Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

Addysg a dysgu - Nodwch, os gwelwch yn dda, na ddiweddarir yr adran hon bellach

Addysg a dysgu

Cymorth gyda chostau dysgu: cyflwyniad

Gallwch gael cymorth ariannol tuag at gostau eich cwrs, a chostau perthnasol fel teithio a gofal plant. Bydd y cymorth y gallwch ei gael yn dibynnu ar amrywiaeth o ffactorau - gan gynnwys eich amgylchiadau personol a'r cwrs yr ydych yn ei ddilyn.

Pa fath o nawdd a chymorth ariannol allwch chi ei gael?

A ydych chi wedi edrych ar eich holl opsiynau ariannu?

Os ydych chi'n ystyried dilyn cwrs, mae digonedd o wybodaeth am gymorth ariannol ar gael ar-lein.

Ceir hefyd linellau cymorth y gallwch eu ffonio a bydd y rhain yn gallu ateb cwestiynau ar rai o'ch dewisiadau o ran cyllid.

Neu gallwch siarad â swyddog cefnogi myfyrwyr neu swyddog lles eich coleg.

Grant Dysgu i Oedolion

Gallai'r Grant Dysgu i Oedolion roi hyd at £30 yr wythnos i chi tra byddwch yn astudio ar gyfer eich cymhwyster Lefel 2 neu Lefel 3 llawn cyntaf.

Cymorth gyda chostau gofal plant

Os ydych chi'n rhiant, mae yna nifer o ffynonellau a allai helpu gyda chostau gofal plant tra byddwch yn dysgu.

Cronfeydd Cymorth Dewisol

Gall colegau a dosbarthiadau'r chweched ddarparu cymorth ariannol ychwanegol drwy gyfrwng eu Cronfeydd Cymorth Dewisol. Rhoddir blaenoriaeth i'r rhai sy'n wynebu caledi ariannol.

Benthyciadau Proffesiynol a Datblygu Gyrfa

Gall Benthyciad Datblygu Gyrfa eich helpu i dalu am ddysgu galwedigaethol neu ddysgu cysylltiedig â gwaith. Benthyciad banc lle caiff yr ad-dalu ei ohirio ydy Benthyciad Datblygu Gyrfa i’ch cynorthwyo i gael benthyg rhwng £300 a £10,000.

Grantiau a bwrsarïau eraill

Mae mathau eraill o grantiau a bwrsarïau ar gael hefyd i helpu gyda chostau dysgu.

Mae'r rhain yn cynnwys y Grant Cymorth Preswyl, sy'n cynnig costau llety i chi os bydd angen i chi astudio oddi cartref.

Cofiwch: does dim rhaid talu grantiau yn ôl. Mae bwrsarïau yn debyg i grantiau ond, fel arfer, maent yn gysylltiedig â gyrfa benodol.

Faint fydd eich cwrs yn ei gostio?

Dysgu am ddim

Mae hyfforddiant am ddim ar rai cyrsiau - gan gynnwys, mewn nifer o achosion, cyrsiau mewn llythrennedd a rhifedd, a chyrsiau sy'n arwain at eich cymwysterau cyntaf a fydd yn cyfateb i gymwysterau TGAU a Safon Uwch.

Dysgu ar gyfer gwaith

Os oes gennych swydd, efallai y bydd eich cyflogwr yn fodlon eich cefnogi - yn ariannol neu fel arall.

Ffioedd y cwrs

Os oes rhaid i chi dalu ffioedd, mae ffioedd cyrsiau'n amrywio yn ôl y pwnc, hyd y cwrs a'r math o gymhwyster. Gallwch gael gwybod mwy am ffioedd cyn i chi gofrestru.

Costau dysgu

Mae'n bosib y bydd costau eraill ar gyfer pethau fel ffioedd arholiadau, teithiau maes ac aelodaeth o gymdeithasau neu glybiau. Efallai y bydd angen i chi brynu deunyddiau hefyd - llyfrau, papur ysgrifennu ac offer cyfrifiadurol, neu gyfarpar arbenigol wrth ddilyn cyrsiau megis celf neu gerddoriaeth. Mae'n werth holi am y costau hyn cyn i chi ddechrau ar y cwrs.

Cadw costau'n isel

I gadw'r costau i lawr gallwch:

  • holi a oes gan eich coleg siop ddisgownt
  • holi a ydych yn gymwys i gael cerdyn Undeb Cenedlaethol y Myfyrwyr (NUS) - caiff y cerdyn hwn ei gydnabod drwy'r wlad ac mae'n rhoi gostyngiad ar bris amrywiaeth o gynhyrchion a gwasanaethau
  • cael benthyg llyfrau o'r llyfrgell, yn hytrach na'u prynu
  • defnyddio cyfleusterau cyfrifiadurol eich coleg, eich canolfan ddysgu, eich llyfrgell neu'ch canolfan UK online

Cymorth gyda chostau dysgu yng Ngogledd Iwerddon, Yr Alban a Chymru

Cymorth ariannol i fyfyrwyr addysg uwch

Mae'r ffynonellau cymorth ariannol yn wahanol os ydych chi'n dilyn cwrs addysg uwch.

Mwy o ddolenni defnyddiol

Yn yr adran hon...

Additional links

Cyngor am ddim ar yrfaoedd a dysgu

Cael ateb i'ch cwestiynau yn fforymau'r Gwasanaeth Cyngor Gyrfa, podlediadau a llawer mwy...

Allweddumynediad llywodraeth y DU