Gwefan llywodraeth y DU

Ffrynt Cynnes yng Nghymru a Lloegr

Cynllun dan nawdd y llywodraeth yw Ffrynt Cynnes sy'n darparu pecyn ar gyfer gwella insiwleiddio a gwresogi cartrefi.

Os ydych chi'n 60 oed neu'n hŷn a'ch bod yn byw mewn cartref sy'n eiddo i chi neu ar rent, mae'n bosib y cewch chi uchafswm y grant - Ffrynt Cynnes Mwy, sef £2,700 os ydych chi'n derbyn un o'r budd-daliadau cymhwyso sy'n gysylltiedig-ag-incwm. Os byddwch chi'n gosod system gwres canolog olew, fe allech chi dderbyn grant o hyd at £4,000.

Y Pecyn Cymorth Ynni yn yr Alban

Mae’r Pecyn Cymorth Ynni yn darparu amrywiaeth o fentrau sy’n anelu at leihau biliau tanwydd a gwella effeithlonrwydd ynni tai.

Gallwch gael cyngor ynni arbenigol am ddim drwy ffonio Canolfan Gyngor Arbedion Ynni'r Alban ar 0800 512 012. Efallai y bydd gennych yr hawl i gael cymorth pellach, megis camau inswleiddio am ddim neu osod system gwres canolog newydd.

• Y Pecyn Cymorth Ynni ar wefan Llywodraeth yr Alban Opens new window

Pwy sy'n gymwys?

Byddwch yn gymwys i gael grant os ydych chi, neu'ch partner, yn derbyn un o'r budd-daliadau cymhwyso canlynol:

• Lwfans Gweini
• Budd-dal Treth Cyngor
• Lwfans Byw i'r Anabl
• Lwfans Gweithio i'r Anabl
• Credyd Treth i Bobl Anabl
• Credyd Teulu
• Budd-dal Tai
• Lwfans Ceisio Gwaith yn seiliedig ar Incwm
• Cymhorthdal Incwm
• Budd-dal Anabledd Anafiadau Diwydiannol, a rhaid i hynny gynnwys y Lwfans Gweini Cyson
• Pensiwn Anabledd Rhyfel a rhaid i hynny gynnwys yr atodiad symudedd neu'r Lwfans Gweini Cyson
• Credyd Treth Gwaith

Os ydych chi'n 60 oed neu'n hŷn ac nad ydych yn derbyn un o'r budd-daliadau cymhwyso, fe allech fod yn gymwys i gael grant o hyd at £125.

Sut i wneud cais

I gael gwybod rhagor am y Fargen Gynhesrwydd neu i drefnu arolwg heb eich rhwymo o gwbl, ewch i wefan Llywodraeth yr Alban, neu ffoniwch 0800 316 6009 yn rhad ac am ddim. Mae rhif minicom ar gael i bobl sy'n drwm eu clyw neu'n cael anhawster gyda'u lleferydd ar 0131 244 1829. Gallwch ffonio rhwng 8.30 am a 5.30 pm, o ddydd Llun tan ddydd Gwener.

• Y Fargen Gynhesrwydd ar wefan Llywodraeth yr Alban Opens new window

Rhaglen Gwres Canolog yr Alban

Mae Rhaglen Gwres Canolog Llywodraeth yr Alban yn helpu pobl i osod systemau gwres canolog yn eu cartrefi. Mae'r rhaglen hefyd yn cynnig amrywiaeth o gamau insiwleiddio cartrefi.

Pwy sy'n gymwys?

I fod yn gymwys ar gyfer y Rhaglen Gwres Canolog:

• rhaid i chi fod yn 60 neu'n hŷn
• rhaid i chi fod yn byw yn yr Alban ac wedi bod yn eich cyfeiriad presennol ers 12 mis
• rhaid i chi fod yn berchen ar eich cartref eich hun neu'n rhentu gan landlord preifat
• rhaid i chi fod â system gwres-canolog sydd wedi torri a'r tu hwnt i'w drwsio, neu fod heb un o gwbl

Os ydych chi'n 80 oed neu'n hŷn, eich bod yn berchen ar eich cartref eich hun neu'n rhentu gan landlord preifat a bod gennych system gwres canolog rannol neu aneffeithiol, cewch wneud cais am gael gosod system gwres canolog lawn neu un newydd yn lle'r hen un.

Sut i wneud cais

I gael gwybod rhagor am y Rhaglen Gwres Canolog, ewch i wefan Llywodraeth yr Alban, neu ffoniwch 0800 316 1653 yn rhad ac am ddim.

• Y Rhaglen Gwres Canolog ar wefan Llywodraeth yr Alban Opens new window

Gwasanaeth cadw'n gynnes yn y gaeaf yn eich ardal leol

Efallai gallwch ddod o hyd i wybodaeth a chyngor ar gadw'n gynnes yn y gaeaf yn eich ardal leol. Gallwch lenwi eich manylion am eich ble yr ydych yn byw yn y ddolen ganlynol, bydd hyn wedyn yn eich tywys i'r wefan am eich awdurdod lleol.

• Cael gwybod ynghylch y gwasanaeth cadw’n gynnes yn y gaeaf Opens new window

Mwy o ddolenni defnyddiol

• Grantiau Effeithlonrwydd Ynni (adran arian, treth a budd-daliadau)