Gwefan llywodraeth y DU

Pwy sy’n gymwys?

I gael Bonws Nadolig, rhaid i chi fod yn byw yn y DU, Ynysoedd y Sianel, Ynys Manaw, Gibraltar, yn unrhyw un o wledydd Ardal Economaidd Ewrop, neu'r Swistir a bod gennych hawl i o leiaf un o'r budd-daliadau canlynol yn yr wythnos gymwys:

• Lwfans Gweini
• Lwfans Gweini Cyson
• Lwfans Cyflogaeth a Chymorth yn seiliedig ar Gyfraniadau
• Lwfans Byw i'r Anabl
• Budd-dal Analluogrwydd ar y gyfradd tymor hir
• Budd-dal Marwolaeth Ddiwydiannol
• Lwfans Gofalwr
• Atodiad Symudedd
• Credyd Pensiwn – elfen gwarant
• Pensiwn y Wladwriaeth (yn cynnwys Budd-dal Ymddeol Graddedig)
• Lwfans Anabledd Difrifol
• Atodiad neu Lwfans i'r Anghyflogadwy
• Pensiwn Anabledd Rhyfel os ydych chi'n 65 oed neu'n hŷn
• Pensiwn Rhyfel Gwraig Weddw
• Pensiwn Gwraig Weddw
• Lwfans Mam Weddw
• Lwfans Rhiant Gweddw

Cofiwch, fyddwch chi ddim yn gymwys i gael y Bonws Nadolig ar sail derbyn Pensiwn y Wladwriaeth os ydych chi’n gohirio eich hawl i Bensiwn y Wladwriaeth.

• Lwfans Gweini

• Lwfans Gweini Cyson

• Lwfans Byw i'r Anabl

Faint gewch chi?

Un taliad o £10 yw'r Bonws Nadolig.

Os ydych chi'n un o bâr priod neu ddibriod neu bartneriaeth sifil a bod gan y ddau ohonoch yr hawl i un o'r budd-daliadau cymwys, bydd y ddau ohonoch yn derbyn taliad Bonws Nadolig.

Bydd eich partner neu'ch partner sifil hefyd yn cael taliadau os yw'r ddau bwynt canlynol yn berthnasol:

• mae'r ddau ohonoch dros oed Pensiwn y Wladwriaeth erbyn dechrau’r wythnos gymwys
• roedd eich partner neu'ch partner sifil hefyd yn preswylio yn y DU, Ynysoedd y Sianel, Ynys Manaw, Gibraltar, yn un o wledydd Ardal Economaidd Ewrop neu yn y Swistir ar ddechrau’r wythnos gymwys

a naill ai

• bod gennych yr hawl i gynnydd mewn budd-dal cymwys ar gyfer eich partner neu'ch partner sifil

neu

• yr unig fudd-dal cymwys rydych chi'n ei gael yw'r Credyd Pensiwn

• Credyd Pensiwn

Sut mae'n cael ei dalu

Fel arfer, telir y Bonws Nadolig yn syth i'ch cyfrif banc, cymdeithas adeiladu, Swyddfa'r Post® neu Gynilion Cenedlaethol sy'n derbyn Taliad Uniongyrchol.

Os ydych wedi'ch cofrestru'n ddall, neu os oes angen i'r sawl sy'n gofalu amdanoch gasglu'ch arian, anfonir siec atoch y gellir ei chyfnewid am arian yn Swyddfa'r Post®.

Yr effaith ar fudd-daliadau

Ni fydd y Bonws Nadolig yn effeithio ar fonysau eraill yr ydych yn eu cael o bosibl.

Sut i wneud cais

Does dim angen i chi hawlio'r Bonws Nadolig - fe'i cewch yn awtomatig. Os ydych chi'n meddwl eich bod yn gymwys i gael y taliad ond nad ydych wedi'i dderbyn, holwch yn eich Canolfan Byd Gwaith neu'r ganolfan bensiwn sy'n delio â'ch taliadau.

• Cysylltu â'ch Canolfan Byd Gwaith Opens new window

• Cysylltu â'ch canolfan bensiwn Opens new window

Mwy o ddolenni defnyddiol

• Budd-daliadau i bobl ar incwm isel

• Pensiwn Anabledd Rhyfel

• Lwfansau treth sy'n gysylltiedig ag oedran

• Enwebu cynorthwy-ydd i gasglu budd-daliadau neu bensiwn ar eich rhan (adran pensiynau a chynllunio ar gyfer ymddeol)

• Rhesymau ariannol dros wneud ewyllys