Gwefan llywodraeth y DU

Eich arferion gwario – sut gallant newid pan fyddwch yn ymddeol

Dychmygwch mai heddiw yw’r diwrnod yr ydych yn ymddeol. Gallai eich bywyd fod yn wahanol iawn i’r hyn ydyw heddiw. Mae’n siŵr y byddech yn gwneud llawer mwy o rai pethau, a llawer llai o bethau eraill. Meddyliwch am yr hyn y byddai’n ei olygu i’ch arferion gwario. Dyma ambell beth i chi feddwl amdanynt i ddechrau – efallai na fydd pob un yn berthnasol i chi.

Efallai y byddwch yn gwario llai ar:

• eich plant
• eich morgais, os oes un gennych
• costau eraill yn ymwneud â gweithio – megis tocynnau tymor, dillad busnes a chinio o’r ffreutur
• cyfraniadau y byddwch yn eu gwneud i bensiwn cwmni neu bensiwn personol

Efallai y byddwch yn gwario mwy ar:

• eich wyrion a’ch wyresau
• hobïau a mynd allan
• mynd ar ragor o wyliau
• biliau tanwydd (oherwydd efallai y byddwch gartref am ragor o'r amser)
• gofal iechyd os byddwch yn mynd yn sâl

Bydd waled y dyfodol yn gofyn i chi nodi'r pethau rydych chi'n meddwl y byddwch chi neu'ch teulu yn gwario mwy neu lai arnynt. Bydd yn rhoi gwybod i chi beth allai hyn ei olygu i’ch arian ar gyfer y dyfodol.

Defnyddio waled y dyfodol

Ni fydd dim o’r wybodaeth y byddwch yn ei darparu wrth ddefnyddio waled y dyfodol yn cael ei storio na’i rhannu â neb arall. Dim ond i gyfrifo cyllideb i chi ei hargraffu a’i chadw y caiff ei defnyddio. Mae tri cham i waled y dyfodol, a bydd yn cymryd oddeutu 10 munud i’w cwblhau. Ni fydd angen pob math o waith papur arnoch, ond bydd yn ddefnyddiol i chi gael y canlynol wrth law:

• slip cyflog diweddar
• datganiadau banc a cherdyn credyd diweddar
• tocyn teithio am y tymor, os oes un gennych

Mae waled y dyfodol yn adnodd syml sy’n eich helpu i gael syniad bras o’r hyn fydd arnoch ei angen pan fyddwch yn ymddeol. Byddwch yn dychmygu eich bod yn ymddeol heddiw. Felly am y tro, peidiwch â phoeni sut bydd prisiau'n newid yn y dyfodol. Meddyliwch am faint mae pethau’n costio i chi heddiw.

Mwy o ddolenni defnyddiol

• Gweithio ar ôl oedran Pensiwn y Wladwriaeth – eich opsiynau

Cysylltiadau defnyddiol

• Cysylltiadau ymddeol

• Cysylltiadau cyngor a chymorth ariannol

• Cysylltiadau i rai dros 50