Gwefan llywodraeth y DU

Agor cyfrif banc

Er mwyn agor cyfrif banc, fel arfer, gofynnir i chi:

• brofi pwy ydych chi
• profi lle rydych chi'n byw
• profi eich statws fel myfyriwr, os yw hynny'n berthnasol
• llenwi ffurflen gais
• talu rhywfaint o arian i mewn i'ch cyfrif mewn rhai achosion

Ar gyfer y cyfrifon sy'n caniatáu i chi gael benthyg arian neu ordynnu, mae'n bosib y bydd y banc yn dymuno gwneud 'archwiliad credyd'; mewn geiriau eraill, cael geirda gan fanciau neu fenthycwyr y bu i chi eu defnyddio yn y gorffennol cyn agor y cyfrif i brofi eich bod yn gwsmer cydwybodol.

Pam bod angen i chi brofi pwy ydych chi

Rhaid i chi brofi pwy ydych chi er mwyn helpu banciau i frwydro yn erbyn 'gwyngalchu arian' (money laundering) lle bydd troseddwyr yn ceisio agor cyfrifon gydag arian a enillwyd o weithgareddau anghyfreithlon neu a fwriedir ar gyfer gweithgareddau o'r fath, yn aml iawn dan enwau ffug neu gan ddwyn a defnyddio manylion personol pobl eraill. Yn ôl y gyfraith, rhaid i fanciau sicrhau eu bod yn 'adnabod eu cwsmer' cyn gadael i chi agor cyfrif neu brynu eu cynnyrch neu wasanaethau ariannol.

Cewch wybod mwy ar wefan yr Awdurdod Gwasanaethau Ariannol.

• Cadarnhau pwy ydych chi – taflen ffeithiau gan yr Awdurdod Gwasanaethau Ariannol Opens new window

• Cymorth gyda ffeiliau PDF

• Dogfennau y bydd angen i chi eu darparu wrth agor cyfrif Opens new window

Defnyddio cyfrif banc

Bydd eich banc yn rhoi gwybodaeth i chi am sut i ddefnyddio'ch cyfrif. Mae nodweddion cyfrifon yn amrywio, ond gallai'r dulliau gweithredu a'r dogfennau y byddwch yn eu defnyddio neu'n eu cael gynnwys

Dogfennau/cardiau

Gweithdrefnau awtomataidd

• Defnyddio cyfrif banc - mwy o wybodaeth gan yr Awdurdod Gwasanaethau Ariannol Opens new window

Beth sy'n digwydd os byddwch yn gordynnu arian?

Bydd rhai cyfrifon yn gadael i chi ordynnu swm bychan (er enghraifft £50) heb godi tâl arnoch. Ond os byddwch yn gordynnu heb gytundeb codir llog ar y swm arian fel arfer - a ffi ar ben hynny. Yn ogystal â hyn, efallai y bydd y banc yn gwrthod talu eich sieciau a'ch debydau uniongyrchol, a byddant hefyd, mwy na thebyg, yn codi tâl arnoch am beri iddynt 'fownsio' (eu gwrthod). Gall y ffioedd fod yn uchel iawn, ac efallai y bydd rhaid i chi dalu ffi gweinyddol ar ben hynny.

Mae'n bosib y bydd rhaid i chi dalu ffi am drefnu cytundeb gorddrafft, ond bydd hyn, mwy na thebyg, yn rhatach na gordynnu'n rheolaidd heb gytundeb. Os ydych yn poeni am ordynnu arian, efallai y byddai cyfrif banc sylfaenol, na fydd yn caniatáu i chi wneud hynny, yn addas ar eich cyfer.

• Gorddrafftiau banc – canllaw Opens new window

Mwy o ddolenni defnyddiol

• Diogelwch wrth fancio ar-lein - canllaw gan wefan BankSafe Online Opens new window

• Rheoli'ch arian (adran pobl ifanc)

• Y prif ffyrdd o gynilo neu fuddsoddi eich arian

• Treth ar gyfrifon banc a chymdeithasau adeiladu