefn y siec i ddangos eich bod wedi gofyn i rywun ei chyfnewid am arian parod ar eich rhan. Bydd y cynorthwy-ydd hefyd yn llofnodi datganiad ac yn rhoi tystiolaeth o bwy ydyw ac o bwy ydych chi yn eich banc neu'ch cymdeithas adeiladu.

• Cymorth gyda chasglu taliadau budd-dal Opens new window

Gwneud trefniadau ar gyfer y dyfodol – Atwrneiaeth Arhosol

Efallai yr hoffech sefydlu eich Atwrneiaeth Arhosol eich hun. Mae Atwrneiaeth Arhoson yn caniatáu i chi benodi ffrind, perthynas neu berson proffesiynol yr ydych yn ymddiried ynddo i wneud penderfyniadau ar eich rhan os na fyddwch chi’n gallu gwneud y penderfyniadau hynny. Mae’r penderfyniadau hyn megis eich eiddo, eich arian a'ch lles.

Mae'r opsiwn hwn yn addas os ydych yn dymuno ffurfioli trefniant lle mae'r berthynas neu'r ffrind y mae gennych ffydd ynddo yn cael mynediad ar eich cyfrif fel eich asiant.

Eto i gyd, bydd angen i chi drafod y trefniadau talu gyda'ch banc neu'ch cymdeithas adeiladu.

Mwy o ddolenni defnyddiol

• Cysylltu â'r Gwasanaeth Pensiwn

Cysylltiadau defnyddiol

• Cysylltiadau cartref

• Cysylltiadau gofal a chymuned

• Cysylltiadau dros 50