Gwefan llywodraeth y DU

Prynu car mwy gwyrdd

Mae ceir mwy effeithlon yn defnyddio llai o danwydd ac yn golygu talu llai am eich treth ffordd, gan arbed arian i chi. Maent hefyd yn cynhyrchu llai o allyriadau.

• Dod o hyd i gar sy’n defnyddio tanwydd yn effeithlon Opens new window

Cronfa Ddata Tanwydd Ceir
Yma gallwch chwilio am gar yn ôl defnydd o danwydd, band treth, costau rhedeg a model neu wneuthuriad car. Mae'r canlyniadau yn dangos costau defnyddio tanwydd, allyriadau CO2 a'r dreth ffordd y bydd angen ei thalu.

• Cronfa ddata tanwydd ceir Opens new window

Gostyngiadau i geir newydd

Am gyfnod dros-dro, gallwch gael gostyngiad o £2,000 ar gerbyd newydd os byddwch yn sgrapio cerbyd sy'n hŷn na 10 mlwydd oed ac yr ydych wedi bod yn berchen arno am gyfnod hwy na 12 mis. I gael mwy o wybodaeth, dilynwch y ddolen isod.

Pethau i'w cadw mewn cof

Wrth i chi chwilio, cofiwch y gall fersiynau gwahanol o'r un fodel neu fath o gar amrywio'n sylweddol o ran pa mor effeithlon maent yn defnyddio tanwydd. Yn gyffredinol, mae ceir llai a cheir ag injan lai yn defnyddio tanwydd yn fwy effeithlon.

Defnyddio'r label economi tanwydd

Ceir labeli mewn ystafelloedd arddangos ceir sy'n dangos pa mor effeithlon y mae pob car newydd yn defnyddio tanwydd:

• mae'r labeli'n dangos graddfa o fand A (gwyrdd) i fand G (coch), gyda band A ar gyfer y rhai sy'n defnyddio tanwydd yn fwyaf effeithlon
  
• mae'r labeli'n dangos faint o dreth ffordd y mae angen ei thalu bob blwyddyn – po fwyaf effeithlon y mae'r car yn defnyddio tanwydd, y lleiaf o dreth y bydd yn rhaid i chi ei thalu

• Mwy o fanylion am y labeli economi tanwydd ar gyfer ceir Opens new window

Safonau Ewrop

Mae'n rhaid i bob car newydd gyrraedd safonau 'Euro'. Mae'r safonau hyn yn pennu cyfyngiadau ar allyriadau penodol a all fod yn niweidiol i iechyd pobl ac i'r amgylchedd. Yn gyffredinol, po uchaf yw'r rhif Euro, y glanaf yw'r car. Ar hyn o bryd, Euro 4 yw'r rhif uchaf y gall cerbyd ysgafn ei gael. Bydd hyn yn newid i Euro 5 ym mis Medi 2009.

• Safonau Euro ar gyfer allyriadau Opens new window

Gyrru mewn ffordd fwy gwyrdd

Gall gyrru mewn ffordd fwy gwyrdd arbed gwerth mis o danwydd i chi mewn blwyddyn

Drwy ddilyn yr awgrymiadau isod gallech arbed gwerth mis o danwydd dros flwyddyn a lleihau eich allyriadau.

Gyrru'n esmwyth ac yn araf

• gyrrwch yn esmwyth ac yn arafach i leihau faint o danwydd yr ydych yn ei ddefnyddio
  
• edrychwch ar y ffordd o'ch blaen, ceisiwch ragweld traffig a pheidiwch â gwasgu'n drwm ar y sbardun na brecio'n galed
  
• cadwch at y terfyniadau cyflymder - gall teithio ar gyflymder o 70 milltir yr awr (mya) olygu eich bod yn defnyddio hyd at 15 y cant yn fwy o danwydd na phetaech yn teithio ar 50 mya, dros yr un pellter
  

Newid gêr ar yr amser iawn

• gallwch arbed tanwydd a lleihau'ch allyriadau drwy newid gêr yn iawn
  
• dylai ceir petrol newid gêr ar 2,500 ref y funud a cheir diesel ar 2,000 ref y funud
  
• mae cerbyd sy'n teithio ar 37 mya yn y trydydd gêr yn defnyddio 25 y cant yn fwy o danwydd na fyddai wrth deithio ar yr un cyflymder yn y pumed gêr
  

Llai o gychwyn a stopio

• mae cadw'r injan yn rhedeg neu bwmpio'r sbardun yn gwastraffu tanwydd, yn cynyddu traul yr injan ac yn cynyddu allyriadau
  
• ewch heb oedi - mae injans modern wedi'u llunio i fod yn fwyaf effeithlon pan fyddwch yn mynd heb oedi
  
• diffoddwch eich injan os na fyddwch yn symud am dipyn

Cynnal a chadw eich car

Mae ceir sydd wedi'u cynnal a'u cadw'n dda yn tueddu i redeg yn fwy effeithlon:

• edrychwch ar bwysedd y teiars yn rheolaidd - os nad oes digon o aer yn eich teiars gallech ddefnyddio hyd at dri y cant yn fwy o danwydd
  
• tynnwch bwysau diangen a raciau to - maent yn cynyddu'r pwysau a'r gwrthiant aer ac felly'n gwneud i'r car ddefnyddio mwy o danwydd
  
• mae aerdymheru a dyfeisiadau trydanol eraill yn y car (megis gwefrydd ffôn symudol) yn gwneud i'r car ddefnyddio mwy o danwydd, felly, defnyddiwch hwy dim ond pan fydd yn angenrheidiol
  

Yn aml, mae gwastraff o waith cynnal a chadw ceir, fel hen olew injan, yn beryglus. Defnyddiwch gyfleusterau gwastraff y cyngor i gael gwared arnynt yn ddiogel.

• Cynnal a chadw eich cerbyd (adran moduro)

• Cael gwared ar wastraff peryglus

Defnyddio tanwyddau mwy gwyrdd

Biodanwyddau

Caiff biodanwyddau, er enghraifft biodiesel a bioethanol, eu gwneud o ddeunyddiau planhigion fel olew llysiau neu wenith. Gall biodanwyddau leihau'r effeithiau ar newid yn yr hinsawdd gan fod y planhigion a ddefnyddir i wneud y biodanwyddau yn amsugno carbon deuocsid (CO2) pan fyddant yn tyfu. Mae hyn yn helpu i gydbwyso'r allyriadau CO2 pan gaiff y tanwydd ei losgi.

Gellir cymysgu biodanwyddau gyda diesel neu betrol cyffredin, ac mae'n bosibl eu defnyddio mewn ceir cyffredin. Erbyn hyn, mae'r rhan fwyaf o'r diesel sydd ar gael yn y DU, a rhai mathau o betrol, yn cynnwys 5 y cant o fiodanwydd. Mae'n addas i'w ddefnyddio ym mhob cerbyd, heb orfod ei addasu.

Mae'n bosibl addasu cerbydau i redeg ar danwydd a wneir gyda chyfran uwch o fiodanwyddau. Mae nifer fach o orsafoedd llenwi yn y DU yn cyflenwi tanwydd a wneir gyda chymysgedd uwch o fiodanwyddau.

• Dod o hyd i'r orsaf agosaf sy'n gwerthu biodiesel yn y DU Opens new window

• Mwy am fiodanwyddau Opens new window

Ceir trydan
Nid yw ceir trydan yn cynhyrchu dim allyriadau wrth yrru (ond cynhyrchir allyriadau wrth greu trydan).

Ceir hybrid
Mae ceir hybrid yn defnyddio cyfuniad o injan betrol a batri, ac maent yn defnyddio tanwydd yn effeithlon dros ben heb gyfaddawdu dim o ran eu perfformiad.

Cael gwared ar eich car yn ddiogel

• Dod o hyd i'ch Cyfleuster Trin Awdurdodedig agosaf Opens new window

Mwy o ddolenni defnyddiol

• Rhoi gwybod am gar sydd wedi'i ddympio (adran cartref a chymuned)

• LLEIHAU'CH CO2 - arbed ynni wrth yrru neu wrth brynu car Opens new window