Gwefan llywodraeth y DU

Benthyciad Argyfwng – pwy sy’n gymwys

Gallwch wneud cais am Fenthyciad Argyfwng os bydd y canlynol i gyd yn berthnasol:

• rydych yn 16 oed neu’n hŷn
• nid oes gennych ddigon o arian i ddiwallu eich anghenion byrdymor chi (neu’ch teulu) mewn argyfwng neu o ganlyniad i drychineb
• yn credu y bydd niwed neu berygl difrifol i'ch iechyd neu'ch diogelwch (neu iechyd neu ddiogelwch eich teulu) heb y benthyciad
  

Gall Benthyciad Argyfwng helpu i gwmpasu’r anghenion byrdymor canlynol:

• bodloni costau byw o ddydd i ddydd
• rhent ymlaen llaw
• costau llety
• costau preswyl ar gyfer hostel
• dyled mesurydd tanwydd rhagdaledig
• costau teithio os na allwch gyrraedd eich cartref

Gall Benthyciad Argyfwng eich helpu os yw naill neu’r llall o’r canlynol yn briodol:

• rydych wedi dioddef o drychineb fel tân neu lifogydd sydd wedi achosi llawer o ddifrod a bod angen help arnoch i gwrdd â chostau eraill fel ailosod eitemau a dillad
• rydych wedi cael Grant Gofal Cymunedol ac yn symud allan o lety sefydliadol neu breswyl ac nad oes gennych ddigon o arian ymlaen llaw i dalu rhent ar gyfer rhent landlord nad yw’n awdurdod lleol

• Grantiau Gofal Cymunedol

Faint fyddwch chi'n ei gael?

Nid oes swm penodol wedi'i bennu ar gyfer Benthyciad Argyfwng. Bydd y swm y gallech ei fenthyg yn dibynnu ar:

• eich amgylchiadau unigol
• unrhyw gynilion sydd gennych
• p’un ag oes gennych unrhyw fenthyciadau sy’n weddill o’r Gronfa Gymdeithasol

Sut mae Benthyciadau Argyfwng yn cael eu talu

Caiff pob budd-dal, pensiwn a lwfans ei dalu i mewn i gyfrif. Dyma’r ffordd fwyaf diogel, cyfleus ac effeithlon o gael ei dalu.

• Sut y telir budd-daliadau a phensiynau

Sut ydych chi'n ei ad-dalu?

Os byddwch yn gymwys i gael Benthyciad Argyfwng bydd angen i chi gytuno sut y byddwch chi'n ei ad-dalu.

Bydd ymgynghorydd yn eich Canolfan Byd Gwaith yn siarad â chi ac yn cytuno cynllun ad-dalu gyda chi y gallwch ei fforddio. Os ydych yn cael budd-dal, fel arfer byddwch yn ad-dalu'r benthyciad o’ch taliadau budd-dal arferol.

Nid oes yn rhaid i chi dalu llog ar Fenthyciad Argyfwng sy'n olygu mai dim ond y swm rydych chi wedi ei fenthyg y byddwch chi'n ei ad-dalu.

• Cysylltu â'r Ganolfan Byd Gwaith Opens new window

Yr effaith ar fudd-daliadau eraill

Nid yw Benthyciad Argyfwng yn cyfri fel incwm ac ni fydd yn effeithio ar unrhyw fudd-daliadau eraill a gewch.

Sut i wneud cais

Ceir gwahanol ffyrdd o wneud cais am Fenthyciad Argyfwng gan ddibynnu ar ba fath o fenthyciad yr ydych am gael.

Benthyciadau Argyfwng ar gyfer Costau Byw a Rhent ar frys Ymlaen Llaw

I wneud cais dros y ffôn am gostau byw o ddydd i ddydd neu rent ar frys ymlaen llaw cysylltwch â’r Ganolfan Byd Gwaith, ffôn: 0800 032 8335.

Os na allwch siarad neu glywed yn glir, gallwch ddefnyddio’r rhif ffôn testun: 0800 032 7958.

Mae'r llinellau ar agor o ddydd Llun i ddydd Gwener, rhwng 8.00am a 6.00pm. Fel arfer mae llinellau yn llai prysur cyn 9.00am.

Os nad ydych am wneud cais am Fenthyciad Argyfwng dros y ffôn i gwmpasu costau byw, gallwch gael ffurflen gais (SF401) yn lle. Gallwch gael y ffurflen hon gan eich swyddfa Ganolfan Byd Gwaith leol neu drwy lawrlwytho’r ffurflen isod.

• Lawrlwythwch ‘Benthyciadau Argyfwng o’r Gronfa Gymdeithasol – costau byw o ddydd i ddydd SF401W’ (PDF, 157K) Opens new window

Dylai pob cais arall am Fenthyciad Argyfwng gael ei wneud yn ysgrifenedig.

Dylai pob cais arall am Fenthyciad Argyfwng gael ei wneud yn ysgrifenedig drwy ddefnyddio un o’r ffurflenni cais Benthyciad Argyfwng isod.

Os hoffech wneud cais am Fenthyciad Argyfwng ar gyfer eitemau a gwasanaethau o ganlyniad i drychineb, gallwch lawrlwytho ffurflen SF300. Gallwch hefyd ddefnyddio’r ffurflen gais hon (SF300) os ydych yn gwneud cais am Grant Gofal Cymunedol.

• Lawrlwythwch 'Grant Gofal Cymunedol a Benthyciad Argyfwng ar gyfer eitemau a gwasanaethau o ganlyniad i drychineb' (PDF, 264K) Opens new window

Os hoffech wneud cais am Fenthyciad Argyfwng i gwmpasu rhent ymlaen llaw, gallwch lawrlwytho’r ffurflen (SF401R) isod.

• Lawrlwythwch ‘Benthyciad Argyfwng o’r Gronfa Gymdeithasol – rhent ymlaen llaw SF401RW’ (PDF, 169K) Opens new window

• Cymorth gyda ffeiliau PDF

Sut i apelio

Os ydych yn anfodlon gyda phenderfyniad ynglŷn â Benthyciad Argyfwng mae gennych chi'r hawl i ofyn am adolygiad. I wneud hyn, mae’n rhaid i chi ysgrifennu at y Ganolfan Byd Gwaith o fewn 28 diwrnod i'r penderfyniad. Bydd angen i chi:

• esbonio iddynt pam y credwch fod y penderfyniad yn anghywir
• gofyn iddynt am adolygiad

Os ydych yn parhau i fod yn anfodlon gyda'r canlyniad, gallwch ofyn am adolygiad pellach gan Arolygydd y Gronfa Gymdeithasol. Mae'r broses adolygu'n gyflym ac yn rhwydd, ac ni ddylai gymryd mwy na 12 diwrnod.

Gallwch lawrlwytho'r daflen a'r ffurflen gais, 'Sut i ofyn am adolygiad annibynnol' ar wefan y Gwasanaeth Adolygu Annibynnol.

• Lawrlwythwch daflen ‘Sut i ofyn am adolygiad annibynnol' (PDF, 78K) Opens new window

• Cymorth gyda ffeiliau PDF

Mwy o ddolenni defnyddiol

• Gwybodaeth budd-daliadau ar incwm isel - cymorth ariannol

• Taliadau Angladd

• Budd-daliadau, credydau treth a mathau eraill o gymorth

Cysylltiadau defnyddiol

• Cysylltiadau arian, treth a budd-daliadau.