Gwefan llywodraeth y DU

Pwy sy'n gymwys?

Gallech gael Benthyciad Cyllidebu os ydych chi neu'ch partner wedi bod yn hawlio neu'n cael un o'r budd-daliadau canlynol am 26 wythnos o leiaf:

• Cymhorthdal Incwm
• Lwfans Cyflogaeth a Chymorth yn seiliedig ar incwm
• Lwfans Ceisio Gwaith yn seiliedig ar incwm
• Credyd Pensiwn

a bod angen cymorth arnoch i dalu am unrhyw un o'r canlynol:

• dodrefn neu offer ar gyfer y cartref
• dillad neu esgidiau
• rhent ymlaen llaw neu gostau symud i gartref newydd
• costau teithio
• pethau i'ch helpu i chwilio am waith neu ddechrau gweithio
• gwella, cynnal a chadw neu ddiogelu eich cartref
• costau mamolaeth neu angladd
• ad-dalu cytundebau hur-bwrcas neu ddyledion eraill sydd gennych i dalu am unrhyw un o’r uchod
  

• Cymhorthdal Incwm

• Lwfans Ceisio Gwaith

• Lwfans Cyflogaeth a Chymorth (adran pobl anabl)

• Credyd Pensiwn

Faint fyddwch yn ei gael?

Y swm lleiaf y gellir ei fenthyg ar gyfer Benthyciad Cyllidebu unigol yw £100. Bydd mwyafswm y gall y Ganolfan Byd Gwaith eich talu ar unrhyw adeg yn dibynnu ar b’un ai ydych yn:

• sengl
• cwpl
• sengl neu’n gwpl, gyda phlant

a ph’un a oes gennych

• unrhyw arian eisoes sy'n ddyledus gennych i'r Gronfa Gymdeithasol
• yn gallu ad-dalu'r benthyciad
• cynilion dros £1,000 (neu £2,000 os ydych chi neu’ch partner dros 60 oed)

Ni all cyfanswm y ddyled Gronfa Gymdeithasol y gellir ei fenthyg drwy Fenthyciad Argyfwng neu Fenthyciad Cyllidebu fod yn fwy nag £1,500.

Sut mae'n cael ei dalu

Bydd y Ganolfan Byd Gwaith fel arfer yn talu eich benthyciad i mewn i gyfrif.

Gall eich benthyciad gael ei dalu i mewn i'r mathau canlynol o gyfrif:

• cyfrif banc sylfaenol
• Cyfrif cyfredol
• Cyfrif cerdyn Swyddfa’r Post®
• Cyfrif cymdeithas adeiladu
• Cyfrif undeb credyd

• Cael gwybod mwy am fathau gwahanol o gyfrifon banc

Sut byddwch yn ei ad-dalu?

Bydd eich ad-daliadau, sy'n cael eu cyfrifo pan gytunir ar eich benthyciad, fel arfer yn cael eu tynnu o'ch budd-dal yn awtomatig. Os nad ydych yn cael budd-daliadau, cytunir ar ddull arall.

Fel arfer, rhaid i chi ad-dalu Benthyciad Cyllidebu o fewn 104 wythnos.

Mae'r ad-daliadau'n ddi-log ac mae hynny'n golygu mai union swm y benthyciad y byddwch yn ei dalu'n ôl a dim mwy.

Yr effaith ar fudd-daliadau eraill

Nid yw Benthyciad Cyllidebu yn cyfri fel incwm ac ni fydd yn effeithio ar unrhyw fudd-daliadau eraill a gewch.

Sut i wneud cais

Gallwch gysylltu â'r Ganolfan Byd Gwaith neu'ch canolfan bensiynau leol a gofyn iddynt anfon ffurflen gais SF500W atoch.

• Pwy i gysylltu â hwy yn y Ganolfan Bensiwn (adran pensiynau a chynllunio ar gyfer ymddeol)

• Cysylltu â'r Ganolfan Byd Gwaith Opens new window

Lawrlwytho ffurflen oddi ar y we i'w hargraffu a'i chwblhau

Neu gallwch lawrlwytho'r ffurflen gais, isod, oddi ar wefan yr Adran Gwaith a Phensiynau. Mae nodiadau gyda'r ffurflen i'ch helpu i'w chwblhau ac i ddweud wrthych i ble y dylech ei hanfon.

• Lawrlwytho'r ffurflen gais Benthyciad Cyllidebu (Dogfen PDF, 79K) Opens new window

• Cymorth gyda ffeiliau PDF

Beth i’w wneud os ydych yn anfodlon â’r penderfyniad am eich cais

Os ydych yn anfodlon â phenderfyniad ynghylch Benthyciad Cyllidebu, bydd gennych yr hawl i ofyn am adolygiad. Mae’n rhaid i chi ysgrifennu i’r Ganolfan Byd Gwaith o fewn 28 diwrnod i'r penderfyniad yn esbonio pam fod y penderfyniad yn anghywir yn eich barn chi gan ofyn iddynt ailystyried.

Ar ôl yr adolygiad hwnnw, os ydych yn dal i feddwl bod y penderfyniad yn anghywir, cewch ofyn am adolygiad pellach gan un o Arolygwyr y Gronfa Gymdeithasol. Nid yw'r Arolygwyr yn rhan o'r Adran Gwaith a Phensiynau. Maent yn annibynnol. Mae'r broses adolygu'n gyflym ac yn syml, ac ni ddylai gymryd mwy na 12 diwrnod.

Gallwch lawrlwytho'r daflen a'r ffurflen gais, 'Sut i ofyn am adolygiad annibynnol' oddi ar wefan y Gwasanaeth Adolygu Annibynnol.

• Lawrlwytho: 'Sut i ofyn am adolygiad annibynnol' (dogfen PDF, 78K) Opens new window

• Cymorth gyda ffeiliau PDF

Mwy o ddolenni defnyddiol

• Gwybodaeth budd-daliadau ar incwm isel – cymorth ariannol

• Tâl Salwch Statudol

• Gwybod eich hawliau ariannol

• Llinell gymorth Gwres yn y Cartref: 0800 33 66 999 Opens new window

• Grantiau a bwrsarïau i oedolion sy'n dysgu (adran addysg a dysgu)

Cysylltiadau Defnyddiol

• Cysylltiadau arian, treth a budd-daliadau