Gwefan llywodraeth y DU

Mae'n werth dal ati i ddysgu

• Cael calendr personol ar gyfer Blwyddyn 11 Opens new window

• Dod o hyd i yrfa sy’n addas i chi (adran pobl ifanc)

Pa lwybr ddylech chi ei ddilyn?

Mae nifer o wahanol ffyrdd o ennill profiad gwaith, sgiliau neu gymwysterau pellach – ac mae’r ystod o opsiynau yn cynyddu.

Gallech wneud y canlynol:

• aros mewn addysg amser llawn, naill ai yn yr ysgol neu yn y coleg
• dal ati i ddysgu drwy hyfforddiant seiliedig ar waith

Os ydych yn 16 neu’n 17 oed ac yn tynnu tua diwedd cwrs mewn ysgol neu goleg, golyga ‘Gwarant Medi’ y gallwch yn bendant barhau i ddysgu.

Gwarentir cynnig o le ar gwrs priodol i bawb yn y grŵp oed hwn a fydd yn gadael addysg – a bydd gwybodaeth, cyngor ac arweiniad ar gael i'w helpu i bwyso a mesur eu dewisiadau.

I gael gwybod beth sydd ar gael yn eich ardal chi, edrychwch ar eich prosbectws ardal lleol ar gyfer pobl ifanc 14-19 oed, sydd ar gael ar-lein.

• Dod o hyd i’ch prosbectws 14-19 lleol Opens new window

Aros mewn addysg amser llawn

Fe welwch fod ystod llawer ehangach o bynciau a chymwysterau ar gael, a mwy o ddewis nag a gawsoch hyd yma.

Yn ogystal â chymwysterau Safon Uwch, gallwch ddewis o fwy a mwy o gymwysterau sy'n gysylltiedig â gwaith. Mae rhai ysgolion a cholegau hefyd yn cynnig y cymhwyster Diploma newydd ar gyfer pobl ifanc 14 i 19 oed.

Gallech benderfynu aros yn yr ysgol, neu fynd i goleg chweched dosbarth, coleg arbenigol neu goleg addysg bellach, yn dibynnu ar beth yr ydych am ei astudio.

• Mwy am ddysgu mewn coleg neu chweched dosbarth

Dysgu yn y gwaith

Os ydych chi'n dymuno dechrau gweithio, mae'n bwysig eich bod yn dewis swydd sy'n cynnig hyfforddiant wedi’i gynllunio, a fydd yn arwain at gymhwyster a gydnabyddir yn genedlaethol.

Mae llawer o ffyrdd o loywi'ch sgiliau a chael cymwysterau, o Brentisiaethau i gynlluniau 'Mynediad at Waith'. Neu, gallai fod gennych hawl i gael 'Amser o'r gwaith i Astudio neu Hyfforddi'. Dilynwch y dolenni isod i gael gwybod mwy am y rhain ac am ddewisiadau eraill pan fyddwch yn 16 oed.

• Sgiliau ar gyfer gwaith os ydych chi dan 19 oed

• Mwy am brentisiaethau

Cael profiad gwaith

Ar ôl i chi gwblhau eich astudiaethau, gallech ystyried cymryd hoe cyn mynd ymlaen i addysg uwch. Gall gwaith gwirfoddol, teithio a gweithio dramor fod yn ffyrdd o ennill profiadau gwerthfawr.

• Lleoliadau gwaith gwirfoddol (adran pobl ifanc)

• Trefnu blwyddyn fwlch (adran pobl ifanc)

Llwybrau i'r brifysgol ac addysg uwch

Drwy aros mewn addysg amser llawn neu gychwyn Prentisiaeth, gallwch gymryd camau pwysig at gymhwyso ar gyfer cwrs addysg uwch.

• Mwy o wybodaeth am fynd i brifysgol ac addysg uwch

Cymorth i wneud penderfyniad

Chi biau'r dewis

Ceir llawer o wybodaeth a chyngor i'ch helpu i benderfynu beth sy'n iawn ar eich cyfer ar wefan ‘It’s your choice’.

Gallwch hefyd lwytho cylchgrawn ‘It’s your choice’ oddi ar y safle.

• It's your choice - defnyddiwch y canllaw rhyngweithiol Opens new window

Connexions

Mae Connexions yn wasanaeth sy'n rhoi gwybodaeth a chyngor i bobl ifanc. Mae llawer o ffyrdd y gall Connexions helpu:

• bydd Canolfannau Adnoddau Connexions mewn ysgolion yn darparu gwybodaeth wedi'i hargraffu, DVDs, rhaglenni cyfrifiadur a mynediad at y we er mwyn eich cynorthwyo i ymchwilio i yrfaoedd, hyfforddiant, pynciau a chymwysterau
• gall cynghorwyr personol Connexions roi cymorth a chyngor cyfrinachol am amryw o faterion – dylai eich bod wedi cael eich cyflwyno i gynghorydd personol yn eich ysgol, neu gallwch siarad ag un yn eich darparwr Connexions leol

Gallwch hefyd gysylltu â chynghorydd Connexions Direct i gael cyngor cyfrinachol am ddim - dros y ffôn, dros yr e-bost, drwy sgwrs ar y we neu drwy neges destun.

• Llinell gymorth Connexions Direct: 080 800 13 2 19

• Dod o hyd i’ch darparwr Connexions leol Opens new window

• Cysylltu â Chynghorydd personol Connexions Direct Opens new window

Y bobl sy'n eich adnabod orau

Ar ôl i chi gael cyngor arbenigol, gall fod yn ddefnyddiol trafod eich dewisiadau gyda’r bobl sy’n eich adnabod orau – eich teulu a’ch ffrindiau.

Yn y diwedd, bydd gennych y syniad gorau posib o'r hyn sy'n iawn i chi. Os ydych yn bwriadu gweithio tuag at gwrs addysg uwch neu yrfa benodol, daliwch ati, hyd yn oed os yw hynny'n golygu dilyn llwybr gwahanol i ffrindiau ac aelodau o'ch teulu.

Mwy o ddolenni defnyddiol

• Arian i ddysgu