Gwefan llywodraeth y DU

Gwyliau banc a gwyliau cyhoeddus yng Nghymru a Lloegr

Ceir gwahanol wyliau banc a gwyliau cyhoeddus mewn gwahanol rannau o’r DU. Mae chwe gŵyl banc arferol ar hyn o bryd yng Nghymru a Lloegr ac un ychwanegol yn 2012. Mae Dydd Nadolig a Dydd Gwener y Groglith yn wyliau cyhoeddus.

Mae rhestr o ddyddiadau disgwyliedig gwyliau banc a gwyliau cyhoeddus ar gyfer Cymru a Lloegr yn y tabl uchod.

Gwyliau banc arbennig

Ceir deddfau sy'n caniatáu newid dyddiadau gwyliau banc, neu gyhoeddi gwyliau eraill, i ddathlu digwyddiadau arbennig, er enghraifft.

Bydd ŵyl banc arbennig yn 2012 i ddathlu Jiwbilî Diemwnt y Frenhines. Bydd Gŵyl Banc y Gwanwyn yn cael ei symud i Ddydd Llun 4 Mehefin 2012 a bydd gŵyl banc ychwanegol y Jiwbilî ar Ddydd Mawrth 5 Mehefin 2012.
Yr oedd hefyd ŵyl banc arbennig ar 29 Ebrill 2011 i ddathlu’r Briodas Frenhinol.

Diwrnodau yn eu lle

Pan fydd diwrnod arferol yr ŵyl banc neu’r ŵyl gyhoeddus ar ddydd Sadwrn neu Sul, bydd ‘diwrnod yn ei le’ yn cael ei rhoi, fel arfer y dydd Llun canlynol. Er enghraifft yn 2009, yr oedd Gŵyl San Steffan ar ddydd Sadwrn, 26 Rhagfyr, felly yr oedd ŵyl banc yn ei le ar ddydd Llun, 28 Rhagfyr.

Gwyliau banc a gwyliau cyhoeddus yn yr Alban

Ceir saith gŵyl banc statudol ledled yr Alban. Mae Dydd Nadolig a Dydd Gwener y Groglith yn wyliau cyhoeddus. Ceir hefyd gwyliau cyhoeddus neu wyliau lleol sy’n cael eu pennu gan awdurdodau lleol, ar sail traddodiadau lleol. Ers 2007, mae Gŵyl San Andreas yn wyliau cyhoeddus statudol.

Nid yw busnesau ac ysgolion o reidrwydd yn cau ar wyliau banc yn yr Alban, ac mae banciau'r Alban yn dilyn gwyliau banc Cymru a Lloegr am resymau busnes.

• Gwyliau banc yn yr Alban Opens new window

Gogledd Iwerddon

Yng Ngogledd Iwerddon, ceir wyth gŵyl banc statudol - yr un chwech â Chymru a Lloegr, a hefyd Gŵyl San Padrig a diwrnod coffáu Brwydr y Boyne yn 1690. Mae Dydd Nadolig a Dydd Gwener y Groglith yn wyliau cyhoeddus.

• Dyddiadau gwyliau banc a gwyliau cyhoeddus yng Ngogledd Iwerddon Opens new window

Gwyliau i weithwyr

Nid oes gennych hawl i wyliau â thâl ar wyliau banc a gwyliau cyhoeddus fel mater o drefn, er bod llawer o bobl yn cael diwrnod o wyliau o'r gwaith. Mae unrhyw hawl i gael gwyliau neu dâl ychwanegol am weithio ar ŵyl y banc yn dibynnu ar delerau eich contract cyflogaeth.

I gael rhagor o wybodaeth am eich hawl i wyliau â thâl, ewch i 'Hawl i wyliau'.

• Hawl gwyliau (adran cyflogaeth)

Amser Haf Prydeinig

Mae Amser Haf Prydain yn dechrau ar y dydd Sul olaf ym mis Mawrth ac yn dod i ben ar y dydd Sul olaf ym mis Hydref, am 1.00 am Amser Safonol Greenwich:

• yn y gwanwyn mae'r clociau'n mynd ymlaen, sy'n golygu colli awr - pan fydd yn 1.00 Amser Safonol Greenwich mae'r DU yn symud i 2.00 am Amser Haf Prydain
• yn yr hydref mae'r clociau'n mynd yn ôl, sy'n rhoi awr ychwanegol - pan fydd yn 2.00 Amser Haf Prydain mae'r DU yn symud i 1.00 Amser Safonol Greenwich

Mae tymor yr haf yn dechrau ac yn gorffen ar y dyddiadau canlynol:

Mwy o ddolenni defnyddiol

• Dyddiadau gwyliau a thymhorau ysgolion (adran rhieni)

• Gwasanaethau meddygol brys – lle i fynd am afiechydon neu anafiadau difrifol Opens new window