Gwefan llywodraeth y DU

Faint o dreth y byddwch yn ei thalu ar incwm eich pensiwn?

Bydd faint o dreth - os o gwbl - y byddwch yn ei thalu ar incwm eich pensiwn yn dibynnu ar gyfanswm yr incwm trethadwy sydd gennych.

Gallai eich incwm trethadwy gynnwys:

• Pensiwn y Wladwriaeth
• incwm o bensiwn personol, pensiwn cwmni, pensiwn cyfranddeiliaid ac/neu flwydd-dal ymddeol
• unrhyw Fudd-daliadau'r Wladwriaeth sy'n drethadwy y gallech fod yn gymwys i'w cael
• cynilion neu fuddsoddiadau
• incwm o swydd os ydych yn gweithio ar ôl oed Pensiwn y Wladwriaeth

Os yw'ch incwm trethadwy yn uwch na'ch lwfansau treth byddwch yn talu treth ar rywfaint neu ar y cyfan o incwm eich pensiwn. Os yw'ch incwm trethadwy yn hafal i'ch lwfansau neu'n llai na hwy ni fyddwch yn talu dim treth ar incwm eich pensiwn.

• Incwm trethadwy ac incwm anhrethadwy yn fras

• A oes rhaid i chi dalu treth ar ôl ymddeol? (adran pensiynau a chynllunio ar gyfer ymddeol)

• Treth Incwm - y pethau pwysig

Sut mae talu treth ar bensiynau cwmni a phensiynau personol, gan gynnwys blwydd-daliadau ymddeol

Telir yr incwm o bob math o'r cynlluniau pensiwn hyn gan ddarparwr y pensiwn neu'r blwydd-dal. Bydd y dreth eisoes wedi'i thynnu drwy'r System Talu Wrth Ennill.

Bydd Cyllid a Thollau EM yn anfon eich cod treth at y darparwr yn dweud wrthynt faint o dreth i'w thynnu (gan gynnwys unrhyw dreth y mae angen ei thalu ar Bensiwn y Wladwriaeth), gan ystyried eich lwfansau treth (gweler y ddolen isod).

Ar ddiwedd y flwyddyn dreth cewch ffurflen P60 sy'n dangos eich pensiwn a faint o dreth a dynnwyd. Cadwch hon rhag ofn y bydd yn rhaid i chi lenwi ffurflen dreth neu angen hawlio treth yn ôl. Dilynwch y dolenni isod i ddeall mwy.

• Pensiynau, budd-daliadau'r wladwriaeth a'ch cod treth

• Hawlio treth neu Yswiriant Gwladol yn ôl ar ôl cyrraedd oedran Pensiwn y Wladwriaeth (adran pensiynau a chynllunio ar gyfer ymddeol)

• Lwfansau ar sail oed a lwfansau treth eraill Opens new window

Treth ar incwm o flwydd-daliadau ymddeol cyn 6 Ebrill 2007

Cyn 6 Ebrill 2007 ni thalwyd blwydd-daliadau ymddeol drwy Dalu Wrth Ennill. Yn hytrach roeddynt yn cael eu talu â 22 y cant o dreth wedi’i didynnu. eich bod wedi gwneud hawliad i dderbyn y taliad ‘gros’ (heb y dreth wedi’i didynnu) oherwydd bod lefel eich incwm yn golygu nid oedd rhaid i chi dalu treth.

Dilynwch y ddolen isod i wirio p’un ai a eich bod yn gymwys i hawlio treth yn ôl os ydych wedi talu treth y ffordd hon yn ddiangen.

• Treth ar flwydd-daliadau ymddeol

Sut y trethir eich pensiynau os ydych yn ymddeol dramor?

Bydd yn rhaid talu treth ar eich pensiynau o'r DU ac ar eich Pensiwn gan y Wladwriaeth yn y DU o hyd onid oes 'cytundeb trethiant dwbl' (ar gyfer pensiynau) gyda'r wlad yr ydych wedi penderfynu byw ynddi. Os oes cytundeb, byddwch fel arfer yn talu treth yn y wlad honno.

Os ydych yn cael pensiwn am wasanaeth cyhoeddus – megis pensiwn athro, nyrs, gwasanaeth sifil neu'r lluoedd arfog efallai - bydd yn cael ei drethu fel arfer yn y DU. Bydd yn rhaid i chi lenwi ffurflen dreth Hunanasesu i hawlio eich lwfansau di-dreth personol.

• Treth wrth ymddeol dramor neu yn ôl yn y DU Opens new window

• Treth wrth adael y DU Opens new window

• Cael gwybod mwy am ymddeol dramor gan y Grŵp Diwygio Trethi Incymau Isel Opens new window

• Llenwi ffurflen dreth os ydych chi’n byw neu’n gweithio y tu allan i’r DU Opens new window

• Preswylio Opens new window

Treth ar bensiynau tramor

Os ydych yn cael pensiwn gan wlad dramor a chithau'n byw yn y DU bydd rheolau treth y DU yn berthnasol iddo. Bydd faint o dreth y byddwch yn ei thalu ar incwm tramor yn dibynnu ar p'un ai a ydych yn 'preswylio', yn 'preswylio'n arferol' ynteu â'ch 'domisil' yn y DU. Darllenwch yr erthyglau cysylltiedig isod i gael gwybod mwy.

• Treth ar incwm tramor

• Treth wrth ymddeol dramor neu yn ôl yn y DU Opens new window

Mwy o ddolenni defnyddiol

• Gwasanaeth Olrhain Pensiynau - olrhain cynllun pensiwn personol neu gynllun pensiwn cwmni

• Llenwi ffurflen dreth os ydych chi’n byw neu’n gweithio y tu allan i’r DU Opens new window

• Preswylio Opens new window

Cysylltiadau defnyddiol

• Canolfan Bensiwn Rhyngwladol

• Cysylltu â Chyllid a Thollau EM – ymholiadau Treth Incwm ar gyfer unigolion, pensiynwyr a gweithwyr Opens new window