Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Addysg a dysgu - Nodwch, os gwelwch yn dda, na ddiweddarir yr adran hon bellach

Cael ffeithiau a ffigurau ar Brifysgolion, colegau a chyrsiau

Cyn gwneud penderfyniad terfynol am eich cais, mae’n werth edrych ar wybodaeth am brifysgolion, colegau a chyrsiau gan ffynonellau annibynnol a gwrthrychol. Mae’r rhain yn cynnwys gwefan Unistats ac adroddiadau’r Asiantaeth Sicrhau Ansawdd Addysg Uwch (QAA).

Cymharu cyrsiau: Unistats

Efallai na fydd y cwrs ‘gorau’ ar gyfer un myfyriwr y cwrs ‘gorau’ o anghenraid i fyfyriwr arall: mae blaenoriaethau pobl yn wahanol. Ond gallwch ddefnyddio gwefan Unistats i gymharu ffeithiau a ffigurau sefydliadau a chyrsiau. Fe welwch chi wybodaeth am y pethau hyn:

cwblhau cyrsiau
cyrhaeddiad myfyrwyr
cyflogaeth graddedigion
poblogaeth myfyrwyr (gan gynnwys canrannau myfyrwyr hŷn, myfyrwyr rhan-amser a myfyrwyr o dramor)
cymwysterau myfyrwyr pan gânt eu derbyn

Fe welwch hefyd fanylion am farn myfyrwyr ar ansawdd dysgu, cefnogaeth academaidd a mwy yn yr Arolwg Myfyrwyr Cenedlaethol.

Nid oes unrhyw dablau swyddogol yn y DU ar gyfer prifysgolion a cholegau, er y bydd nifer o bapurau newydd yn cynhyrchu eu tablau answyddogol eu hunain.

Unistats – cymharu prifysgolion a cholegau yn y DU Opens new window

Edrych ar ansawdd cyrsiau

Mae prifysgolion a cholegau’n gyfrifol am safonau ac ansawdd y cyrsiau a gynigant. Sicrhau ansawdd mewnol yw hyn. Fodd bynnag, bydd y QAA hefyd yn mynd ati i edrych pa mor dda mae sefydliadau'n cynnal y safonau hyn, gan sicrhau ansawdd yn allanol. Mae’r QAA yn llunio adolygiadau ac adroddiadau sy'n nodi arferion da ac yn argymell camau gweithredu. Mae hefyd yn darparu arweiniad ar ba mor ddibynadwy yw’r wybodaeth am safonau ac ansawdd a gyhoeddir gan bob prifysgol neu goleg.

Dod o hyd i adroddiad gan yr Asiantaeth Sicrhau Ansawdd Addysg Uwch Opens new window

Achrediad cyrsiau gan gyrff proffesiynol

Bydd rhai proffesiynau'n cymeradwyo neu'n achredu cyrsiau sy'n berthnasol i'w maes. Os ydych chi'n gobeithio dilyn gyrfa mewn maes penodol, holwch a yw eich cwrs chi'n un o'r rhai a gymeradwywyd gan y corff proffesiynol perthnasol. Dylai pob sefydliad allu rhoi'r wybodaeth hon i chi.

Ffynonellau eraill sy’n rhoi gwybodaeth am brifysgolion, colegau a chyrsiau

Mae dewis lle i fynd a beth i'w astudio'n benderfyniad pwysig, felly mae'n werth casglu cymaint o wybodaeth ag y gallwch. Defnyddiwch y ddolen isod i gael manylion am fwy o ffynonellau gwybodaeth.