Gwefan llywodraeth y DU

Grantiau

Grant Dysgu i Oedolion

Gallech fod yn gymwys i gael Grant Dysgu i Oedolion gwerth hyd at £30 yr wythnos i'ch helpu i dalu am gostau dysgu.

• Grant Dysgu i Oedolion

Grant Hyfforddiant Yn y Gwaith i Rai Dros Bumdeg

Os ydych yn dechrau ar swydd newydd ar ôl bod allan o waith a chithau’n 50 oed a throsodd, efallai y gallwch gael grant i’ch helpu gyda chostau hyfforddiant sy'n ymwneud â’ch gwaith.

Y Gwasanaeth Ymgynghorol Grantiau Addysgol

Bydd rhai elusennau ac ymddiriedolaethau yn rhoi arian i unigolion, ond mae'u rheolau ynghylch pwy sy'n gymwys yn amrywio. Mae'r Gwasanaeth Ymgynghorol Grantiau Addysgol (EGAS) yn darparu gwybodaeth a chyngor am ffynonellau cyllido drwy eu Cyfeiriadur, eu llinell gymorth a'u gwefan.

• Gweld a ydych yn gymwys i gael grant addysgol ar wefan EGAS Opens new window

Ffederasiwn Cyffredinol yr Undebau Llafur

Mae Ymddiriedolaeth Addysg Ffederasiwn Cyffredinol yr Undebau Llafur yn cynnig grantiau i fyfyrwyr amser llawn a myfyrwyr y Brifysgol Agored mewn pynciau penodol, e.e. theori a hanes economaidd, cyfraith ddiwydiannol, hanes ac egwyddorion cysylltiadau diwydiannol.

• Ymddiriedolaeth Addysg Ffederasiwn Cyffredinol yr Undebau Llafur Opens new window

Cyhoeddiadau defnyddiol

Gallech hefyd daro golwg ar:

• Educational Grants Directory (a gyhoeddir gan y Cyfeiriadur Newid Cymdeithasol)
• Charities Digest (Gwasanaethau Gwybodaeth Waterlow)
• Grants Register (Gwasg Macmillan)
• Directory of Grant Making Trusts (Sefydliad Cymorth i Elusennau)

Dylai’r cyhoeddiadau hyn fod ar gael yn eich llyfrgell leol.

• Llyfrgelloedd a llyfrau (adran y cartref a’r gymuned)

Bwrsarïau

Mae bwrsarïau'n debyg i grantiau - ond fel arfer, bydd y rhain yn gysylltiedig â phroffesiwn neu â chymhwyster penodol.

Grantiau Dawns a Drama

Ysgoloriaethau a noddir gan y Cyngor Dysgu a Sgiliau yw'r Grantiau Dawns a Drama i helpu gyda ffioedd ar gyfer cyrsiau cymeradwy a chostau byw.

• Grantiau Dawns a Drama

Cymorth os ydych chi'n astudio oddi cartref

Os oes angen astudio oddi cartref arnoch gan nad yw'r cwrs rydych am ei wneud ar gael yn lleol, efallai y gallwch gael cymorth gyda chost eich llety yn ystod y tymor.

• Cymorth os ydych chi'n astudio oddi cartref

City & Guilds

Bydd y City & Guilds yn cynnig nifer fach o ysgoloriaethau bob blwyddyn i bobl sydd am astudio tuag at gymhwyster City & Guilds. Gellir defnyddio'r bwrsarïau hyn tuag at gostau megis ffioedd cwrs, deunyddiau dysgu, gofal plant neu deithio. Ystyrir y ceisiadau ym mis Mehefin ac ym mis Rhagfyr bob blwyddyn.

• Gwneud cais am fwrsari City & Guilds Opens new window

Grantiau a bwrsarïau ar gyfer cyrsiau addysg uwch

Os ydych chi'n astudio cwrs addysg uwch, mae'n bosib y bydd y pecyn o gymorth ariannol sydd ar gael yn cynnwys grantiau a bwrsarïau, yn ogystal â Benthyciadau Myfyrwyr.

Efallai y byddwch yn gymwys i gael bwrsari ychwanegol os ydych yn dilyn cymhwyster addysg uwch mewn gwaith cymdeithasol, meddygaeth neu feysydd penodol ym maes gofal iechyd - neu gwrs Hyfforddiant Cychwynnol i Athrawon ôl-radd.