Gwefan llywodraeth y DU

Pwy gaiff hawlio

Mae'n bosibl y gallwch chi hawlio Taliad Profedigaeth os oedd eich gŵr, eich gwraig neu'ch partner sifil wedi talu eu cyfraniadau Yswiriant Gwladol neu os achoswyd eu marwolaeth gan eu swydd a naill ai:

• eich bod dan oedran Pensiwn y Wladwriaeth pan fuont farw
• bod eich gŵr, eich gwraig neu'ch partner sifil yn anghymwys i gael Budd-dal Ymddeol Categori A y wladwriaeth pan fuont farw

• Cyfrifo eich oedran Pensiwn y Wladwriaeth (adran pensiynau a chynllunio ar gyfer ymddeol)

Cyfraniadau Yswiriant Gwladol a Thaliad Profedigaeth

Pan fyddwch chi'n llenwi'r ffurflen gais, gofynnir i chi roi rhif Yswiriant Gwladol eich diweddar gŵr, gwraig neu bartner sifil a manylion eu cyflogaeth ddiweddar.

Yna, bydd y swyddfa sy'n delio â'ch cais yn gallu edrych ar eu cofnod Yswiriant Gwladol i weld a ydych chi'n gymwys i gael Taliad Profedigaeth.

• Yswiriant Gwladol (adran Prydeinwyr sy’n byw dramor)

Pwy na chaiff hawlio

Chewch chi ddim hawlio Taliad Profedigaeth:

• os oeddech chi a'ch diweddar ŵr neu wraig wedi ysgaru pan fu farw neu os oedd y bartneriaeth sifil wedi chwalu pan fu farw'r partner sifil
• os ydych chi'n byw gyda rhywun arall fel gŵr, gwraig neu bartner sifil
• os ydych chi yn y carchar

Faint fyddwch chi'n ei gael

Cyfandaliad untro, di-dreth gwerth £2,000 yw hwn.

Sut mae Taliad Profedigaeth yn cael ei dalu

Caiff pob budd-dal, pensiwn a lwfans ei dalu i mewn i gyfrif. Dyma’r ffordd fwyaf diogel, cyfleus ac effeithlon o gael ei dalu.

• Sut y telir budd-daliadau a phensiynau

Yr effaith ar fudd-daliadau eraill

Nid yw'r Taliad Profedigaeth untro hwn yn effeithio ar eich hawl i gael budd-daliadau eraill. Ond efallai bydd eich cynilion a Thaliad Profedigaeth yn gostwng y swm o fudd-daliadau prawf moddion yr ydych yn derbyn, fel:

• Cymhorthdal Incwm
• Lwfans Ceisio Gwaith yn seiliedig incwm
• Budd-dal Tai a Budd-daliadau Treth Cyngor
• Lwfans Cyflogaeth a Chymorth

• Cymhorthdal Incwm

• Lwfans Ceisio Gwaith

• Budd-dal Treth Cyngor

• Lwfans Cyflogaeth a Chymorth - cyflwyniad

Sut i wneud cais

Cewch archebu pecyn Budd-daliadau Profedigaeth (ffurflen BB1W) dros y ffôn gan eich Canolfan Byd Gwaith agosaf. Mae nodiadau gyda'r pecyn sy'n eich helpu i lenwi'r ffurflen gais.

• Cysylltu â'r Ganolfan Byd Gwaith

Lawrlwytho ffurflen gais i'w hargraffu a'i llenwi

Gallwch lawrlwytho pecyn Budd-daliadau Profedigaeth (ffurflen BB1W) oddi ar wefan yr Adran Gwaith a Phensiynau.

• Lawrlwythwch ‘Budd-daliadau Profedigaeth BB1W’ (PDF, 184K) Opens new window

• Cymorth gyda ffeiliau PDF

Unwaith i chi gwblhau’r ffurflen, anfonwch ef i’ch Canolfan Byd Gwaith mor gynted â phosib.

Gall ceisiadau ond cael eu hôl-ddyddio tri mis am Lwfans Profedigaeth a Lwfans Rhiant Gweddw ac maent yn cael eu dyddio pan fo’r swyddfa yn eu derbyn, felly os ydych yn oedi efallai byddwch yn colli budd-dal. Mae’r terfyn amser am geisiadau Taliad Profedigaeth wedi’i ymestyn i 12 mis.

Beth arall y mae angen i chi ei wybod

Bydd rhaid i chi brofi pwy ydych chi wrth wneud cais. Hefyd, bydd rhaid i chi ateb cwestiynau am eich amgylchiadau a dangos dogfennau swyddogol i brofi'r wybodaeth honno.

Mwy o ddolenni defnyddiol

• Taliadau Angladd

• Budd-daliadau Profedigaeth

• Damwain yn y gwaith - Budd-dal Anabledd Anafiadau Diwydiannol

• Deall Pensiwn ychwanegol y Wladwriaeth

• Trefnu angladd (adran llywodraeth, dinasyddion a hawliau)

Cysylltiadau defnyddiol

• Cysylltiadau arian, treth a budd-daliadau