Gwefan llywodraeth y DU

Beth yr ydych yn dymuno'i astudio?

Er mwyn cael y budd mwyaf o astudio ar ôl cyrraedd 16 oed (a elwir weithiau'n 'addysg bellach'), mae'n bwysig i chi gymryd eich amser i ddewis y cyrsiau a'r cymwysterau cywir. Gofynnwch i chi’ch hun:

• beth yr ydych yn dda am ei wneud, a beth yr ydych yn ei fwynhau - mae'r rhan fwyaf o bobl yn gwneud yn well pan fyddant yn astudio pwnc y maent yn ei fwynhau
• a ydych yn dymuno dysgu rhywbeth newydd - mae'n bosib na fydd angen unrhyw brofiad blaenorol arnoch ar gyfer nifer o gyrsiau
• pa fath o strwythur cwrs fydd yn addas i chi - beth yw'r gorau gennych, arholiadau diwedd blwyddyn, asesu parhaus, ynteu gyfuniad o'r ddau?
• pa fath o arddull dysgu fydd yn gweddu i chi - beth yw'r gorau gennych, darlithoedd, trafodaethau mewn ystafell ddosbarth, neu weithdai ymarferol?
• at beth fydd y cwrs yn arwain – a yw'n cyd-fynd â'ch cynlluniau hirdymor?

Os yw'n well gennych ddull o ddysgu sy'n fwy ymarferol, a ydych wedi ystyried opsiwn sy'n rhoi cyfle i chi gael hyfforddiant yn y gwaith, fel Prentisiaeth?

• Sgiliau ar gyfer gwaith os ydych chi dan 19 oed

Cymwysterau: beth sydd ar gael?

Gallech astudio ar gyfer cymwysterau academaidd megis Safon UG neu Safon Uwch, neu ddewis cymwysterau sy'n gysylltiedig â gwaith megis cymwysterau BTEC, City and Guilds neu’r cymwysterau galwedigaethol newydd ar y Fframwaith Cymwysterau a Chredydau. Mae colegau dethol hefyd yn cynnig y cymhwyster Diploma newydd ar gyfer pobl ifanc 14-19 oed.

Hefyd, gallwch ennill cymwysterau Sgiliau Allweddol – sef y sgiliau hanfodol y bydd cyflogwyr yn chwilio amdanynt.

Gall amryw o'r cymwysterau hyn eich cynorthwyo i gael mynediad i brifysgol neu addysg uwch.

• Egluro cymwysterau

Cynllunio gyrfa

Mae angen i chi ystyried hefyd sut y bydd eich dewisiadau o ran beth i'w astudio yn cyd-fynd â'ch cynlluniau gyrfaol.

• Cynllunio gyrfa (adran pobl ifanc)

Lle hoffech chi astudio?

Dod o hyd i goleg a chweched dosbarth lleol

Ar ôl i chi feddwl am yr hyn yr ydych am ei astudio, defnyddiwch wasanaeth chwilio am gyrsiau Cross & Stitch i ddod o hyd i goleg neu chweched dosbarth sy'n cynnig y cyrsiau yr hoffech chi eu hastudio.

• Dod o hyd i gwrs neu ddarparwr dysgu Opens new window

Dewis ble i ddysgu

Gallwch ddewis:

• chweched dosbarth mewn ysgol
• coleg chweched dosbarth
• coleg addysg bellach
• coleg arbenigol

Mae gan bob math o sefydliad ei strwythur a'i awyrgylch ei hun, ac fe fydd yn cynnig ystod o bynciau a chyrsiau gwahanol.

Chweched dosbarth

Efallai y bydd modd i chi astudio yn y chweched dosbarth yn eich ysgol chi, mewn chweched dosbarth mewn ysgol arall, neu mewn coleg chweched dosbarth. Byddant, yn fwy na thebyg, yn cynnig ystod ehangach o ddewisiadau nag yr ydych chi wedi'u cael hyd yma, ac mae'r awyrgylch fel arfer yn fwy hamddenol nag ym Mlwyddyn 11.

Bydd pob chweched dosbarth yn amrywio'n fawr o ran maint, ac o ran y cyrsiau a'r cyfleusterau y byddant yn eu cynnig. Mae colegau chweched dosbarth yn tueddu i fod yn fwy o ran maint ac yn fwy anffurfiol na chweched dosbarth mewn ysgolion.

• Cael gwybodaeth ar ysgolion lleol Opens new window

Colegau addysg bellach

Mae colegau addysg bellach yn gallu cynnig cyrsiau tebyg i'r cyrsiau a geir mewn colegau chweched dosbarth. Maent hefyd yn amrywio'n fawr o ran maint, ac o ran y pynciau a'r cyfleusterau y byddant yn eu cynnig.

Gallai eich cyd-fyfyrwyr gynnwys oedolion o bob oed yn ogystal â phobl ifanc.

Colegau arbenigol

Mae rhai colegau addysg bellach yn arbenigo mewn meysydd penodol:

• meysydd yn ymwneud â phynciau megis celf a dylunio, amaethyddiaeth a garddwriaeth, neu ddawns a drama
• cyrsiau a chymorth i fyfyrwyr ag anabledd penodol neu anhawster dysgu

Gall mynd i goleg arbenigol olygu llawer o deithio. Os yw'n bell oddi cartref, efallai y bydd angen i chi fyw yno yn ystod y tymor. Os felly, fe allech fod yn gymwys i gael cymorth ariannol.

Fodd bynnag, dim ond ar gyfer pobl dros 18 oed y mae rhai cyrsiau ar gael.

• Cael gwybod mwy ynghylch bwrsarïau ar gyfer cyrsiau arbenigol

Gwneud cais i fynd ymlaen i goleg neu chweched dosbarth

Gallwch wneud cais i fwy nag un chweched dosbarth neu goleg. Bydd nifer o golegau'n gadael i chi wneud cais ar-lein drwy eu gwefan, neu gallwch gysylltu â nhw i gael ffurflen gais.

Dylech ddechrau gwneud cais am gyrsiau poblogaidd neu arbenigol yn ystod tymor yr Hydref pan fyddwch ym Mlwyddyn 11. Ar gyfer cyrsiau eraill, byddwch fel arfer yn gwneud cais yn y Gwanwyn.

Fel arfer, ni fydd angen i chi wneud cais os ydych chi am aros yn chweched dosbarth eich ysgol chi.

Y camau nesaf

Dod o hyd i’ch prosbectws ardal lleol ar gyfer pobl ifanc 14-19 oed

Gallwch gael gwybod pa gyrsiau a chymwysterau sydd ar gael mewn ysgolion a cholegau yn eich ardal chi gyda’ch prosbectws ardal lleol ar gyfer pobl ifanc 14-19 oed.

• Dod o hyd i’ch prosbectws ardal lleol ar gyfer pobl ifanc 14-19 oed

• Dod o hyd i gyrsiau a dewisiadau os ydych yn fyfyriwr yn yr Almaen neu yng Nghyprus gyda’r lluoedd arfog Opens new window

• Dod o hyd i gynghorydd personol Connexions Opens new window

Arian i ddysgu

Beth bynnag y byddwch yn ei astudio, cofiwch y gallech chi fod yn gymwys i gael cymorth â chostau astudio drwy'r Lwfans Cynhaliaeth Addysg.

• Arian i ddysgu