Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Arian, treth a budd-daliadau

Rydych chi'n gweithio ond nid oes gennych chi blant: tablau hawliau

Mae’r tablau hyn yn rhoi syniad i chi o faint o gredydau treth y gallech chi eu cael os ydych chi'n sengl, yn gweithio 16 awr neu ragor ac yn 25 mlwydd oed neu'n hŷn. Maent yn rhoi syniad bras o’r cyfanswm y gallech ei gael ar gyfer y flwyddyn dreth gyfredol. Mae'r tablau hyn hefyd yn berthnasol os ydych chi’n rhan o gwpl a’ch bod chi neu'ch partner yn gweithio a bod gan y sawl sy'n gweithio anabledd.

Rydych chi (neu'ch partner) yn 25 mlwydd oed neu’n hŷn ac nid oes gennych anabledd

Y symiau a ddangosir yw'r cyfanswm o gredydau treth y gallech ei gael ar gyfer y flwyddyn dreth bresennol. Dechreuodd hon ar 6 Ebrill 2012 a daw i ben ar 5 Ebrill 2013. Os ydych yn rhan o gwpwl, yr incwm blynyddol yw eich incwm ar y cyd.

Incwm blynyddol (£)	Rydych chi'n sengl, yn 25 mlwydd oed neu'n hŷn ac yn gweithio 30 awr neu ragor yr wythnos	Rydych chi’n rhan o gwpl, yn 25 mlwydd oed neu'n hŷn ac yn gweithio 30 awr neu ragor yr wythnos
9,550	1,445	3,500
10,000	1,245	3,200
11,000	835	2,790
12,000	425	2,380
13,000	15	1,970
14,000	0	1,560
15,000	0	1,150
16,000	0	740
17,000	0	330
18,000	0	0

Rydych chi'n sengl neu mae gennych chi bartner ac mae gan y sawl sy'n gweithio anabledd

Y symiau a ddangosir yw'r symiau gwirioneddol o gredydau treth y gallech eu cael ar gyfer y flwyddyn dreth gyfredol gyfan. Dechreuodd hon ar 6 Ebrill 2012 a bydd yn dod i ben ar 5 Ebrill 2013. Yr incwm blynyddol yw eich incwm ar y cyd os ydych chi’n rhan o gwpl.

Incwm blynyddol	Rydych chi'n sengl, yn 16 mlwydd oed neu'n hŷn ac yn gweithio		Rydych chi’n rhan o gwpl, yn 16 mlwydd oed neu’n hŷn
Incwm blynyddol	Rydych chi’n gweithio 16 i 29 awr yr wythnos	Rydych chi’n gweithio 30 awr neu ragor yr wythnos	Rydych chi’n gweithio 16 i 29 awr yr wythnos	Rydych chi’n gweithio 30 awr neu ragor yr wythnos
5,000	4,715	(llai na'r isafswm cyflog)	6,665	(llai na'r isafswm cyflog)
8,000	4,065	(llai na'r isafswm cyflog)	6,020	(llai na'r isafswm cyflog)
9,500	3,450	4,245	5,405	6,195
10,000	3,245	4,040	5,200	5,990
12,000	2,425	3,220	4,380	5,170
14,000	1,605	2,400	3,560	4,350
16,000	785	1,580	2,740	3,530
18,000	0	760	1,920	2,710
20,000	0	0	1,100	1,890
22,000	0	0	280	1,070
24,000	0	0	0	250
26,000	0	0	0	0

Pwy ddylai ddefnyddio'r tablau hyn?

Gallwch ddefnyddio'r tablau hyn os nad oes gennych chi blant ac mae unrhyw un o'r canlynol yn berthnasol:

rydych chi'n sengl, yn 25 mlwydd oed neu'n hŷn ac yn gweithio 30 awr neu ragor yr wythnos
rydych chi’n rhan o gwpl, ac rydych chi neu'ch partner yn 25 mlwydd oed neu'n hŷn ac yn gweithio 30 awr neu ragor yr wythnos
rydych chi'n sengl, yn 16 mlwydd oed neu'n hŷn, yn gweithio 16 awr neu ragor yr wythnos ac mae gennych anabledd
rydych chi’n rhan o gwpl ac mae un ohonoch chi'n gweithio o leiaf 16 awr yr wythnos ac mae gan y sawl sy'n gweithio anabledd ac mae'n 16 mlwydd oed neu'n hŷn

Os nad ydych yn siŵr a ydych yn defnyddio'r tabl cywir, gallwch weld drwy ddilyn y ddolen isod.

Tablau hawliau ar gyfer credydau treth - cychwyn arni

Sut mae defnyddio’r tablau

Dewch o hyd i'r tabl uchod sy'n berthnasol i chi – bydd y penawdau'n eich helpu i ddewis.

Dewch o hyd i'r lefel incwm blynyddol yn y golofn gyntaf sydd agosaf at gyfanswm eich incwm chi ar gyfer y flwyddyn dreth ddiwethaf (incwm ar y cyd ar gyfer cyplau). Mae hyn yn cynnwys incwm o waith, rhai budd-daliadau’r wladwriaeth (fel Lwfans Ceisio Gwaith yn seiliedig ar gyfraniadau), ac incwm arall (fel llog ar gynilion) dros £300.

Mae blwyddyn dreth yn rhedeg o 6 Ebrill i 5 Ebrill. Os yw eich incwm yn ystod y flwyddyn dreth hon yn debygol o fod fwy na £2,500 yn is, efallai y bydd angen i chi edrych ar lefel incwm blynyddol wahanol. Gweler yr adran nesaf ar sut i weithio allan pa ffigur i'w ddefnyddio.

Dewch o hyd i'r pennawd yn y colofnau eraill sy'n berthnasol i chi.

Lle mae'r rhes a'r golofn yn cwrdd â'i gilydd, dyma'r swm nodweddiadol o gredydau treth a ddyfernir ar gyfer yr amgylchiadau hynny.

Dylech ddefnyddio'r wybodaeth yn y tablau fel canllaw yn unig. I gael syniad gwell o faint y gallai fod gennych hawl i'w gael, gallwch ddefnyddio cyfrifydd credydau treth ar-lein manylach. Dylai gymryd rhwng 10 a 15 munud i'w lenwi.

Sut mae cyfrifo eich incwm ar gyfer credydau treth

Cyfrifiannell credydau treth – cael gwybod faint y gallwch chi ei gael

Os bydd eich incwm yn gostwng mwy na £2,500 yn ystod y flwyddyn dreth bresennol

Os yw eich incwm yn ystod y flwyddyn dreth hon yn debygol o ostwng mwy na £2,500, efallai y bydd angen i chi edrych ar lefel incwm blynyddol wahanol. Dilynwch y camau isod.

Cam un
Cymerwch eich incwm is.

Cam dau
Ychwanegwch £2,500 ato. Mae hyn am fod y Swyddfa Credyd Treth yn anwybyddu’r £2,500 cyntaf o ostyngiad mewn incwm wrth weithio allan eich taliadau.

Cam tri
Dewch o hyd i'r lefel incwm blynyddol yn y tabl sydd agosaf at eich ateb.

Er enghraifft, roedd eich incwm ar gyfer y flwyddyn dreth ddiwethaf yn £30,000. Ond rydych yn amcangyfrif y bydd eich incwm yn gostwng i £18,000 ar gyfer y flwyddyn dreth hon (rhwng 6 Ebrill 2012 a 5 Ebrill 2013). Bydd angen i chi edrych ar yr incwm blynyddol o £20,000 yn y tabl.

Cyfrifir hyn fel a ganlyn:

£18,000 + £2,500 = £20,500. Felly, yr incwm agosaf yn y tabl yw £20,000.