Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Iau, 4 Hydref 2012

Arian, treth a budd-daliadau

Arian, treth a budd-daliadau

Credydau treth os byddwch chi neu aelod o'r teulu yn mynd i'r ysbyty

Os bydd aelod o’r teulu yn sâl neu'n mynd i'r ysbyty, fel arfer ni fydd hynny'n effeithio ar eich credydau treth.

Os byddwch chi – neu’ch partner – yn mynd i'r ysbyty

Yn yr ysbyty am hyd at 28 wythnos

Os byddwch chi neu'ch partner yn sâl neu yn yr ysbyty am hyd at 28 wythnos, mae'n dal yn bosib i chi gael Credyd Treth Gwaith.

Os ydych yn cael Lwfans Byw i’r Anabl neu Lwfans Gweini, efallai y bydd hwn yn dod i ben oherwydd eich bod yn yr ysbyty. Ond ni fydd unrhyw Gredyd Treth Gwaith y byddwch yn cael oherwydd eich anabledd yn cael ei effeithio.

Bydd dal yn rhaid i chi fodloni’r rheolau cymhwysedd, neu bydd eich Credyd Treth Gwaith yn dod i ben.

Dylai eich Credyd Treth Plant aros yr un fath, ar yr amod eich bod yn dal yn gyfrifol dros unrhyw blant.

Yn yr ysbyty am fwy nag 28 wythnos

Os byddwch chi neu'ch partner yn sâl neu yn yr ysbyty am fwy nag 28 wythnos, rhowch wybod i’r Swyddfa Credyd Treth. Dylech wneud hyn cyn gynted â phosib ac o fewn mis. Gallwch gysylltu â’r Swyddfa Credyd Treth drwy ffonio’r Llinell Gymorth Credyd Treth.

Hyd yn oed os caiff eich Credyd Treth Gwaith ei atal, mae'n bosib y cewch chi fudd-daliadau eraill.

Dylai eich Credyd Treth Plant aros yr un fath, ar yr amod eich bod yn dal yn gyfrifol dros unrhyw blant.

Rydych yn un o gwpl, gyda chostau gofal plant

Efallai y gallwch gael Credyd Treth Gwaith ychwanegol i’ch helpu gyda chostau gofal plant:

  • os oes un ohonoch yn yr ysbyty – does dim ots ers faint
  • os ydych yn talu costau gofal plant
  • os ydych chi – neu'ch partner – yn gweithio 16 awr neu fwy yr wythnos

Os bydd eich plentyn yn mynd i’r ysbyty

Cyn belled â’ch bod yn dal yn gyfrifol dros eich plentyn, byddwch yn parhau i gael Credyd Treth Plant ar ei gyfer. Does dim angen i chi ddweud wrth y Swyddfa Credyd Treth bod eich plentyn yn yr ysbyty.

Os oeddech yn talu am ofal plant ac y bydd eich taliadau'n newid neu'n cael eu hatal am fod eich plentyn yn yr ysbyty, gall hyn effeithio ar faint o gredydau treth a gewch chi ar y cyfan. Dylech roi gwybod i'r Swyddfa Credyd Treth drwy ffonio’r Llinell Gymorth Credyd Treth cyn gynted â phosib - ac o fewn mis.

Os bydd eich plentyn yn datblygu salwch tymor hir neu anabledd

Os bydd eich plentyn yn datblygu anabledd, efallai y bydd gennych hawl i gael mwy o gredydau treth. Os oes gennych hawl i gael Lwfans Byw i’r Anabl ar gyfer eich plentyn, dylech ddweud wrth y Swyddfa Credyd Treth ar unwaith.

Cymorth gyda chostau gofal iechyd

Os ydych chi'n cael credydau treth ac y bydd aelod o'ch teulu yn mynd i'r ysbyty, gallech gael cymorth gyda'r costau gofal iechyd a theithio.

Mwy o ddolenni defnyddiol

Darparwyd gan HM Revenue and Customs

Yn yr adran hon...

Allweddumynediad llywodraeth y DU