Gwefan llywodraeth y DU

Eich oriau gwaith arferol

Eich oriau gwaith arferol yw'r oriau y gwnaethoch eu gweithio bob wythnos cyn i chi ddechrau eich cyfnod o absenoldeb.

I gael Credyd Treth Gwaith, mae angen i chi weithio nifer ofynnol o oriau, yn dibynnu ar eich amgylchiadau a ph'un a oes gennych blant ai peidio.

Os nad oes gennych blant

I gael Credyd Treth Gwaith, fel arfer rhaid i chi fod yn 25 oed neu'n hŷn ac yn gweithio o leiaf 30 awr yr wythnos. Ond dim ond 16 awr neu fwy yr wythnos y mae angen i chi weithio os ydych:

• yn 16 oed o leiaf ac yn gymwys i gael taliad Credyd Treth Gwaith ychwanegol am eich bod yn anabl
• yn 60 oed neu'n hŷn

Os oes gennych blant

I gael Credyd Treth Gwaith, mae angen i chi fod yn 16 oed o leiaf, ac yn gweithio'r oriau canlynol:

• os ydych yn sengl, mae angen i chi weithio o leiaf 16 awr yr wythnos
• os ydych yn rhan o gwpwl, mae angen i'ch oriau gwaith ar y cyd fod o leiaf 24 awr yr wythnos, gydag un ohonoch yn gweithio o leiaf 16 awr yr wythnos

Felly os ydych yn rhan o gwpwl ac mai dim ond un ohonoch sy'n gweithio, mae'n rhaid i'r unigolyn hwnnw fod yn gweithio o leiaf 24 awr yr wythnos.

Weithiau, gallwch fod yn gymwys o hyd os yw eich oriau ar y cyd yn llai na 24 awr - dilynwch y ddolen gyntaf isod i ganfod mwy.

• Beth sy'n cyfrif fel gwaith ar gyfer Credyd Treth Gwaith?

• Sut i weithio allan oriau gwaith arferol ar gyfer eich cais am gredydau treth

Cyfnod mamolaeth a mabwysiadu - pryd y gallwch hawlio credydau treth

Ystyrir eich bod yn gweithio am hyd at 39 wythnos. Hwn yw’r 26 wythnos cyntaf cyfnod mamolaeth neu fabwysiadu arferol, a 13 wythnos cyntaf unrhyw gyfnod mamolaeth neu fabwysiadu ychwanegol.

Os ydych eisoes yn cael Credyd Treth Gwaith

Ar yr amod yr ystyrir eich bod mewn gwaith, gallwch barhau i gael Credyd Treth Gwaith pan fydd eich cyfnod o absenoldeb yn dechrau. Ystyrir eich bod mewn gwaith os oeddech yn gweithio'r nifer ofynnol o oriau ar gyfer eich amgylchiadau yn union cyn hynny. Er enghraifft, rydych fel arfer yn gweithio 30 awr neu fwy yr wythnos os nad oes gennych blant eisoes, ac nid yw eich babi wedi cael ei eni neu ei leoli gyda chi eto.

Os nad yw hyn yn berthnasol i chi, efallai y gallwch barhau i gael Credyd Treth Gwaith os yw'r ddau beth canlynol yn gymwys:

• mae gennych bartner
• mae eich partner yn gweithio'r nifer ofynnol o oriau ar gyfer eich amgylchiadau

Dilynwch y ddolen isod i ganfod nifer ofynnol yr oriau gwaith ar gyfer Credyd Treth Gwaith.

• Beth sy'n cyfrif fel gwaith ar gyfer Credyd Treth Gwaith?

Gwneud cais am Gredyd Treth Gwaith am y tro cyntaf

Efallai y byddwch yn hawlio Credyd Treth Gwaith am y tro cyntaf tra eich bod ar gyfnod o absenoldeb. I fod yn gymwys, mae angen i chi gael eich ystyried yn rhywun sy'n gweithio. Felly, bydd angen i chi fod wedi bod yn gweithio'r nifer ofynnol o oriau ar gyfer eich amgylchiadau yn union cyn dechrau eich cyfnod o absenoldeb. Er enghraifft, os yw eich babi wedi cael ei eni neu ei leoli gyda chi, neu os oes gennych blant eisoes, fel arfer bydd angen i chi fod wedi bod yn gweithio:

• o leiaf 16 awr yr wythnos - os ydych yn rhiant sengl
• o leiaf 24 awr yr wythnos rhyngoch chi - os ydych yn rhan o gwpwl (gydag un ohonoch yn gweithio o leiaf 16 awr yr wythnos)

Os nad yw hyn yn berthnasol i chi, efallai y gallwch hawlio Credyd Treth Gwaith o hyd os yw'r ddau beth canlynol yn gymwys:

• mae gennych bartner
• mae eich partner yn gweithio'r nifer ofynnol o oriau ar gyfer eich amgylchiadau

Dilynwch y ddolen isod i ganfod nifer ofynnol yr oriau y mae angen i chi eu gweithio ar gyfer Credyd Treth Gwaith.

• Beth sy'n cyfrif fel gwaith ar gyfer Credyd Treth Gwaith?

Rhoi'r wybodaeth ddiweddaraf i'r Swyddfa Credyd Treth

Os na fyddwch yn dychwelyd i'r gwaith yn syth ar ôl eich 39 wythnos cyntaf o gyfnod mamolaeth neu fabwysiadu, rhowch wybod i'r Swyddfa Credyd Treth. Gallwch wneud hyn drwy ffonio'r Llinell Gymorth Credyd Treth. Cysylltwch o fewn mis. Os na fyddwch yn gwneud hynny, efallai y telir gormod o arian i chi y bydd yn rhaid i chi ei dalu'n ôl, ac efallai y gofynnir i chi dalu cosb.

• Llinell Gymorth Credyd Treth a'r Swyddfa Credyd Treth

• Hawliau beichiogrwydd a mamolaeth

Cyfnod tadolaeth - pan nad ydych yn gymwys i hawlio

Ystyrir eich bod yn gweithio yn ystod eich pythefnos o gyfnod tadolaeth arferol.

Cyfnod tadolaeth ychwanegol

Efallai y byddwch yn cymryd cyfnod tadolaeth ychwanegol os bydd eich partner yn dewis dychwelyd i'r gwaith. Ystyrir eich bod yn gweithio yn ystod eich cyfnod tadolaeth ychwanegol - ond dim ond am y cyfnod ychwanegol a gymerir yn ystod y cyfnod:

• sy'n dechrau o'r 20fed wythnos ar ôl i'ch plentyn gael ei eni neu ei leoli i'w fabwysiadu
• sy'n dod i ben pan fyddai 39 wythnos o gyfnod mamolaeth neu fabwysiadu eich partner wedi dod i ben - pe bai wedi dewis cymryd y 39 wythnos llawn

Os ydych eisoes yn cael Credyd Treth Gwaith

Ar yr amod yr ystyrir eich bod mewn gwaith, gallwch barhau i gael Credyd Treth Gwaith pan fydd eich cyfnod o absenoldeb yn dechrau. Ystyrir eich bod mewn gwaith os oeddech yn gweithio'r nifer ofynnol o oriau ar gyfer eich amgylchiadau yn union cyn hynny. Er enghraifft, 30 awr neu fwy yr wythnos fel arfer os nad oes gennych blant eisoes, ac nad yw eich babi wedi cael ei eni neu ei leoli gyda chi eto.

Os nad yw hyn yn berthnasol i chi, efallai y gallwch barhau i gael Credyd Treth Gwaith os yw'r ddau beth canlynol yn gymwys:

• mae gennych bartner
• mae eich partner yn gweithio'r nifer ofynnol o oriau ar gyfer eich amgylchiadau

Dilynwch y ddolen isod i ganfod nifer ofynnol yr oriau y mae angen i chi eu gweithio ar gyfer Credyd Treth Gwaith.

• Beth sy'n cyfrif fel gwaith ar gyfer Credyd Treth Gwaith?

Hawlio Credyd Treth Gwaith am y tro cyntaf

Efallai y byddwch yn hawlio Credyd Treth Gwaith am y tro cyntaf tra eich bod ar gyfnod o absenoldeb. I fod yn gymwys, mae angen i chi gael eich ystyried yn rhywun sy'n gweithio. Felly, bydd angen i chi fod wedi bod yn gweithio'r nifer ofynnol o oriau ar gyfer eich amgylchiadau, yn union cyn dechrau eich cyfnod o absenoldeb.

Er enghraifft, os yw eich babi wedi cael ei eni neu ei leoli gyda chi, neu fod gennych blant eisoes, fel arfer bydd angen i chi fod wedi bod yn gweithio:

• o leiaf 16 awr yr wythnos - os ydych yn rhiant sengl
• o leiaf 24 awr yr wythnos rhyngoch chi - os ydych yn rhan o gwpwl (gydag un ohonoch yn gweithio o leiaf 16 awr yr wythnos)

Os nad yw hyn yn berthnasol i chi, efallai y gallwch barhau i gael Credyd Treth Gwaith os yw'r ddau beth canlynol yn gymwys:

• mae gennych bartner
• mae eich partner yn gweithio'r nifer ofynnol o oriau ar gyfer eich amgylchiadau

Dilynwch y ddolen isod i ganfod nifer ofynnol yr oriau gwaith ar gyfer Credyd Treth Gwaith.

• Beth sy'n cyfrif fel gwaith ar gyfer Credyd Treth Gwaith?

Rhoi'r wybodaeth ddiweddaraf i'r Swyddfa Credyd Treth

Rhowch wybod i'r Swyddfa Credyd Treth os na fyddwch yn dychwelyd i'r gwaith yn syth ar ôl eich cyfnod tadolaeth arferol. Hefyd, rhowch wybod iddi os byddwch yn cymryd unrhyw gyfnod tadolaeth ychwanegol y tu allan i'r cyfnod a ddangosir o dan 'Cyfnod tadolaeth ychwanegol' uchod.

Gallwch wneud hyn drwy ffonio'r Llinell Gymorth Credyd Treth. Cysylltwch o fewn mis. Os na fyddwch yn gwneud hynny, efallai y telir gormod o arian y chi y bydd yn rhaid i chi ei dalu'n ôl, ac efallai y bydd yn rhaid i chi dalu cosb.

• Manylion cyswllt y Llinell Gymorth Credyd Treth

Credyd Treth Plant a Budd-dal Plant

Efallai y byddwch hefyd yn gallu hawlio Credyd Treth Plant ar gyfer eich babi newydd neu blentyn a fabwysiadwyd - nid oes rhaid i chi fod yn gweithio. Efallai y gallwch hawlio o'r dyddiad y cafodd y plentyn ei leoli gyda chi neu o ddyddiad geni eich plentyn.

Dim ond hyd at fis i'r dyddiad geni neu fabwysiadu y gellir ôl-ddyddio unrhyw hawliad, felly dylech wneud cais cyn gynted â phosibl.

Os ydych yn ansicr a allwch hawlio, gallwch gysylltu â'r Llinell Gymorth Credyd Treth am help a chyngor.

Efallai y byddwch hefyd yn gymwys i gael Budd-dal Plant, sef taliad di-dreth y gallwch ei hawlio ar gyfer eich plentyn. Nid yw eich incwm na'ch cynilion yn effeithio arno, ac nid oes rhaid i chi fod yn cael credydau treth i'w gael.

• Babi newydd - pa gredydau treth rydych yn gymwys i'w cael?

• Manylion cyswllt ar gyfer y Llinell Gymorth Credyd Treth

• Budd-dal Plant

Mwy o ddolenni defnyddiol

• Sut i wneud cais am gredydau treth

• Credydau treth: newidiadau y bydd angen i chi roi gwybod amdanynt a phryd

Cysylltiadau defnyddiol

• Llinell Gymorth Credyd Treth - manylion cyswllt