Gwefan llywodraeth y DU

Olrhain cynllun pensiwn

Gall fod yn hawdd anghofio beth yw hanes pensiwn os byddwch yn newid swyddi yn ystod eich bywyd gwaith.

Bydd y Gwasanaeth Olrhain Pensiynau (sy'n rhan o'r Gwasanaeth Pensiwn) yn ceisio eich helpu i ddod o hyd i bensiwn hyd yn oed os nad ydych chi'n siŵr o’r manylion cyswllt. Mae'n gallu cael gafael ar wybodaeth am dros 200,000 o gynlluniau pensiwn. Bydd y Gwasanaeth Olrhain Pensiynau yn defnyddio'r gronfa ddata hon, yn rhad ac am ddim, i chwilio am eich cynllun.

Mae'n bosib y gall y Gwasanaeth Olrhain Pensiynau roi manylion cyswllt cyfredol cynllun pensiwn i chi. Yna, gallwch ddefnyddio'r wybodaeth hon i gysylltu â'r darparwr pensiwn ac i gael gwybod a oes gennych unrhyw hawl i bensiwn.

Gwybodaeth ar gyfer y Gwasanaeth Olrhain Pensiynau

Bydd angen i chi roi pa wybodaeth i’r Gwasanaeth Olrhain Pensiynau y gallwch. Bydd yn ddefnyddiol os gallwch ddweud wrth y Gwasanaeth Olrhain Pensiynau pa fath o gynllun rydych chi'n chwilio amdano. Mae ganddynt fanylion dau fath o gynllun pensiwn: cynlluniau pensiwn cwmni a chynlluniau pensiwn personol.

Cynllun pensiwn cwmni

Cynllun pensiwn y bydd cyflogwr yn ei gynnig i'w weithwyr yw hwn. Fe'i gelwir hefyd yn gynllun pensiwn yn y gwaith neu'n gynllun pensiwn galwedigaethol.

Os ydych chi'n ceisio olrhain cynllun pensiwn cwmni, dechreuwch drwy weld:

• a oedd y cyflogwr yn masnachu dan enw gwahanol
• pa fath o fusnes yr oedd y cyflogwr yn ei redeg
• a wnaeth y cyflogwr newid cyfeiriad unrhyw bryd
• pryd oeddech chi'n perthyn i'r cynllun pensiwn

I gael gwybod mwy am Bensiynau Cwmni:

• Pensiynau cwmni

Cynllun pensiwn personol

Mae hwn yn gynllun sy'n cael ei brynu gan ddarparwr pensiwn, megis banc, cwmni aswiriant bywyd neu gymdeithas adeiladu. Chi'n unig fydd piau'r pensiwn, sy'n golygu y gallwch ddal ati i gyfrannu ato os byddwch yn newid swydd.

Os ydych chi'n ceisio olrhain cynllun pensiwn personol, dechreuwch drwy weld:

• beth oedd enw'r cynllun pensiwn personol
• cyfeiriad y lle a oedd yn rhedeg y cynllun pensiwn personol
• enw'r banc, y cwmni yswiriant neu'r gymdeithas adeiladu a oedd yn ymwneud â'r cynllun pensiwn personol

I gael gwybod mwy am Bensiynau Personol:

• Pensiynau personol

Cysylltu â'r Gwasanaeth Olrhain Pensiynau gyda ffurflen ar-lein

Gallwch lenwi ffurflen olrhain pensiwn ar-lein a dechrau olrhain eich hen bensiwn yn syth. Ni ddylai gymryd mwy na ryw 15 munud i lenwi'r ffurflen.

• Ffurflen olrhain pensiwn Opens new window

Cysylltu â'r Gwasanaeth Olrhain Pensiynau dros y ffôn

Gallwch ffonio'r Gwasanaeth Olrhain Pensiynau ar:

Ffôn: 0845 6002 537 (llinellau ar agor rhwng 8.00 am a 6.00 pm)
Ffôn: +44 191 215 4491 (os ydych yn ffonio o dramor)
Ffôn testun: 0845 3000 169

Cysylltu â'r Gwasanaeth Olrhain Pensiynau drwy'r post

Gallwch hefyd olrhain eich pensiwn drwy ysgrifennu at y Gwasanaeth Olrhain Pensiynau:

Pension Tracing Service / Y Gwasanaeth Olrhain Pensiynau
The Pension service / Y Gwasanaeth Pensiwn
Tyneview Park
Whitley Road,
Newcastle Upon Tyne
NE98 1BA

Mwy o ddolenni defnyddiol

• Cael rhagolwg Pensiwn y Wladwriaeth

Cysylltiadau defnyddiol

• Cysylltiadau’n ymwneud ag ymddeol

• Cysylltiadau cyngor a chymorth ariannol

• Cysylltiadau i bobl dros 50 oed