Gwefan llywodraeth y DU

Sut mae newidiadau mewn incwm yn effeithio ar eich credydau treth

Os yw'ch incwm yn y flwyddyn dreth gyfredol yn wahanol i'ch incwm yn y flwyddyn flaenorol, mae'n bosib y bydd faint o gredydau treth a gewch chi’n newid. Os bydd eich incwm yn newid mewn unrhyw un o'r ffyrdd canlynol, bydd angen i chi roi gwybod i’r Swyddfa Credyd Treth. Mae blwyddyn dreth yn dechrau ar 6 Ebrill ac yn dod i ben ar 5 Ebrill yn y flwyddyn ganlynol.

Os bydd eich incwm yn gostwng £2,500 neu lai yn y flwyddyn dreth gyfredol

Os yw pob un o'ch amgylchiadau eraill yn aros yr un fath, ni fydd eich taliadau’n newid ar gyfer y flwyddyn dreth gyfredol.

Ond mae’n well dweud wrth y Swyddfa Credyd Treth yn syth pan fyddwch yn gwybod y bydd eich incwm yn is. Y rheswm am hyn yw oherwydd byddant yn defnyddio ffigur eich incwm newydd i weithio allan faint i'w dalu i chi y flwyddyn ganlynol.

Os bydd eich incwm yn gostwng mwy na £2,500 yn y flwyddyn dreth gyfredol

Efallai y bydd eich taliadau credydau treth yn codi.

Os bydd eich incwm yn cynyddu £10,000 neu lai yn y flwyddyn dreth gyfredol

Efallai ni fydd hyn yn gwneud unrhyw wahaniaeth i’r swm o gredydau treth yr ydych yn derbyn am y flwyddyn dreth gyfredol. Ond mae’n well dweud wrth y Swyddfa Credyd Treth yn syth pan fyddwch yn gwybod y bydd eich incwm yn uwch. Os na fyddwch yn gwneud hyn, mae’n bosib y byddwch yn cael eich talu gormod (a elwir yn 'ordaliad') pan fyddant yn cyfrifo beth i dalu i chi am y flwyddyn ganlynol.

Os bydd eich incwm yn cynyddu mwy na £10,000 yn y flwyddyn dreth gyfredol

Efallai y bydd eich taliadau credydau treth yn gostwng.

• Cael gwybod sut i gyfrifo incwm neu oriau gwaith

Pryd ddylech chi roi gwybod i’r Swyddfa Credyd Treth am newid mewn incwm

Beth sy’n digwydd os na fyddwch chi'n rhoi gwybod am newid mewn incwm?

Os bydd eich incwm yn lleihau mwy na £2,500 a chithau ddim yn rhoi gwybod i'r Swyddfa Credyd Treth, efallai na chewch chi'r holl gredydau treth y mae gennych hawl iddynt.

Os bydd eich incwm yn cynyddu £10,000 neu lai, ni fydd eich credydau treth yn newid tan y flwyddyn dreth ganlynol. Ond bydd hyn ar yr amod bod eich holl amgylchiadau eraill yn aros yr un fath. Mae’n syniad da i chi roi gwybod i’r Swyddfa Credyd Treth ar unwaith beth yw eich incwm newydd. Golyga hyn y bydd y swm ganddynt pan fyddant yn cyfrifo faint y dylent ei dalu i chi ar gyfer y flwyddyn ganlynol. Gallai eich arbed rhag cronni gordaliad y bydd yn rhaid i chi ei dalu’n ôl.

Os bydd eich incwm yn cynyddu mwy na £10,000 a chithau ddim yn rhoi gwybod am hyn, efallai y cewch chi ormod o gredydau treth (gordaliad). Bydd yn rhaid i chi dalu beth na ddylech fod wedi ei gael yn ôl.

Sut i roi gwybod am newidiadau

Gallwch roi gwybod am newid drwy ffonio’r Llinell Gymorth neu ysgrifennu at y Swyddfa Credyd Treth.

Ni allwch anfon e-bost neu roi gwybod am newidiadau ar-lein ar gyfer credydau treth.

Mwy o ddolenni defnyddiol

• Credydau treth: newidiadau y mae angen i chi roi gwybod amdanynt, a phryd y mae angen i chi wneud hynny

• Diogelu eich hawl i gael credydau treth drwy hawlio'n gynnar

• Gwybodaeth am gredydau treth os ydych yn rhoi'r gorau i gael budd-daliadau

• Sut y cyfrifir eich credydau treth

• Ad-dalu credydau treth a ordalwyd

• Rhoi'r gorau i gredydau treth

Cysylltiadau defnyddiol

• Llinell Gymorth Credyd Treth – manylion cyswllt