Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Arian, treth a budd-daliadau

Grantiau Cyfleusterau i Bobl Anabl

Grant gan y cyngor lleol yw'r Grant Cyfleusterau i Bobl Anabl i gynorthwyo gyda chost gwneud addasiadau i'ch cartref er mwyn i chi allu parhau i fyw yno. Telir y grant pan fo'r cyngor o'r farn fod y newidiadau'n angenrheidiol er mwyn diwallu'ch anghenion - ac yn fodlon fod y gwaith yn rhesymol ac yn ymarferol.

Pwy sy'n gymwys i gael Grant Cyfleusterau i bobl Anabl?

Gallwch hawlio os ydych chi, neu rywun sy'n byw yn eich eiddo, yn anabl a hefyd:

os ydych chi, neu'r person yr ydych yn gwneud cais ar ei ran, naill ai'n berchen ar yr eiddo neu'n denant (gan gynnwys trwyddedigion)
os gallwch dystio eich bod chi, neu'r person yr ydych yn gwneud cais ar ei ran, yn bwriadu byw yn yr eiddo fel eich prif neu eich unig gartref (neu ei brif neu ei unig gartref) gydol cyfnod y grant - pum mlynedd ar hyn o bryd

Gall landlord wneud cais ar ran tenant anabl.

Beth allwch chi ei wneud gyda'r arian hwn

Gellir defnyddio grant i wneud addasiadau hanfodol er mwyn i chi allu symud yn fwy hwylus o amgylch eich cartref ac i mewn ac allan o'ch cartref a/neu ddarparu cyfleusterau hanfodol yn y cartref.

Os ydych chi'n anabl, mae'r mathau derbyniol o waith yn cynnwys:

lledu drysau a gosod rampiau
darparu neu wella mynediad i ystafelloedd a chyfleusterau - er enghraifft, gosod lifft ar y grisiau neu ddarparu ystafell ymolchi ar y llawr gwaelod
gwella neu ddarparu system wresogi sy'n addas ar gyfer eich anghenion chi
addasu switshis golau neu reolyddion gwresogi fel eu bod yn haws eu defnyddio
gwella mynediad i'r cartref ac o gwmpas y cartref er mwyn i chi allu gofalu am berson arall sy'n byw yn yr eiddo, er enghraifft plentyn

Bydd therapydd galwedigaethol yn edrych ar eich amgylchiadau a gall argymell beth y mae angen ei wneud.

Gall adran dai neu adran iechyd yr amgylchedd yn eich cyngor lleol roi gwybodaeth fanwl i chi wrth i chi wneud cais am Grant Cyfleusterau i bobl Anabl.

Dod o hyd i'ch cyngor lleol

Faint fyddwch chi'n ei gael?

Mae'r swm a delir fel arfer yn seiliedig ar asesiad ariannol (a 'phrawf modd') o'ch incwm wythnosol cyfartalog mewn perthynas â'ch alldaliadau - neu'r 'anghenion a aseswyd'. Fodd bynnag, nid oes prawf modd ar gyfer teuluoedd plant anabl sydd dan 19 oed.

Bydd profion modd yn ystyried cynilon sy’n uwch na’r terfyn penodol, ond caiff rhai budd-daliadau - gan gynnwys Lwfans Byw i'r Anabl a/neu Gymhorthdal Incwm - eu hanwybyddu yn gyffredinol.

Os oes gennych bartner, asesir eich incwm cyfunol ar y cyd. Caiff cyfalaf yn ei gynnwys yn y prawf modd. Anwybyddir y £6,000 cyntaf o gynilion.

Defnyddir amrywiaeth o bremiymau a lwfansau ar gyfer pob alldaliadau hanfodol, er enghraifft, rhent/morgais a gwariant personol. Ni ystyrir alldaliadau gwirioneddol.

Yn dibynnu ar ganlyniad yr asesiad hwn, gall swm y cymorth ariannol a gynigir amrywio rhwng 0 a 100 y cant o'r gost.

Sut y cyfrifir y dyfarniad
Mae'r dyfarniad yn gweithio fel hyn:

os yw eich incwm yn llai na'ch anghenion asesedig, ni fydd yn rhaid i chi fel arfer gyfrannu at gost y gwaith
os yw eich incwm yn fwy na'ch anghenion asesedig, defnyddir cyfran o'ch incwm i gyfrifo faint o fenthyciad y gallech chi ei gyfrannu tuag at gost y gwaith
os yw swm y benthyciad asesedig hwn yn llai na chost y gwaith, telir y gwahaniaeth rhwng y ddau fel Grant Cyfleusterau i bobl Anabl

Uchafswm y grant

£25,000 yw uchafswm y Grant Cyfleusterau i bobl Anabl y mae'n rhaid i gyngor ei dalu ar gyfer cais yn Lloegr - llai unrhyw gyfraniad asesedig oddi wrthych chi.

Os yw cost y gwaith cymwys yn fwy, gall y cyngor ddefnyddio pwerau dewisol i godi'r grant.