Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Iau, 4 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Addysg a dysgu - Nodwch, os gwelwch yn dda, na ddiweddarir yr adran hon bellach

Cymorth os ydych chi'n astudio oddi cartref

Os bydd angen i chi astudio oddi cartref gan nad yw'r cwrs yr ydych am ei ddilyn ar gael yn lleol, efallai y gallwch gael cymorth ariannol gyda chost eich llety yn ystod y tymor.

Cymorth gyda chostau cyrsiau arbenigol

Os oes arnoch eisiau dilyn cwrs arbenigol nad yw ar gael yn eich ardal leol, ceir dwy brif ffynhonnell o gymorth posib a all helpu â'r costau ychwanegol sy'n gysylltiedig ag astudio oddi cartref:

astudio mewn coleg sy'n cynnig bwrsarïau preswyl ar gyfer rhai cyrsiau
gwneud cais am gyllid dan y Cynllun Cymorth Preswyl

Dod o hyd i fwrsarïau preswyl ar gyfer cyrsiau arbenigol

Mae nifer o 'Ganolfannau Preswyl Arbenigol' ar draws y wlad yn cynnig cymorth ychwanegol i fyfyrwyr sydd am astudio cyrsiau penodol. Dim ond os nad oes darpariaeth debyg ar gael yn lleol y bydd lleoedd ar gael.

Cymorth ar gyfer cyrsiau mewn amaethyddiaeth, celf a dylunio a garddwriaeth y mae'r canolfannau hyn yn ei gynnig yn bennaf.

I chwilio drwy restr o'r 50 o golegau sy'n rhan o'r cynllun hwn ar hyn o bryd, ewch i 'Dod o hyd i fwrsari preswyl'.

I wneud cais am gymorth, bydd angen i chi gysylltu â'r coleg perthnasol yn uniongyrchol.

Dod o hyd i fwrsari preswyl Opens new window

Y Cynllun Cymorth Preswyl

Os ydych wedi edrych ar y rhestr uchod ac nad oes bwrsari preswyl ar gael ar gyfer y cwrs yr ydych chi'n dymuno ei astudio, efallai y byddwch yn gymwys ar gyfer y Cynllun Cymorth Preswyl, a ariennir gan y Cyngor Dysgu a Sgiliau.

Os ydych yn gymwys, bydd y cynllun yn helpu i dalu am eich llety yn ystod y tymor.

Gallwch hawlio hyd at £3,458 (£4,079 yn ardal Llundain) tuag at eich costau bob blwyddyn, am hyd at uchafswm o dair blynedd. Seilir y grantiau ar incwm y cartref.

Cynllun Cymorth Preswyl faint o arian allech chi ei gael

Incwm Gros y Cartref	Astudio tu allan i Lundain	Astudio yn Llundain
Hyd at £21,000	£3,458	£4,079
Rhwng £21,001 a £25,704	£2,305	£2,685
Rhwng £25,705 a £30,993	£1,152	£1,355
£30,994 neu fwy	Dim grant	Dim grant

Ydych chi'n gymwys?

Efallai y byddwch yn gymwys ar gyfer y cynllun cymorth preswyl os ydych chi'n 16 oed neu'n hŷn, a'ch bod yn preswylio fel arfer yn Lloegr.

Rhaid bod y cwrs yr ydych yn ystyried ei ddilyn:

y tu hwnt i 'bellter teithio rhesymol y gallech ei deithio bob dydd' o'ch cartref - ni fyddwch yn gymwys os oes cyrsiau tebyg ar gael yn lleol
ar gyfer eich cymhwyster lefel 2 neu lefel 3 cyntaf
yn para o leiaf 10 wythnos a'r oriau presenoldeb yn 15 awr o leiaf bob wythnos
yn cael ei ariannu gan y Cyngor Dysgu a Sgiliau (os nad ydych yn siŵr, holwch y cynghorydd myfyrwyr yn eich coleg)

Diffinnir 'pellter teithio rhesymol y gallech ei deithio bob dydd' fel siwrnai sy'n llai na 15 milltir, neu siwrnai sy'n para dwy awr yno ac yn ôl. Gallwch gael syniad o amseroedd teithio drwy ddefnyddio cynlluniwr siwrnai Cross & Stitch.

Cymwysterau: beth yw ystyr y gwahanol lefelau

Ydych chi'n 'preswylio fel arfer' yn Lloegr?

Gall y rheolau preswylio fod yn gymhleth, ac nid yw'r wybodaeth ar y dudalen hon yn ymdrin â phob sefyllfa. Ond, yn gyffredinol, rydych yn 'preswylio fel arfer' yn Lloegr os ystyrir eich bod wedi yngartrefu yn y DU a'ch bod yn byw yn Lloegr ers tair blynedd o leiaf cyn dechrau'ch cwrs.

Mae 'wedi ymgartrefu' yn golygu un o'r canlynol:

hawl preswylio yn y DU
cael 'caniatâd amhenodol i ddod i'r DU' neu 'caniatâd amhenodol i aros yn y DU'

Mae gan ddinasyddion Prydeinig a rhai pobl eraill hawl preswylio yn y DU.

Ffoniwch 0845 602 2260 i gael pecyn cais Cynllun Cymorth Preswyl

Sut i wneud cais
Er mwyn cael pecyn cais Cynllun Cymorth Preswyl:

ffoniwch Promotional Logistics ar 0845 602 2260
nodwch y cyfeirnod LSC-P-NAT-090037 os ydych yn gwneud cais ar gyfer y flwyddyn academaidd 2009/10
nodwch y cyfeirnod LSC-P-NAT-070148 os ydych yn gwneud cais ar gyfer y flwyddyn academaidd 2008/09

Gwnewch yn siŵr eich bod yn llenwi pob adran berthnasol ar y ffurflen gais os gwelwch yn dda. Os oes gennych unrhyw gwestiynau neu os oes angen cymorth arnoch i lenwi'r ffurflen gais, ffoniwch llinell gymorth Cefnogaeth i Ddysgwyr ar 0800 121 8989.

Cysylltu â llinell gymorth Cefnogaeth i Ddysgwyr

Ydych chi'n anfodlon â'r modd y deliwyd â'ch cais am y Cynllun Cymorth Preswyl?

Os nad ydych yn gwbl fodlon gyda'r ffordd y deliwyd â'ch cais, ffoniwch y llinell gymorth ar 0800 121 8989. Bydd cynghorwyr Cefnogaeth i Ddysgwyr yn fwy na pharod i'ch helpu i ddatrys eich problem.