Gwefan llywodraeth y DU

Allaf i gael Lwfans Gofalwr?

Gallech gael Lwfans Gofalwr os:

• ydych yn 16 oed neu drosodd
• ydych yn treulio o leiaf 35 awr yr wythnos yn gofalu am rywun.

Dylent fod yn cael un o'r budd-daliadau canlynol:

• Lwfans Gweini
• Lwfans Byw i'r Anabl (ar y gyfradd ganol neu uchaf ar gyfer gofal personol)
• Lwfans Gweini Cyson ar y gyfradd uchaf arferol neu uwch gyda Budd-dal Anabledd Anafiadau Diwydiannol
• Lwfans Gweini Cyson ar y gyfradd sylfaenol (diwrnod llawn) gyda Phensiwn Anabledd Rhyfel

Fodd bynnag, ni allwch gael Lwfans Gofalwr os:

• rydych mewn addysg llawn amser gyda 21 awr neu fwy’r wythnos o astudiaeth dan oruchwyliaeth - neu’n gwneud cwrs a ddisgrifir yn gwrs llawn amser gan y coleg neu’r sefydliad sy’n ei ddarparu.
• rydych yn ennill mwy na £100 yr wythnos ar ôl didyniadau penodol (fel Treth Incwm)

• Lwfans Gofalwr - cymhwysedd

• Lwfans Gweini

• Lwfans Gweini Cyson

• Lwfans Byw i'r Anabl

Faint fyddwch chi'n ei gael?

Y gyfradd wythnosol yw £58.45. Bydd y swm hwn yn lleihau yn ôl maint rhai budd-daliadau eraill rydych yn eu derbyn, yn cynnwys Pensiwn y Wladwriaeth.

Os ydych yn derbyn £58.45 neu fwy yr wythnos o fudd-daliadau penodol eraill, chewch chi ddim Lwfans Gofalwr hefyd.

• Dealltwriaeth o’r Pensiwn y Wladwriaeth sylfaenol (adran pensiynau a chynllunio ar gyfer ymddeol)

Sut i wneud cais am Lwfans Gofalwr

Gallwch ofyn am ffurflen gais dros y ffôn, drwy gysylltu â'r Uned Lwfans Gofalwr neu’ch swyddfa Canolfan Byd Gwaith leol.

Gallwch lawrlwytho’r ffurflen gais neu wneud cais ar-lein.

• Gwneud cais ar-lein - Lwfans Gofalwr Opens new window

• Lwfans Gofalwr – sut i wneud cais

Sut mae Lwfans Gofalwr yn cael ei dalu

Caiff pob budd-dal, pensiwn a lwfans ei dalu i mewn i gyfrif. Dyma’r ffordd fwyaf diogel, cyfleus ac effeithlon o gael ei dalu.

• Sut y telir budd-daliadau a phensiynau

Yr effaith ar fudd-daliadau a hawliadau eraill

Os byddwch yn cael Lwfans Gofalwr gall effeithio ar y canlynol ar eich cyfer chi neu’r person rydych chi'n gofalu amdano/i:

• budd-daliadau
• lwfansau
• pensiynau
• hawliadau

• Lwfans Gofalwr - yr effaith ar fudd-daliadau a hawliadau eraill

Newidiadau mewn amgylchiadau – i chi neu’r person rydych chi’n gofalu amdano/i

Gall newidiadau i’ch amgylchiadau – ac amgylchiadau’r person rydych chi’n gofalu amdano/i – effeithio ar eich hawl i gael y Lwfans Gofalwr, neu’r swm a gewch.

Er enghraifft, newidiadau i’ch incwm neu gyflogaeth, os byddwch chi’n mynd i fyd addysg amser llawn neu’n cymryd hoe o’ch gwaith gofalu.

• Lwfans Gofalwr – newid mewn amgylchiadau

Beth arall ddylech ei wybod

Os ydych yn derbyn Lwfans Gofalwr ac yn symud i fyw i wlad arall yn yr Ardal Economaidd Ewropeaidd neu’r Swistir, mae’n bosib y byddwch yn parhau i’w dderbyn o dan amgylchiadau penodol. Dilynwch y ddolen isod i gael gwybod mwy

• Cymryd budd-daliadau anabledd i wledydd eraill yn Ewrop

Os ydych eisoes yn byw mewn gwlad arall yn yr Ardal Economaidd Ewropeaidd neu’r Swistir, mae’n bosib y byddwch yn gallu hawlio Lwfans Byw i’r Anabl (elfen gofal yn unig) o dan amgylchiadau penodol. Dilynwch y ddolen isod i gael gwybod mwy.

• Hawlio budd-daliadau anabledd os ydych yn byw mewn gwlad arall yn Ewrop

Gwneud cwyn ynghylch y Gwasanaeth Anabledd a Gofalwyr

Mae’r Gwasanaeth Anabledd a Gofalwyr yn rhan o’r Adran Gwaith a Phensiynau ac yn rhoi cymorth ariannol i bobl anabl a gofalwyr. Mae’n delio â cheisiadau am Lwfans Gofalwr a llawer o fudd-daliadau anabledd.

Os ydych yn anhapus â’r gwasanaeth rydych yn ei gael gan y Gwasanaeth Anabledd a Gofalwyr, gallwch wneud cwyn.

• Gwneud cwyn ynghylch y Gwasanaeth Anabledd a Gofalwyr (adran pobl anabl)

Mwy o ddolenni defnyddiol

• Gofalu a’ch pensiwn (adran gofalu am rywun)

• Canllaw cymorth ariannol ar gyfer gofalwyr (adran gofalu am rywun)

• Gwybodaeth am Daliad Annibyniaeth Bersonol