Gwefan llywodraeth y DU

Eich anghenion gofal

I gael Lwfans Gweini, rhaid i'ch anabledd fod yn ddigon difrifol fel bod angen unrhyw un o’r canlynol arnoch:

• help gyda phethau megis ymolchi (a mynd i mewn ac allan o'r baddon neu gawod), gwisgo, bwyta, mynd i'r toiled a'i ddefnyddio, neu gyfathrebu eich anghenion
• goruchwyliaeth i osgoi rhoi eich hun neu bobl eraill mewn perygl sylweddol, er enghraifft, bod angen rhywun i gadw llygad ar eich cyflwr meddygol neu'ch deiet, neu oherwydd nid ydych yn gallu rheoli y ffordd rydych yn ymddwyn
• rhywun gyda chi pan fyddwch ar ddialysis

Mae dwy gyfradd i'r Lwfans Gweini, gan ddibynu ar sut mae'ch anabledd yn effeithio arnoch chi:

• y gyfradd is, os oes angen cymorth neu oruchwyliaeth arnoch yn aml drwy gydol y dydd yn unig, cymorth gyda gofal personol neu rywun i edrych drostoch chi yn ystod y nos yn unig, neu rywun gyda chi pan fyddwch ar ddialysis
• y gyfradd uwch, os ydych yn cwrdd ac amod dydd a nos ar gyfer y gyfradd canol, neu os oes gennych salwch terfynol ac yn gwneud cais o dan y rheolau arbennig (gweler isod)

Gallwch gael Lwfans Gweini hyd yn oed pan nad oes rhywun yn rhoi'r gofal sydd ei angen arnoch i chi - hyd yn oed os ydych yn byw ar eich pen eich hun.

Rheolau arbennig - os oes gennych salwch terfynol

Os oes gennych salwch cynyddol ac nad oes disgwyl rhesymol i chi fyw am fwy na chwe mis arall, mae yna reolau arbennig i'ch helpu i gael Lwfans Gweini yn gyflymach ac yn rhwyddach. Gallwch gael y gyfradd uwch ar unwaith, beth bynnag yw eich anghenion gofal heb aros nes eich bod wedi bod angen help am chwe mis.

Gallwch wneud cais ar gyfer rhywun dan y rheolau arbennig heb iddynt wybod neu heb eu caniatâd. Os ydynt yn bodloni'r amodau perthnasol, byddant yn cael llythyr yn dweud y byddant yn cael Lwfans Gweini, ond heb sôn am y rheolau arbennig.

I wneud cais o dan y rheolau arbennig hyn, llenwch ffurflen gais Lwfans Gweini a ffurflen DS1500 ar wahân sydd wedi’i chwblhau gan eich meddyg, arbenigwr neu ymgynghorwr i'w hanfon gyda hi.

Gellwch gael gwybod mwy am ofalu am rywun sydd â salwch terfynol yn yr adran 'gofalu am rywun'.

• Gofalu am rywun sy’n angheuol wael (adran gofalu am rywun)

Eich preswyliaeth

Mae rhai amodau em eich amgylchiadau a lle rydych yn byw, y bydd angen i chi eu bodloni i gael Lwfans Gweini.

• Lwfans Gweini - eich amgylchiadau

Mwy o ddolenni defnyddiol

Cysylltiadau cymorth ariannol

• Lwfans Gweini