Gwefan llywodraeth y DU

Beth sy’n digwydd ar ôl i’ch cais gael ei brosesu?

Ar ôl i rywun delio â’ch cais, byddwch naill ai’n cael llythyr sy’n esbonio pam nad ydych yn gymwys i gael credydau treth, neu hysbysiad dyfarnu. Byddwch hefyd yn cael gwybodaeth ynghylch eich hawl i apelio.

Bydd eich hysbysiad dyfarnu yn dweud wrthych:

• eich bod chi’n gymwys i gael credydau treth
• a fyddwch chi’n cael Credyd Treth Plant, Credyd Treth Gwaith neu’r ddau ohonynt
• faint o arian a gewch
• pa wybodaeth y mae’r Swyddfa Credydau Treth wedi’i defnyddio i gyfrifo'ch dyfarniad
• pryd a sut y dylech gysylltu â’r Swyddfa Credydau Treth os bydd eich amgylchiadau’n newid

Gwnewch yn siŵr eich bod yn cadw eich hysbysiad dyfarnu credydau treth mewn lle diogel.

Am ba hyd y bydd yn rhaid i chi aros?

Mae’r Swyddfa Credydau Treth yn ceisio rhoi gwybod i chi am eich cais o fewn tair wythnos o’i dderbyn.

Os byddwch chi’n gymwys i gael credydau treth, bydd eich hysbysiad dyfarnu yn dweud wrthych beth fydd dyddiad eich taliad cyntaf ac a fyddwch yn cael taliadau pellach.

Efallai y cewch eich taliad cyntaf cyn y cewch eich hysbysiad dyfarnu. Mae’n rhaid i chi edrych ar eich hysbysiad dyfarnu pan fyddwch yn ei gael, a rhoi gwybod i’r Swyddfa Credydau Treth ar unwaith os bydd unrhyw beth yn anghywir, ar goll neu’n anghyflawn. Gallwch wneud hyn drwy ffonio’r Llinell Gymorth Credydau Treth.

Os byddwch yn gwneud unrhyw gamgymeriadau neu’n gadael bylchau mawr yn eich ffurflen gais, efallai y bydd yn rhaid i’r Swyddfa Credydau Treth gysylltu â chi neu wneud ymholiadau pellach. Gall hyn achosi oedi a gallai olygu y bydd yn rhaid i chi aros am gyfnod hwy am eich taliad cyntaf.

• Cysylltwch â’r Llinell Gymorth Credydau Treth

Mae gennych anawsterau ariannol ac nid ydych wedi cael eich taliad

Os nad ydych wedi clywed dim byd o fewn tair wythnos, ac na allwch dalu eich costau byw hanfodol megis biliau rhent, nwy neu drydan, cysylltwch â’r Llinell Gymorth Credydau Treth.

Gallant roi’r wybodaeth ddiweddaraf i chi am eich cais ac a ydynt yn aros am unrhyw wybodaeth.

• Cysylltwch â’r Llinell Gymorth Credydau Treth

Newidiadau i’ch cais

Os, ar ôl i chi anfon eich ffurflen gais, bydd angen i chi wneud unrhyw newidiadau, dylech roi gwybod i’r Swyddfa Credydau Treth ar unwaith. Er enghraifft os byddwch yn sylweddoli eich bod wedi gwneud camgymeriad, rydych wedi anghofio rhoi gwybod am rywbeth neu mae eich amgylchiadau wedi newid,

Os bydd yn bosibl, bydd y Swyddfa Credydau Treth yn trin y wybodaeth a roddwch fel rhan o’ch cais gwreiddiol.

Gallwch gysylltu â’r Swyddfa Credydau Treth drwy ffonio’r Llinell Gymorth Credydau Treth.

• Cysylltu â’r Llinell Gymorth Credydau Treth

Mwy o ddolenni defnyddiol

• Sut i osgoi gwneud camgymeriadau cyffredin ar eich ffurflen hawlio credydau treth

• Cywiro camgymeriadau ar ôl i chi anfon eich hawliad credydau treth

• Sut caiff Budd-dal Plant, credydau treth a Lwfans Gwarcheidwad eu talu

• Cadarnhau eich hysbysiad dyfarnu credydau treth

• Credydau treth: newidiadau y bydd angen i chi roi gwybod amdanynt a phryd