Gwefan llywodraeth y DU

Pwy sy'n gymwys?

Cysylltwch â llinell gymorth rhad Asiantaeth Cyn-aelodau'r Lluoedd Arfog ar 0800 169 2277, ffôn testun 0800 169 3458 (rhwng 8.15 am a 5.15 pm o ddydd Llun i ddydd Iau a rhwng 8.15 am a 4.30 pm ar ddydd Gwener).

Os ydych chi’n galw o dramor: +44 (0)1253 866 043 neu e-bost: veterans.help@spva.gsi.gov.uk

Gwasanaeth Lles Pensiynwyr Rhyfel (WPWS)

Gall y Gwasanaeth hwn eich helpu i hawlio Pensiwn Anabledd Ryfel os ydych chi'n gymwys. Gallant hefyd eich helpu mewn ffyrdd eraill megis cysylltu â'r gwasanaethau cymdeithasol ar eich rhan.

• Cysylltu â'r Gwasanaeth Lles Pensiynwyr Rhyfel Opens new window

Pwy sydd ddim yn gymwys?

Dim ond cyn aelodau'r lluoedd arfog gaiff hawlio hwn. Allwch chi ddim hawlio Pensiwn Anabledd Rhyfel os ydych yn dal i wasanaethu yn Lluoedd Arfog EM.

Faint fyddwch chi'n ei gael?

Mae eich hawl i gael Pensiwn Anabledd Rhyfel yn dibynnu ar ddifrifoldeb eich anabledd; ar ddifrifoldeb unrhyw anaf neu niwed corfforol neu feddyliol, neu ar i ba raddau y collwyd unrhyw allu corfforol neu feddyliol. Caiff pob cais am atodiad neu lwfans ei asesu ar wahân.

Sut mae'n cael ei dalu

Fel arfer bydd costau meddygol i bensiynwyr rhyfel yn cael eu talu gyda'ch Pensiwn Anabledd Rhyfel i'ch cyfrif banc, cymdeithas adeiladu, Swyddfa'r Post® neu Gynilion Cenedlaethol sy'n derbyn Taliad Uniongyrchol.

Os ydych yn ddall, neu os oes angen i'r sawl sy'n gofalu amdanoch gasglu'r arian, bydd modd anfon siec y gellir ei chyfnewid am arian yn Swyddfa'r Post®.

• Y gwahaniaeth rhwng Taliad Uniongyrchol a 'thaliadau uniongyrchol'

Yr effaith ar fudd-daliadau neu gredydau treth

Ni chodir treth ar Daliadau Meddygol i Bensiynwyr Rhyfel ac ni chaiff y taliadau hyn effaith ychwaith ar unrhyw fudd-daliadau neu gredydau treth y gallech chi fod yn eu cael. Ond mae'n bosibl y gallai taliadau eraill gan Asiantaeth Cyn-aelodau'r Lluoedd Arfog gael effaith.

Sut i hawlio

Gall Asiantaeth Cyn-aelodau'r Lluoedd Arfog eich helpu gyda'ch cais. Byddant yn gofyn am eich enw llawn a'ch rhif Yswiriant Gwladol.

Cysylltwch ag Asiantaeth Cyn-aelodau'r Lluoedd Arfog am ddim ar 0800 169 2277, ffôn testun 0800 169 3458 (rhwng 8.15 am a 5.15 pm o ddydd Llun i ddydd Iau a rhwng 8.15 am a 4.30 pm ar ddydd Gwener).

Os ydych chi'n ffonio o dramor: +44 (0)1253 866 043 neu anfonwch e-bost at: veterans.help@spva.gsi.gov.uk

Sut i apelio

Os byddwch chi'n anghytuno â phenderfyniad am eich hawliad, efallai byddwch yn gallu apelio, ond cyn gwneud hynny:

Os ydych chi'n dal i fod yn anhapus â'r canlyniad, gofynnwch i Asiantaeth Cyn-aelodau'r Lluoedd Arfog a allwch chi apelio - fe gewch gyngor ganddynt.

Os dywedir wrthych na allwch apelio, gallwch ofyn i Bwyllgor Pensiwn Rhyfel adolygu'ch achos. Bydd Asiantaeth Cyn-aelodau'r Lluoedd Arfog yn eich cynghori ynghylch pwy y dylech gysylltu â hwy.

• Apeliadau Asiantaeth Cyn-aelodau’r Lluoedd Arfog Opens new window

Beth arall y mae angen i chi ei wybod

Anghenion oherwydd anabledd

Os oes angen gwasanaethau arnoch megis lifft grisiau, addasu ystafell ymolchi neu system larwm personol, gall y Gwasanaeth Lles Pensiynwyr Rhyfel eich helpu i gael y rhain gan eich gwasanaethau cymdeithasol lleol.

Gallant hefyd gysylltu â sefydliadau cyn-aelodau'r lluoedd arfog i'ch helpu i gael arian i brynu cadair olwyn a sgwter.

• Cysylltu â'r Gwasanaeth Lles Pensiynwyr Rhyfel Opens new window

Mwy o ddolenni defnyddiol

• Cynllun costau teithio gofal iechyd

• Budd-daliadau wedi ymddeol

• Budd-daliadau a phensiynau cyn filwyr y lluoedd arfog (adran pensiynau a chynllunio ar gyfer ymddeol)

Cysylltiadau defnyddiol

• Cysylltiadau arian, treth a budd-daliadau