Gwefan llywodraeth y DU

Prosbectysau

Mae prosbectws prifysgol neu goleg yn rhoi gwybodaeth am gwrs neu sefydliad penodol, gwybodaeth am gyfleusterau, ffioedd hyfforddi, ysgoloriaethau, cyrsiau, llety, gwasanaethau cefnogi a mwy.

Gan amlaf, bydd prifysgolion a cholegau'n cyhoeddi dau brosbectws bob blwyddyn:

• prosbectws i israddedigion, ar gyfer myfyrwyr a fydd yn dilyn eu cymhwyster addysg uwch cyntaf, megis gradd baglor neu Radd Sylfaen
• prosbectws i ôl-raddedigion, sef i fyfyrwyr sydd eisoes wedi cael gradd ac sy'n dymuno gwneud gradd uwch neu gwrs ôl-radd arall

Gallwch gael gafael ar brosbectysau drwy gysylltu â’r prifysgolion a cholegau y mae gennych ddiddordeb ynddynt.

Mewn ambell brifysgol a choleg, fe gewch chi hefyd 'brosbectws amgen' wedi'i ysgrifennu gan fyfyrwyr sy’n rhoi safbwynt myfyriwr i chi ar gyrsiau, cyfleusterau a bywyd myfyrwyr.

• Archebu prosbectysau ar-lein Opens new window

Digwyddiadau addysg uwch

Yn ystod blwyddyn gyntaf y chweched dosbarth, neu Flwyddyn 12, mae'n syniad da i chi fynd i ffair neu ddigwyddiad addysg uwch i gael gwybodaeth am y prifysgolion a’r colegau addysg uwch y mae gennych ddiddordeb ynddynt.

Ar stondinau'r arddangosfeydd, gallwch godi prosbectws a chael atebion i'ch cwestiynau – am bopeth o'r gofynion mynediad i gostau llety. Gallwch hefyd gael cyfarwyddyd am yrfa a gwybodaeth am gyllid myfyrwyr.

Cynhelir digwyddiadau addysg uwch mewn dinasoedd ar draws y DU. Ceir mynediad am ddim i’r digwyddiadau, ond efallai y bydd angen i chi gadw lle ymlaen llaw. Ar wahân i stondinau arddangos, mae'n bosib hefyd y rhoddir seminarau am bynciau megis y broses ymgeisio, blynyddoedd bwlch a chyllid myfyrwyr.

• Cael manylion am ddigwyddiadau addysg uwch yn eich ardal chi Opens new window

Diwrnodau agored

Fel arfer, cynhelir diwrnodau agored yn y gwanwyn neu yn yr hydref - pan fyddwch o bosib yn cael cynnig lle gan sawl prifysgol, ond cyn i chi wneud eich penderfyniad terfynol.

Er y gall darllen llenyddiaeth y brifysgol neu’r coleg roi syniad i chi o’r math o le ydyw, does dim byd tebyg i weld y lle drosoch eich hun. Mae diwrnod agored yn rhoi cyfle i chi edrych ar y safle, gweld y llety a chael sgwrs â'r staff. Mae llawer o fyfyrwyr yn dweud mai ymweld â'r lle ar ddiwrnod agored a'u helpodd i benderfynu ar eu dewis cyntaf.

Mae'n bosib y gallwch gofrestru a threfnu lle drwy wefan y brifysgol neu’r coleg. Os nad yw dyddiadau'r diwrnodau agored yn gyfleus i chi, mae'n bosib y gallwch drefnu i fynd ar daith dywys yn lle hynny, neu ymweld yn anffurfiol ar eich liwt eich hun.

I gael golwg manylach ar gwrs penodol, mae'n bosib y gallwch hyd yn oed gysgodi myfyriwr, lle byddwch yn treulio diwrnod gydag un o'r myfyrwyr sydd yno’n barod.

• Cael gwybod am ddiwrnodau agored ac archebu lle Opens new window

Mwy o ddolenni defnyddiol

• Sut beth yw addysg uwch mewn gwirionedd?