Gwefan llywodraeth y DU

Graddau baglor: BA, BSc, MB a mwy

Mae gradd baglor (a elwir weithiau'n radd 'gyffredin' neu'n radd 'gyntaf') yn gwrs o astudiaeth academaidd sy'n arwain at gymhwyster megis baglor yn y celfyddydau (BA), baglor yn y gwyddorau (BSc), neu faglor mewn meddygaeth (MB).

Fel arfer, bydd yn cymryd tair neu bedair blynedd i'w chwblhau ar sail amser llawn (pedair blynedd fel arfer os ydych yn dilyn rhyng-gwrs, sy'n cynnwys blwyddyn mewn diwydiant neu dramor). Gall graddau baglor mewn rhai pynciau gymryd mwy o amser; er enghraifft, fel arfer bydd cyrsiau meddygol yn cymryd pump neu chwech o flynyddoedd. Gallwch hefyd astudio ar gyfer gradd baglor ar sail ran-amser neu drwy ddilyn cynllun dysgu hyblyg.

Mae'r cymhwyster wedi'i gynllunio i roi dealltwriaeth drwyadl o bwnc i chi. Mae'n eich helpu i ddatblygu eich sgiliau dadansoddi, eich sgiliau deallusol a'ch sgiliau ysgrifennu traethodau neu draethodau estynedig. Bydd gennych hefyd lawer mwy o gyfraniad o ran cyfeiriad eich dysgu nag a gawsoch o'r blaen.

Mae graddau baglor ar lefelau 'canolradd' ac 'anrhydedd' y Fframwaith Cymwysterau Addysg Uwch. Mae'r fframwaith yn dangos sut mae'r gwahanol gymwysterau addysg uwch yn cymharu o ran y gofynion a roddir ar ddysgwyr.

• Cymwysterau: beth yw ystyr y gwahanol lefelau

Beth y gallwch chi ei astudio

Mae nifer helaeth o wahanol gyrsiau gradd baglor i ddewis ohonynt.

Mae rhai pynciau fel meddygaeth, y gyfraith a phensaernïaeth yn eich paratoi ar gyfer gyrfa benodol. Gall eraill, fel Saesneg neu hanes, roi sgiliau i chi ar gyfer amrywiaeth eang o swyddi.

• Tariff UCAS Opens new window

• Dod o hyd i gwrs ar wefan UCAS Opens new window

• Prosbectws a diwrnodau agored prifysgolion

Sut cewch chi eich asesu

Bydd gwahanol gyrsiau'n eich asesu mewn gwahanol ffyrdd. Yn gyffredinol, mae graddau baglor yn cynnwys cymysgedd o arholiadau a gwaith cwrs. Bydd rhai'n gofyn i chi gynhyrchu traethawd estynedig ysgrifenedig ar ddiwedd y cwrs.

Ymhle a phryd y cewch ddilyn y cyrsiau

Mae cyrsiau gradd baglor yn dechrau drwy gydol y flwyddyn, ond mae'r rhan fwyaf yn dechrau ym mis Medi neu Hydref. Edrychwch ar brosbectysau unigol i ganfod dyddiadau dechrau cyrsiau penodol.

Cewch astudio am radd baglor mewn prifysgolion, mewn colegau addysg uwch a thrwy ddysgu o bell.

• Prosbectws a diwrnodau agored prifysgolion

• Ble i fynd, beth i'w astudio

Ble gallant eich arwain

Mae'r rhan fwyaf o raddedigion yn defnyddio eu gradd baglor i symud i swydd neu broffesiwn. Gallech hefyd ddefnyddio'r cymhwyster i fynd ar gwrs ôl-radd mewn addysg uwch, megis diploma neu radd meistr.

• Dewisiadau ar ôl graddio

Sut i wneud cais a chael gwybod mwy

I ddysgu mwy am gyrsiau gradd baglor, gan gynnwys sut i wneud cais, gweler yr adran 'Prifysgolion ac addysg uwch'.

• Prifysgol ac addysg uwch

Mwy o ddolenni defnyddiol

• Gweld rhestr o gymwysterau addysg uwch Opens new window