Gwefan llywodraeth y DU

Pa daliadau credyd treth allwch chi eu cael?

Pan fydd y Swyddfa Credyd Treth yn cyfrifo eich credydau treth, bydd yn edrych ar beth a elwir gan y Swyddfa yn ‘elfennau’ (neu daliadau) credyd treth y mae gennych chi’r hawl i'w cael. Mae’r elfennau’n seiliedig ar a oes gennych chi blant ai peidio, ac os ydych chi’n gweithio, faint o oriau y byddwch yn eu gweithio.

Yr elfennau Credyd Treth Plant

Mae'r tabl isod yn dangos y taliadau Credyd Treth Plant y gallech eu cael am fagu plant – cyn belled â'ch bod yn gymwys. Rhain yw’r uchafswm y gallech eu cael am flwyddyn dreth (mae blwyddyn treth yn rhedeg rhwng 6 Ebrill un flwyddyn i 5 Ebrill y flwyddyn nesaf).

Bydd y taliadau'n berthnasol ni waeth a ydych yn gweithio ai peidio. Mae’n bosib y cewch gyfuniad o elfennau, yn dibynnu ar beth ydych chi’n gymwys i’w gael.

Yr elfennau Credyd Treth Gwaith

Mae’r tabl isod yn dangos y gwahanol daliadau Credyd Treth Gwaith y gallech eu cael os ydych chi'n gweithio. Rhain yw’r uchafswm y gallech eu cael am flwyddyn dreth (mae blwyddyn treth yn rhedeg rhwng 6 Ebrill un flwyddyn i 5 Ebrill y flwyddyn nesaf).

Mae’n bosib y cewch gyfuniad o elfennau, yn dibynnu ar beth ydych chi’n gymwys i’w gael.

Sut y bydd incwm yn effeithio ar gyfanswm y credydau treth y gallwch eu cael

Bydd yr ‘elfennau' y bydd gennych chi'r hawl i'w cael am flwyddyn yn cael eu cyfrifo, ac yna, byddant yn cael eu lleihau os bydd eich incwm yn mynd dros lefel benodol. Os bydd eich incwm yn uchel, bydd eich taliadau credyd treth yn cael eu lleihau.

Tablau hawliau ar gip

I gael syniad o’r credydau treth y gallech eu cael ar sail eich incwm, gallwch ddefnyddio tablau hawliau ‘ar gip’. Dilynwch y ddolen isod sy’n gymwys i’ch sefyllfa chi.

Dim ond canllawiau bras yw’r tablau hawliau i faint y gallech gael ar gyfer y flwyddyn dreth gyfredol – sy’n gorffen ar 5 Ebrill 2013. Byddant yn cael eu diweddaru am y flwyddyn dreth nesaf ar 6 Ebrill 2013.

• Nid ydych yn gweithio ond mae gennych chi blant: tabl hawliau

• Rydych chi'n gweithio ond nid oes gennych chi blant: tablau hawliau

• Rydych chi'n gweithio ac mae gennych blant

Enghreifftiau manwl – sut y mae incwm yn effeithio ar elfennau credydau treth

I gael enghreifftiau o’r cyfrifiadau manwl, gweler ‘Sut y gall incwm effeithio ar daliadau credydau treth – enghreifftiau’. Mae’r enghreifftiau’n ymdrin â rhai sefyllfaoedd cyffredin, ond ni allant ddweud wrthych sut y cyfrifir eich taliadau chi. Gallwch gysylltu â’r Llinell Gymorth Credydau Treth os hoffech ddeall eich cyfrifiadau chi yn fanwl.

• Sut y gall incwm effeithio ar daliadau credydau treth - enghreifftiau

• Manylion cyswllt ar gyfer y Llinell Gymorth Credydau Treth

Os bydd eich amgylchiadau’n newid – neu os byddwch ond yn gymwys am ran o'r flwyddyn

Os bydd un o'r canlynol yn berthnasol i chi:

• mae’ch amgylchiadau’n newid ac rydych chi’n gymwys i gael gwahanol elfennau ar adegau gwahanol yn ystod y flwyddyn
• rydych chi’n gymwys i gael credydau treth am lai na blwyddyn

bydd eich taliadau’n cael eu cyfrifo ar sail yr hyn a elwir yn ‘pro-rata’. Ffordd yw hyn o gyfrifo pa gyfran o’r elfennau credyd treth y byddwch yn gymwys i’w cael mewn cyfnod o amser.

Bydd eich incwm hefyd yn cael ei gyfrifo ar sail ‘pro-rata’. Os bydd eich incwm pro-rata dros lefel arbennig, bydd eich taliadau credydau treth yn cael eu lleihau.

• Sut i gyfrifo credydau treth am gyfnodau byr – enghraifft

Cyfrifiannell credydau treth

Gallwch ddefnyddio cyfrifiannell ar-lein i gyfrifo’n fras faint o gredydau treth y gallwch eu cael rhwng dyddiad heddiw a 5 Ebrill 2013.

• Cyfrifiannell credydau treth – cael gwybod faint y gallwch ei gael

Mwy o ddolenni defnyddiol

• Pryd gallwch chi ddisgwyl eich taliad credydau treth cyntaf?

• Credydau treth: newidiadau y mae angen i chi roi gwybod amdanynt, a phryd y mae angen i chi wneud hynny

• Problemau gyda'ch credydau treth - ble mae dechrau