Gwefan llywodraeth y DU

Pwy sy'n gallu cynnig cyngor am bensiynau?

Er mwyn i gwmnïau allu rhoi cyngor i chi am gynnyrch ariannol megis pensiynau personol, rhaid iddynt gael eu rheoleiddio gan reolydd gwasanaethau ariannol y DU, yr Awdurdod Gwasanaethau Ariannol (FSA). Golyga hyn eu bod yn gorfod dilyn rheolau a safonau penodol wrth ddelio gyda chi.

Ystyr cyngor ariannol

Pan fyddwch yn cael cyngor ariannol proffesiynol, bydd yr ymgynghorydd ariannol yn edrych ar eich anghenion a'ch amgylchiadau unigol ac yn argymell cynnyrch ariannol a fydd yn addas i chi.

Pensiynau personol neu bensiynau cyfranddeiliaid

Pensiwn y gallwch drefnu eich hun yw pensiwn personol, er enghraifft os ydych yn hunangyflogedig neu nad yw eich cyflogwr yn cynnig trefniant pensiwn. Math o bensiwn cyfraniadau diffiniedig (neu brynu arian) ydynt.

Rhaid i bensiynau cyfranddeiliaid fodloni safonau gofynnol a bennir gan y llywodraeth. Mae rhai cyflogwyr yn eu cynnig neu gallwch ddechrau un eich hun.

• Pensiynau personol ar wefan y Gwasanaeth Cynghori Ariannol Opens new window

• Mwy am bensiynau cyfranddeiliaid gan y Gwasanaeth Cynghori Ariannol Opens new window

Yr wybodaeth y byddwch yn ei derbyn

Cyn i chi brynu pensiwn personol neu bensiwn cyfranddeiliaid, bydd yr ymgynghorydd ariannol fel arfer yn rhoi 'Dogfen nodweddion allweddol' i chi sy'n esbonio manylion pwysig, megis:

• Pensiynau: cael cymorth - gan y Gwasanaeth Cynghori Ariannol Opens new window

Sut i gael gwybod a yw cwmni wedi'i awdurdodi

Gallwch gael gwybod a yw cwmni yr ydych yn delio ag ef wedi'i reoleiddio gan yr FSA. Defnyddiwch gofrestr ar-lein yr FSA neu ffoniwch Linell Gymorth yr FSA i Ddefnyddwyr ar 0845 606 1234. Mae'r llinellau ar agor rhwng 8.00 am a 6.00 pm o ddydd Llun i ddydd Gwener.

• Defnyddio cofrestr ar-lein yr FSA i gael gwybod am gwmni Opens new window

Dewis a defnyddio ymgynghorydd ariannol proffesiynol

Gallwch ddod o hyd i ymgynghorydd ariannol proffesiynol mewn sawl ffordd. Gallwch:

• Chwilio am ymgynghorydd ariannol ar unbiased.co.uk Opens new window

• Chwilio am ymgynghorydd ariannol ar wefan Cymdeithas Cyllid Personol Opens new window

Gwasanaeth Cynghori ar Bensiynau

Mae'r Gwasanaeth Cynghori ar Bensiynau (TPAS) yn sefydliad gwirfoddol annibynnol sy’n darparu cyngor am ddim ar bensiynau. Maent yn darparu gwybodaeth a chyfarwyddyd ynghylch materion pensiwn, gan gynnwys cynlluniau'r wladwriaeth, cwmni, personol a chyfranddeiliaid. Maent hefyd yn helpu unrhyw aelod o'r cyhoedd sydd â phroblem, cwyn neu anghydfod gyda'u trefniant pensiwn galwedigaethol neu breifat.

• Gwasanaeth Cynghori ar Bensiynau Opens new window

Y Rheoleiddiwr Pensiynau

Mae’r Rheoleiddiwr Pensiynau’n rheoleiddio cynlluniau pensiynau gwaith yn y DU. Maent yn sicrhau bod yr unigolion sy’n gyfrifol am ddarparu a rheoli pensiynau gwaith yn cyflawni eu hoblygiadau.

• Y Rheoleiddiwr Pensiynau Opens new window

Prynu heb gael cyngor

Gallwch fuddsoddi mewn pensiwn sy'n seiliedig ar 'wybodaeth yn unig', ar ôl chwilio o gwmpas. Ond mae'n bwysig cofio bod gennych lai o hawliau i gwyno os prynwch chi gynnyrch buddsoddi heb geisio cyngor ariannol. Darllenwch y manylion yn y tudalennau cysylltiedig.

• Sut i siopa o gwmpas am gynnyrch ariannol

• Gwybod eich hawliau ariannol

Cyngor am bensiynau’r gweithle

Dylai ymgynghorydd ariannol ofyn a yw eich cyflogwr yn cynnig cynllun pensiwn y gweithle cyn awgrymu pensiwn personol. Os bydd eich cyflogwr yn cynnig cynllun, yn aml mae'n syniad da ymuno ag ef, yn enwedig os bydd eich cyflogwr yn cyfrannu tuag ato. I gael gwybod mwy, bydd rhaid i chi siarad â'ch adran Adnoddau Dynol. Darllenwch 'Deall pensiynau cwmni' i gael gwybod rhagor.

• Deall pensiynau cwmni

Mwy o ddolenni defnyddiol

• Cael cymorth gyda phenderfyniadau ynghylch arian – dysgu mwy gan y Gwasanaeth Cynghori Ariannol Opens new window

• Rhoi gwybod am newid mewn cyfeiriad, manylion banc neu amgylchiadau eraill i’r Gwasanaeth Pensiwn

• Gwneud cwyn am y Gwasanaeth Pensiwn

• Pwy i gysylltu â nhw yn y Gwasanaeth Pensiwn

Cysylltiadau defnyddiol

• Age Cymru – manylion cyswllt

• Y Gwasanaeth Cynghori ar Bensiynau – manylion cyswllt

• Cyngor ar Bopeth – manylion cyswllt

• Yr Ombwdsmon Pensiynau – manylion cyswllt