Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Arian, treth a budd-daliadau

Nid ydych yn gweithio ond mae gennych chi blant: tabl hawliau

Mae’r tabl hwn yn rhoi syniad i chi o faint o gredydau treth y gallech chi eu cael os oes gennych chi blant ac nid ydych chi’n gweithio. Mae’n rhoi syniad bras o’r cyfanswm y gallech ei gael ar gyfer y flwyddyn dreth gyfredol. Defnyddiwch y tabl hwn hefyd os oes gennych chi bartner, nid oes un ohonoch yn gweithio, ac mae gennych blant.

Mae gennych chi blant un oed neu hŷn

Y symiau a ddangosir yw'r symiau gwirioneddol o gredydau treth y gallech eu cael ar gyfer y flwyddyn dreth gyfredol gyfan. Dechreuodd hon ar 6 Ebrill 2012 a bydd yn dod i ben ar 5 Ebrill 2013. Yr incwm blynyddol yw eich incwm ar y cyd os ydych chi’n rhan o gwpl.

Incwm blynyddol £	Un plentyn	Dau blentyn	Tri phlentyn
0	3,235	5,925	8,615
5,000	3,235	5,925	8,615
8,000	3,235	5,925	8,615
10,000	3,235	5,925	8,615
15,000	3,235	5,925	8,615
20,000	1,540	4,230	6,920
25,000	0	2,180	4,870
30,000	0	130	2,820
35,000	0	0	770
40,000	0	0	0

Pwy ddylai ddefnyddio'r tablau hyn?

Gallwch ddefnyddio'r tabl hwn os oes gennych chi blant ac mae un o'r canlynol yn berthnasol:

rydych chi'n sengl a ddim yn gweithio
mae gennych chi bartner ac nid yw'r un ohonoch chi'n gweithio

Ceir tablau hawliau eraill hefyd. Os nad ydych chi'n siŵr a ydych chi'n defnyddio'r tablau iawn gallwch ddilyn y ddolen ganlynol.

Tablau hawliau ar gyfer credydau treth - cychwyn arni

Sut mae defnyddio’r tablau hyn

Dewch o hyd i’r lefel incwm flynyddol yn y golofn gyntaf sydd agosaf at gyfanswm eich incwm eich hun ar gyfer y flwyddyn dreth ddiwethaf (incwm ar y cyd ar gyfer cyplau). Mae hyn yn cynnwys incwm o waith, rhai budd-daliadau gan y wladwriaeth (megis Lwfans Ceisio Gwaith yn seiliedig ar gyfraniadau) ac incwm arall (megis llog ar gynilion) dros £300. Mae blwyddyn dreth yn rhedeg rhwng 6 Ebrill i 5 Ebrill. Os yw eich incwm yn ystod y flwyddyn dreth hon yn debygol o fod fwy na £2,500 yn is, efallai y bydd angen i chi edrych ar lefel incwm blynyddol wahanol. Gweler yr adran nesaf ar sut i weithio allan pa ffigur i'w ddefnyddio.

Chwiliwch am y pennawd yn y colofnau eraill sy'n berthnasol i chi.

Lle bydd y rhes a'r golofn yn cwrdd, dyma swm arferol y dyfarniad credydau treth ar gyfer yr amgylchiadau hynny.

Dim ond canllaw yw'r wybodaeth yn y tablau. I gael gwell syniad o faint allwch chi ei gael, gallwch ddefnyddio holiadur credydau treth ar-lein mwy manwl. Dylai gymryd tua 10-15 munud i’w lenwi.

Sut mae cyfrifo eich incwm ar gyfer credydau treth

Holiadur credydau treth - cael gwybod faint y gallwch chi ei gael

Os bydd eich incwm yn gostwng mwy na £2,500 yn ystod y flwyddyn dreth bresennol

Os yw eich incwm yn ystod y flwyddyn dreth hon yn debygol o ostwng mwy na £2,500, efallai y bydd angen i chi edrych ar lefel incwm blynyddol wahanol. Dilynwch y camau isod.

Cam un

Cymerwch eich incwm is.

Cam dau

Ychwanegwch £2,500 ato. Mae hyn am fod y Swyddfa Credyd Treth yn anwybyddu’r £2,500 cyntaf o ostyngiad mewn incwm wrth weithio allan eich taliadau.

Cam tri

Dewch o hyd i'r lefel incwm blynyddol yn y tabl sydd agosaf at eich ateb.

Er enghraifft, roedd eich incwm ar gyfer y flwyddyn dreth ddiwethaf yn £30,000. Ond rydych yn amcangyfrif y bydd eich incwm yn gostwng i £18,000 ar gyfer y flwyddyn dreth hon (rhwng 6 Ebrill 2012 a 5 Ebrill 2013). Bydd angen i chi edrych ar yr incwm blynyddol o £20,000 yn y tabl.

Cyfrifir hyn fel a ganlyn:

£18,000 + £2,500 = £20,500. Felly, yr incwm agosaf yn y tabl yw £20,000.