Gwefan llywodraeth y DU

Cael cymorth gyda chostau cludiant

Os ydych chi mewn addysg bellach, efallai y gall eich awdurdod lleol eich helpu gyda chost teithio i'ch canolfan ddysgu a mynd oddi yno.
Gan ddibynnu ar eich oed a ble byddwch yn astudio, efallai y gallech fod yn gymwys i gael cymorth.

Eich oed

Er mwyn bod yn gymwys i gael help gan eich awdurdod lleol, rhaid i chi

• fod rhwng 16 a 18 oed, neu
• fod yn parhau ar gwrs a ddechreuwyd gennych cyn eich pen-blwydd yn 19 oed

Ble rydych yn astudio

Yn ogystal â bod o fewn yr oed cywir, rhaid i chi fod yn mynd i un o'r canlynol:

• chweched dosbarth mewn ysgol
• coleg chweched
• dosbarth coleg addysg bellach

Pa gymorth sydd ar gael

Mae'r math o help y gallwch ei gael yn dibynnu ar ble yn Lloegr yr ydych yn byw - mae pob awdurdod lleol yn penderfynu beth sy'n addas ar gyfer yr ardal leol.

Efallai y bydd awdurdodau lleol yn edrych ar incwm eich teulu, pa mor bell yw'ch coleg agosaf o'r lle rydych chi'n byw, ble mae'ch cwrs ar gael, ac ystod o ffactorau eraill. Fodd bynnag, rhaid iddynt sicrhau nad yw myfyrwyr yn cael eu rhwystro rhag mynd i goleg neu chweched dosbarth oherwydd nad oes gwasanaeth cludiant ar gael, neu oherwydd na allant fforddio'r tâl.

Rhaid i awdurdodau lleol sicrhau hefyd nad yw myfyrwyr colegau yn cael eu trin yn llai ffafriol na'r rhai sy'n astudio yn y chweched dosbarth mewn ysgolion.

• Cael gwybod am gludiant yn eich ardal ar gyfer pobl rhwng 16 a 19 oed Opens new window

Os ydych yn byw yn Llundain

Os ydych chi o dan 19 ac mewn addysg llawn amser neu'n dysgu yn y gwaith, gallech fod yn gymwys i deithio am ddim ar fysiau a thramiau yn Llundain.

• Teithio am ddim i rai dan 19 yn Llundain: cael gwybod rhagor Opens new window

Cymorth gyda chostau teithio os ydych chi'n 19 neu'n hŷn

Os ydych chi'n 19 neu'n hŷn efallai y gallech gael help gyda chostau teithio, drwy Gronfa Gefnogaeth Ddewisol eich coleg neu'ch chweched dosbarth.

• Cronfeydd Cefnogi Dewisol