Gwefan llywodraeth y DU

Cymorth gyda chostau gofal plant os ydych yn fyfyriwr chweched dosbarth

Os ydych chi'n 20 oed neu'n hŷn ac yn astudio mewn chweched dosbarth mewn ysgol neu mewn coleg chweched dosbarth, gallech gael cymorth gyda'ch costau gofal plant drwy'r Cynllun Gofal Plant ar gyfer Colegau Chweched Dosbarth.

Cymorth gyda chostau gofal plant os ydych yn ddi-waith ac am hyfforddi

Os ydych yn rhiant 20 oed neu'n hŷn sy'n ddi-waith gyda phartner sy'n gweithio, gallech gael cymorth gyda'ch costau gofal plant drwy'r cynllun Gofal Plant am Ddim ar gyfer Hyfforddiant a Dysgu ar gyfer Gwaith.

• Y cynllun Gofal Plant am Ddim ar gyfer Hyfforddiant a Dysgu ar gyfer Gwaith

Dechrau gweithio: mwy o ffynonellau cymorth i rieni

• Budd-daliadau a chymorth i rieni sy’n mynd yn ôl i weithio (adran rhieni)

Cymorth gyda chostau gofal plant gan eich coleg

Os nad ydych yn gymwys ar gyfer y cynlluniau sy'n cynnig cymorth gyda chostau gofal plant, mae'n dal yn bosib i chi gael cymorth pan fyddwch wedi cael ei derbyn ar eich cwrs - drwy Gronfa Cymorth Dewisol eich coleg.

• Cronfeydd Cymorth Dewisol

Dewis gofal plant

Gall gadael i rywun arall ofalu am eich plentyn fod yn gam mawr.

Mae'r Cynllun Gofal Plant ar gyfer Colegau Chweched Dosbarth, y cynllun Gofal Plant am Ddim ar gyfer Hyfforddiant a Dysgu ar gyfer Gwaith, a Chronfeydd Cymorth Dewisol yn helpu drwy adael i chi ddewis y math o ofal plant sy'n addas i chi a'ch plentyn.

Gallwch ddefnyddio'r arian i dalu am ofal plant:

• gyda gwarchodwr plant
• mewn cylch chwarae cyn-ysgol
• mewn meithrinfa ddydd
• mewn clwb y tu allan i'r ysgol
• gyda darparwr cofrestredig arall (fel meithrinfa neu greche eich coleg)

Yr unig amod yw bod y darparwr gofal plant wedi ei gofrestru ag Ofsted. Rhaid i ddarparwyr gofal plant cofrestredig fodloni'r safonau cenedlaethol, ac fe fyddant yn cael eu harchwilio'n rheolaidd i wneud yn siŵr eu bod yn darparu gwasanaeth gofal o safon.

Chwilio am syniadau i'ch helpu i ddewis cwrs?

Mae cael trefn ar eich trefniadau gofal plant yn golygu y gallwch ganolbwyntio ar eich cwrs - ac mae amrywiaeth eang i ddewis ohonynt.

Gall dod o hyd i gwrs a fydd yn ychwanegu at eich sgiliau a'ch cymwysterau agor drysau at gyfleoedd newydd yn eich gyrfa - yn y pen draw, gallai hyn fod o fudd i chi ac i'ch teulu.

• Dewis y cwrs iawn

• Dysgu ar gyfer gwaith

Mwy o ddolenni defnyddiol

• Gofal i Ddysgu: cymorth gyda chostau gofal plant os ydych dan 20 oed

• Cymorth ar gyfer myfyrwyr addysg uwch â phlant