Gwefan llywodraeth y DU

Tymheredd yn codi

Yr 1990au oedd y degawd cynhesaf yng nghanol Lloegr ers dechrau cadw cofnodion yn yr 1660au. Erbyn hyn ceir mwy o gyfnodau o dywydd poeth yn ystod yr haf, a llai o rew yn y gaeaf.

Dros y byd dros y ganrif ddiwethaf, mae tymheredd cyfartalog yr atmosffer ger wyneb y ddaear wedi codi 0.74 gradd Celsius. Cofnodwyd unarddeg o'r 12 blwyddyn boethaf erioed rhwng 1995 a 2006.

Y consensws gwyddonol yw y gall tymheredd y byd godi rhwng 1.1 a 6.4 gradd yn uwch na lefelau 1980-1999 erbyn diwedd yr 21ain ganrif. Mae faint yn union y bydd yn codi yn dibynnu ar lefelau allyriadau nwyon tŷ gwydr yn y dyfodol.

• Defnyddio'r map i weld effeithiau newid yn yr hinsawdd yn eich rhanbarth Opens new window

• Y blynyddoedd poethaf yn y DU a ledled y byd Opens new window

• Sut mae'r hinsawdd fyd-eang yn newid Opens new window

Newidiadau yn lefelau a thymheredd y môr

Mae dyfroedd arfordirol y DU wedi cynhesu tua 0.7 gradd Celsius dros y tri degawd diwethaf. Hefyd, mae lefel gyfartalog y môr o amgylch y DU bellach tua 10 cm yn uwch nag ydoedd yn 1900.

Gall lefel y môr godi o 18 i 59 cm dros y byd erbyn diwedd y ganrif. Os bydd lefel y môr yn codi gall foddi ynysoedd bach, isel a rhoi miliynau o bobl mewn ardaloedd isel mewn perygl o gael llifogydd.

Gallwch ddefnyddio Google Earth i weld sut y gallai newid yn yr hinsawdd effeithio ar dymheredd ac ar gapiau iâ dros y ganrif nesaf. Mae Google Earth hefyd yn gadael i chi weld silffoedd iâ'r Antartig a gollwyd dros y 70 mlynedd diwethaf.

• Sut y gallai'r hinsawdd effeithio ar y blaned - Google Earth Opens new window

Tywydd eithafol

Ers dechrau cadw cofnodion glaw yn 1766, mae mwy a mwy o law yn disgyn yn y gaeaf yng Nghymru a Lloegr. Dros y 45 mlynedd diwethaf mae'r glaw yn drymach hefyd; yn 2000, mewn rhai ardaloedd cafwyd yr achosion gwaethaf o lifogydd yn y DU ers 270 o flynyddoedd. Mae difrod yn sgil llifogydd bellach yn costio oddeutu £1 biliwn i Brydain bob blwyddyn.

Mae newid yn yr hinsawdd ledled y byd yn golygu y bydd tywydd eithafol, fel llifogydd, sychder a stormydd trofannol, yn digwydd yn amlach a byddant yn fwy peryglus.

• Llifogydd yn eich ardal (adran cartref a chymuned)

• Download 'Mae'r hinsawdd yn newid' gan Asiantaeth yr Amgylchedd (PDF, 974K)

• Cymorth gyda ffeiliau PDF

Planhigion ac anifeiliaid

Ceir newidiadau eisoes i'r ffordd y mae planhigion ac anifeiliaid yn byw yn y wlad hon. Mae'r cyfnod rhwng y gwanwyn a'r hydref pan fydd planhigion yn tyfu bellach dros fis yn hirach yng nghanol Lloegr nag yr oedd yn 1900.

Bydd mwy o newidiadau i faint o law sy'n disgyn ac i'r tymheredd yn effeithio ar lawer o anifeiliaid a phlanhigion ledled y byd. Efallai na fydd rhai rhywogaethau'n gallu addasu'n ddigon cyflym, ac mae'n bosib na fydd cynefinoedd ar gael iddynt. Os bydd tymheredd y byd yn codi dwy radd Celsius, bydd mwy o berygl i 30 y cant o bob rhywogaeth sy'n byw ar y tir ddiflannu.

• Bygythiad newid yn yr hinsawdd i anifeiliaid a phlanhigion Opens new window

• Effaith newid yn yr hinsawdd ar fywyd gwyllt Opens new window

Cost newid yn yr hinsawdd

Mae Cymdeithas Yswirwyr Prydain yn amcangyfrif y bydd aelwydydd y DU yn talu hyd at bedwar y cant yn ychwanegol bob blwyddyn o ganlyniad i dywydd eithafol.

Disgwylir i gostau newid yn yr hinsawdd fod yn aruthrol, fel y nodwyd yn glir yn adroddiad Stern ar economeg newid yn yr hinsawdd. Mae'r adroddiad yn amcangyfrif y gallai peidio â gweithredu gostio rhwng pump ac 20 y cant o wariant byd-eang (GDP) bob blwyddyn, yn awr ac yn y dyfodol. O'i gymharu, oddeutu un y cant o GDP y byd bob blwyddyn fyddai cost lleihau allyriadau er mwyn osgoi effeithiau gwaethaf newid yn yr hinsawdd.

• Darllen yr Adroddiad Stern gan Drysorlys EM Opens new window

Bwyd a dŵr

Wrth i dymereddau gynyddu a phatrymau glaw newid, disgwylir i gynnyrch cnydau leihau yn sylweddol yn Affrica, y Dwyrain Canol ac India.

Bydd yn anos rhagweld faint o ddŵr fydd ar gael ar gyfer dyfrio ac ar gyfer yfed oherwydd bydd lefel y glaw yn fwy amrywiol. Wrth i lefel y môr godi, mae hefyd yn bosib y bydd yr halen yn llygru cyflenwadau dŵr ffres o dan y ddaear mewn ardaloedd arfordirol. Disgwylir y ceir cyfnodau o sychder yn amlach. Erbyn 2080, gallai hyd at dri biliwn o bobl wynebu prinder dŵr.

Clefyd

Wrth i dymereddau godi, bydd afiechydon fel malaria, afiechyd Nîl y Gorllewin, twymyn deng a dallineb afon yn symud i wahanol ardaloedd. Rhagwelir y gallai 290 miliwn ychwanegol o bobl fod mewn cyswllt â malaria erbyn y 2080au.

• Effeithiau newid yn yr hinsawdd ar iechyd Opens new window

Fforestydd glaw

Mae'n bosib y caiff ardaloedd eang o fforestydd glaw Brasil a chanol Affrica eu colli os bydd newid yn yr hinsawdd yn arwain at lawer llai o law yn yr ardaloedd hyn. Byddai hyn yn ychwanegol at y fforestydd sydd eisoes yn cael eu torri er mwyn clirio'r tir ar gyfer amaethyddiaeth. Mae'r fforestydd hyn yn amsugno llawer o garbon deuocsid a fyddai'n cael ei ryddhau i'r atmosffer fel arall.

• Sut y mae fforestydd glaw a newid yn yr hinsawdd yn effeithio ar ei gilydd Opens new window

Beth allwch chi ei wneud

Mae heriau o'n blaen, ond rydym eisoes yn gwneud cynnydd. Mae gweithredu gan unigolion eisoes wedi helpu'r DU i gyrraedd ei thargedau ar gyfer lleihau allyriadau erbyn 2010. Gallwch helpu i ddylanwadu ar effeithiau newid yn yr hinsawdd yn y dyfodol drwy wneud pethau syml a chyflym fel newid eich bylbiau golau neu beidio â gadael eich peiriannau yn y modd segur.

• Byw'n wyrdd: canllaw cyflym i beth allwch chi ei wneud

• Datblygiad gyda materion amgylcheddol

Mwy o ddolenni defnyddiol

• Gwyddoniaeth newid yn yr hinsawdd – y Cenhedloedd Unedig Opens new window

• Effeithiau byd-eang newid yn yr hinsawdd – yr Ymddiriedolaeth Arbed Ynni Opens new window

• Edrych ar y ffilm newid yn yr hinsawdd 'Fy CO2'

• Gweld sut y mae newid yn yr hinsawdd yn effeithio ar un ffermwr – ffilm fer Opens new window

• Adysgrif o ffilm fer am un ffermwr a newid yn yr hinsawdd