Gwefan llywodraeth y DU

Sut i gael gwybod pryd mae’ch taliad nesaf yn daladwy

Bydd eich hysbysiad dyfarniad yn rhoi dyddiad eich taliad cyntaf. Felly, gallwch ddefnyddio hwn i ganfod pryd y mae’ch taliad nesaf yn daladwy – yn dibynnu ar ba mor aml y cewch eich talu.

Ffordd arall o wneud hyn yw edrych ar eich datganiad banc i weld ar ba ddyddiad y talwyd y taliad diwethaf i’ch cyfrif.

Dyddiadau talu gwyliau banc am 2012

O bryd i’w gilydd, efallai y bydd eich diwrnod talu arferol ar yr un diwrnod â gŵyl y banc. Golyga hyn y cewch eich taliad ychydig ddiwrnodau’n gynharach.

Ni waeth a ydych chi’n byw yng Nghymru, Lloegr, yr Alban neu Ogledd Iwerddon. Os bydd gŵyl y banc yn unrhyw le yn y Deyrnas Unedig, bydd eich taliad yn dal i gael ei dalu’n gynharach.

Mae’r tabl isod yn dangos i chi ba daliadau y caiff eu talu’n gynnar, a phryd y dylech gael eich talu.

Nid ydych wedi cael eich taliad

Os nad ydych wedi cael eich talu dylech edrych eto ar eich cyfrif banc. Weithiau ni fydd systemau bancio electronig yn gwbl gyfredol. Mae’n bosib bod eich taliad yn eich cyfrif, ond nad yw’n ymddangos ar eich datganiad eto.

Neu, efallai eich bod wedi symud yn ddiweddar, a’ch bod heb roi gwybod i’r Swyddfa Credyd Treth beth yw’ch cyfeiriad newydd. Os na fydd y Swyddfa Credyd Treth yn gallu cysylltu â chi, mae’n bosib y bydd yn dod â'ch taliadau credydau treth i ben. Gallwch atal hyn rhag digwydd drwy roi gwybod iddynt mewn da bryd os byddwch yn newid cyfeiriad.

Os bydd angen rhagor o gymorth neu gyngor arnoch gallwch ffonio’r Llinell Gymorth Credyd Treth.

• Llinell Gymorth Credydau Treth a Swyddfa Credyd Treth

Mwy o ddolenni defnyddiol

• Edrych ar-lein i weld pryd mae’ch taliad Budd-dal Plant nesaf yn daladwy Opens new window

• Cadarnhau eich hysbysiad dyfarnu credydau treth

• Rhesymau pam y gall eich credydau treth ostwng neu ddod i ben

• Gwyliau banc ac Amser Haf Prydeinig

Cysylltiadau defnyddiol

• Llinell Gymorth Credyd Treth - manylion cyswllt