Gwefan llywodraeth y DU

Gorddrafftiau

Mae gorddrafftiau'n debyg i 'rwyd ddiogelwch' ar eich cyfrif cyfredol; byddant yn caniatáu i chi gael benthyg arian hyd at swm penodol pan nad oes arian yn eich cyfrif a gallant fod yn ddefnyddiol i ymdrin â phroblemau llif arian tymor byr.

Ceir gorddrafft yn awtomatig gyda rhai cyfrifon banc, a hynny am ddim. Os nad yw hyn yn wir am eich un chi, bydd rhaid i chi ofyn i'ch banc am orddrafft wedi'i awdurdodi. Bydd eu penderfyniad yn seiliedig ar eich cofnod banc ac efallai y bydd gofyn i chi dalu ffi i'w sefydlu. Nid oes rhaid i chi ddefnyddio'r gorddrafft wedi'i awdurdodi, ond fe fydd yno os bydd arnoch ei angen ac ni fydd angen i chi dalu costau ychwanegol am ordynnu arian yn ddamweiniol.

Mae'n rhaid i chi ad-dalu eich gorddrafft a'r llog ar ei ben. Bydd cyfraddau llog yn amrywio o fanc i fanc a gallant fod naill ai'n sefydlog neu'n amrywiol. Mae'n bosib y bydd ffi i'w thalu am drefnu'r gorddrafft yn ogystal â chostau misol.

Gorddrafftiau heb eu hawdurdodi

Os byddwch yn gordynnu heb awdurdod eich banc, mae'n debygol y bydd y costau'n uchel. Efallai y bydd eich banc hefyd yn peri i sieciau y byddwch yn eu hysgrifennu 'fownsio' (gwrthod eu talu) neu gall wrthod talu debydau uniongyrchol - a chodi tâl am bob un o'r trafodion sy'n cael eu gwrthod. Mae'n bosib y byddant hefyd yn gofyn am ffioedd gweinyddol ychwanegol.

Benthyciadau personol

Gyda benthyciad personol gallwch gael benthyg swm y cytunir arno a'i ad-dalu gyda llog dros gyfnod penodol o amser (rhwng un a phum mlynedd fel rheol). Gall cyfraddau llog fod yn sefydlog neu'n amrywiol. Fel arfer, bydd rhaid i chi gadw at gynllun talu. Gall benthyciadau personol fod yn ddefnyddiol ar gyfer cwrdd â chostau mawr fel prynu car neu gyfarpar.

Golyga benthyciad 'heb ei warantu' fod y benthyciwr yn dibynnu ar eich addewid i dalu'r arian yn ôl. Maent yn cymryd mwy o risg na gyda benthyciad 'wedi'i warantu', lle gallant feddiannu unrhyw beth yr ydych chi wedi gwarantu'r benthyciad arno (megis eiddo) os na fyddwch yn ad-dalu. Felly tuedda cyfraddau llog ar gyfer benthyciadau heb eu gwarantu fod yn uwch.

Beth mae APR yn ei olygu?

Y 'gyfradd ganrannol flynyddol' yw'r APR ('annual percentage rate'). Mae'n dangos i chi beth yw gwir gost y benthyciad, fel cyfradd llog blynyddol. Mae'n cynnwys y costau a'r ffioedd yn ogystal â'r gyfradd llog er mwyn eich cynorthwyo i gymharu benthyciadau yn deg, ochr yn ochr â'i gilydd.

• Gwybodaeth ar gyfradd ganrannol flynyddol ar Moneymadeclear gan yr Awdurdod Gwasanaethau Ariannol Opens new window

O blaid ac yn erbyn benthyciadau personol

Y manteision:

Yr anfanteision:

Pwyntiau i gadw llygad arnynt

Edrych o gwmpas am fenthyciadau

Mae dewis helaeth o fenthyciadau ar gael, felly edrychwch o gwmpas er mwyn cael y fargen orau. Cymharwch gyfraddau llog, APR, termau (fel costau a chosbau am ad-dalu benthyciad yn rhy fuan) a pha mor hir y cewch fenthyg yr arian. Gallwch ddefnyddio cyfrifiannell ar-lein y Gwasanaeth Cyngor am Arian er mwyn cyfrifo'r ad-daliadau misol.

• Cymharu costau ad-dalu gyda chyfrifydd benthyciad y Gwasanaeth Cynghori Ariannol Opens new window

• Cymharu cyfraddau benthyciadau cyfredol ar-lein Opens new window

Allwch chi fforddio i gael benthyg arian?

Boed chi'n benthyg arian gan ddefnyddio gorddrafft neu fenthyciad, sicrhewch eich bod yn medru fforddio'r ad-daliadau. Os na allwch, gall eich dyledion fynd yn drech na chi yn sydyn iawn.

Mae’n bosib nad oes gennych gyfrif banc, bod gennych gofnod credyd gwael (neu ddim hanes credyd o gwbl) ac eich bod yn teimlo na fyddwch yn gallu cael y credyd cost isel normal sydd ar gael o fanciau neu gymdeithasau adeiladu.

Mae’r tabl isod yn darparu manylion benthycwyr gwahanol a’u cyfraddau tebygol, gan ddangos yr arbedion gallwch wneud.

Dilynwch y ddolen isod i ddod o hyd i Undeb Credyd yn agos i chi neu drwy edrych yn y Yellow Pages o dan ‘Undebau Credyd’.

• Undebau Credyd – dod o hyd i un yn agos i chi Opens new window

• Cymrwch brawf dyled y Gwasanaeth Cynghori Ariannol cyn cael benthyg arian Opens new window

• Defnyddio cyfrifydd cyllidebu’r Gwasanaeth Cynghori Ariannol Opens new window

Mwy o ddolenni defnyddiol

• Y Gwasanaeth Cynghori Ariannol – gwybodaeth diduedd am eich arian Opens new window

• Rheoli dyled

• Y prif ffyrdd o gynilo neu fuddsoddi eich arian

• Treth ar gyfrifon banc a chymdeithasau adeiladu

Cysylltiadau defnyddiol

• Cysylltiadau arian, treth a budd-daliadau