Gwefan llywodraeth y DU

Beth ydyn nhw

Gyda rhai cymwysterau addysg uwch, mae'n ofynnol bod gennych radd baglor yn barod. Gelwir y rhain yn gymwysterau 'ôl-radd'.

Yn gyffredinol, maent yn arwain at bedwar prif fath o gymhwyster ôl-radd:

• tystysgrifau ôl-radd
• diplomâu ôl-radd
• graddau meistr
• doethuriaethau

Bydd y rhan fwyaf o gymwysterau ôl-radd yn cynnwys elfennau sy'n cael eu dysgu ac elfennau ymchwil.

Mae cymwysterau ôl-radd ar y lefelau 'meistr' a 'doethur' yn y Fframwaith Cymwysterau Addysg Uwch. Mae'r fframwaith yn dangos sut mae'r gwahanol gymwysterau addysg uwch yn cymharu o ran y gofynion a roddir ar ddysgwyr.

• Cymwysterau: beth yw ystyr y gwahanol lefelau

Pwy all eu dilyn

Fel arfer, i astudio ar gyfer cymhwyster ôl-radd, bydd angen i chi gael gradd baglor ail-isaf (2:2) neu uwch. I gael gwybod beth yw'r gofynion mynediad ar gyfer cwrs ôl-radd penodol, gallwch chwilio am gyrsiau ar-lein ar Cross & Stitch.

• Graddau baglor

• Dod o hyd i gwrs

Tystysgrifau a diplomâu ôl-radd

Gall diplomâu ôl-radd a thystysgrifau ôl-radd fod yn gymwysterau academaidd neu'n gymwysterau galwedigaethol. Byddant fel arfer yn cymryd 9 i 12 mis i'w cwblhau'n llawn. Bydd faint o ddarlithoedd a seminarau y byddwch yn eu mynychu, a faint o brosiectau a phapurau ymchwil y bydd angen i chi eu cynhyrchu, yn amrywio, gan ddibynnu ar y math o gwrs y byddwch yn ei ddilyn, ac ar y coleg neu'r brifysgol y byddwch yn eu mynychu.

Graddau meistr

Cymhwyster yn dilyn astudiaeth academaidd yw gradd meistr. Gall fod yn radd ar sail ymchwil, yn gwrs sy'n cael ei ddysgu, neu'n gyfuniad o'r ddau, a bydd yn cymryd o leiaf 12 mis o astudio'n llawn-amser i'w gwblhau.

Bydd nifer y darlithoedd, y seminarau, y prosiectau a'r papurau ymchwil yn amrywio, yn dibynnu ar y math o gwrs ac ar y sefydliad.

Efallai y bydd yn rhaid i chi hefyd gyflwyno traethawd estynedig ar ddiwedd eich cwrs.

Doethuriaethau

Bydd cymhwyster doethuriaeth yn rhoi cyfle i chi gyflawni darn o waith ymchwil gwreiddiol. Fel arfer, bydd angen tair blynedd o astudiaeth amser llawn i'w gwblhau.

Drwy gydol eich cwrs, disgwylir i chi weithio'n annibynnol, dan arweiniad goruchwylydd. Bydd y goruchwylydd yn eich cynghori ynghylch a yw'ch ymchwil ar ben ffordd ac yn rhoi gwybod i chi pryd y bydd angen i chi gwblhau rhannau o'ch gwaith.

Rhwng blwyddyn gyntaf a thrydedd blwyddyn eich doethuriaeth, byddwch yn ymchwilio i'r pwnc o'ch dewis ac yn cynllunio'ch traethawd estynedig.

Yn eich blwyddyn derfynol y byddwch yn ysgrifennu'ch traethawd estynedig fel arfer.

Mae llawer o gyrsiau doethuriaeth yn arwain at gymhwyster fel Doethur Mewn Athroniaeth - PhD neu Dphil.

Graddau

Gyda doethuriaeth, bydd rhywun naill ai'n pasio neu'n methu; mewn achosion prin rhoddir rhagoriaeth.

Pwy sy'n eu cynnig

Mae cymwysterau doethuriaeth yn cael eu cynnig gan brifysgolion sy'n cynnig cyfleoedd ymchwil.

Cael gwybod mwy

I gael gwybod mwy am ennill cymhwyster ôl-radd, cysylltwch â phrifysgolion a cholegau, new ewch i'w gwefannau. Bydd eu prosbectysau yn rhestru cyrsiau a ddysgir a chyfleoedd ymchwil.

Bydd rhai colegau'n cynnal diwrnod agored i ôl-raddedigion, sy'n gyfle i chi gwrdd â'ch darpar diwtoriaid neu oruchwylwyr.

Gellir cael gwybodaeth am yrfaoedd ym maes ymchwil ac am gyllid ar wefan Cyfleoedd Addysg Uwch ac Ymchwil (HERO).

• Prosbectws a diwrnodau agored prifysgolion

• Gwybodaeth am yrfaoedd ym maes ymchwil ac am nawdd Opens new window

Chwilio am gyrsiau ar Cross & Stitch

Gallwch chwilio am gyrsiau ôl-radd ar-lein ar Cross & Stitch drwy ddilyn y ddolen isod.

• Dod o hyd i gwrs

Mwy o ddolenni defnyddiol

• Gwefan Prospects - chwilio am gwrs ôl-radd Opens new window

• Gweld rhestr o gymwysterau addysg uwch Opens new window