Gwefan llywodraeth y DU

Dysgu drwy weithio i hybu'ch gyrfa

Fwyfwy y dyddiau hyn, mae cyflogwyr yn chwilio am weithwyr sydd â lefelau sgiliau a chymwysterau uwch. Felly, os ydych chi'n dymuno dechrau gweithio, bydd dod o hyd i swydd gyda hyfforddiant yn rhoi rhagolygon gwell i chi yn y tymor hir.

Gallwch ddysgu drwy weithio mewn ffordd sy'n addas i chi. Er enghraifft, gallech astudio'n rhan-amser yn ystod gyda'r nosau a phenwythnosau, neu drwy ddysgu o bell (ar-lein neu drwy'r post).

Prentisiaethau

Os hoffech gael swydd sy'n gwarantu hyfforddiant gwych, efallai mai Prentisiaeth yw'r peth i chi.

Mae prentisiaethau ar gael mewn amrywiaeth eang o sectorau cyflogaeth. Fel Prentis, byddwch yn ennill arian wrth i chi ddysgu ac astudio ar gyfer cymwysterau a gydnabyddir yn genedlaethol.

• Prentisiaethau

Os ydych chi'n chwilio am waith

Mynediad at Waith (e2e)

Os nad ydych yn barod i ddechrau ar Brentisiaeth, cyflogaeth gyda hyfforddiant neu addysg bellach ar ôl Blwyddyn 11, efallai y byddai rhaglen Mynediad at Waith (e2e) yn fanteisiol i chi. I fod yn gymwys, rhaid eich bod yn byw yn Lloegr a'ch bod rhwng 16 a 18 oed.

Bwriad Mynediad at Waith yw datblygu eich cymhelliant a'ch hyder. Bydd hefyd yn eich helpu i ddatblygu sgiliau y gallwch eu defnyddio yn y gweithle, a elwir yn 'Sgiliau Allweddol' a 'Sgiliau am Oes'.

Bydd Mynediad at Waith yn cael ei deilwra ar gyfer eich anghenion unigol, felly ni fydd yn para am gyfnod penodol o amser. Yn ogystal â gweithio tuag at gymhwyster, gallwch roi cynnig ar wahanol sefyllfaoedd gwaith a dysgu.

Os ydych chi ar raglen Mynediad at Waith, efallai y cewch arian ar ffurf Lwfans Cynhaliaeth Addysg.

• Lwfans Cynhaliaeth Addysg

• Cael gwybod mwy am Fynediad at Waith Opens new window

Y Fargen Newydd

Gall y Fargen Newydd eich helpu i ddod o hyd i swydd a'i chadw. Tra'r ydych yn cael y Fargen Newydd, byddwch yn cael cymorth a chefnogaeth gan ymgynghorydd personol. Byddant yn eich helpu i ystyried beth allwch chi ei wneud i adeiladu ar y sgiliau sydd gennych.

Os ydych rhwng 18 a 24 oed ac wedi bod yn hawlio Lwfans Ceisio Gwaith am chwe mis neu fwy, mae'n rhaid i chi gymryd rhan yn y Fargen Newydd er mwyn parhau i gael rywfaint o'ch budd-daliadau - oni bai bod gennych reswm da dros beidio â chymryd rhan.

Os ydych chi a'ch ymgynghorydd personol yn penderfynu gwneud hyn, efallai y gallwch gymryd rhan os ydych wedi bod yn hawlio Lwfans Ceisio Gwaith am lai na chwe mis.

O fis Hydref 2009, mewn rhai ardaloedd yn y DU, bydd y Fargen Newydd yn cael ei disodli gan 'Y Fargen Newydd Hyblyg'. Gweler ‘Y Fargen Newydd’ i gael gwybod mwy.

Os ydych chi mewn gwaith - ond nad oes hyfforddiant

Os nad yw'r swydd yr ydych wedi dod o hyd iddi yn cynnig llawer o hyfforddiant, neu os nad yw'n cynnig hyfforddiant o gwbl, gallech fod yn gymwys i gael Amser o'r Gwaith i Astudio neu Hyfforddi.

Gallwch fod yn gymwys os ydych chi'n 16 neu'n 17 oed ac na chawsoch yr un cymhwyster Lefel 2 yn yr ysgol. Mae cymwysterau Lefel 2 yn cynnwys:

• TGAU graddau A* - C
• NVQ Lefel 2
• cymwysterau penodol eraill, fel Diploma Cyntaf BTEC

Mae Amser o'r Gwaith i Astudio neu Hyfforddi yn rhoi hawl i chi gael amser rhesymol o'r gwaith yn ystod dyddiau gwaith cyffredin, gyda thâl, er mwyn astudio ar gyfer cymhwyster cymeradwy. Rhaid i hwn fod yn gymhwyster Lefel 2 a fydd yn helpu i wella eich rhagolygon cyflogaeth ar gyfer y dyfodol.

Bydd yr amser a gewch chi o'r gwaith yn dibynnu ar y cwrs, eich amgylchiadau, ac anghenion eich cyflogwr.

Os ydych chi'n 18 oed, cewch hefyd gwblhau unrhyw gymwysterau yr ydych eisoes wedi dechrau astudio ar eu cyfer.

• Mwy am y cynllun Amser o'r Gwaith i Astudio neu Hyfforddi Opens new window

Ble gall eich hyfforddiant arwain

Efallai y gallech ddefnyddio'r cymwysterau y byddwch yn eu hennill drwy hyfforddiant seiliedig ar waith fel llwybr i brifysgol neu addysg uwch. Gall hyn wella eich rhagolygon ar gyfer cael swydd a'ch siawns o gael gwell enillion yn y dyfodol.

Gallai'r profiad gwaith y byddwch yn ei ennill fod yn ddefnyddiol iawn hefyd os ydych chi'n dymuno gwneud cais am gael gwneud Gradd Sylfaen. Mae Graddau Sylfaen yn cyfuno astudiaeth academaidd gyda dysgu yn y gwaith.

• Dewisiadau ar ôl 16: mynd i brifysgol ac addysg uwch

Mwy o ddolenni defnyddiol

• Lleoliadau gwaith gwirfoddol (adran pobl ifanc)

• Dechrau gweithio: Beth ddylech chi ei ddisgwyl (adran pobl ifanc)

• Eich hawliau a'ch cyfrifoldebau yn y gwaith (adran pobl ifanc)