Gwefan llywodraeth y DU

Pa bryd a sut y dylech gael eich talu

Pan fyddwch chi'n dechrau gweithio, dylai eich cyflogwyr ddweud wrthych:

• ar ba ddiwrnod neu ddyddiad y cewch eich talu - er enghraifft, bob dydd Gwener, neu ar ddiwrnod gwaith ola'r mis
  
• sut y cewch eich talu, er enghraifft mewn arian parod, drwy siec neu'n uniongyrchol i'ch banc
  

Os ydych yn gyflogai, rhaid i chi gael dogfen sy'n nodi faint o gyflog a delir i chi, a pha mor aml, o fewn dau fis i chi ddechrau gweithio. Caiff hyn ei gynnwys yn eich contract cyflogaeth fel arfer.

• Deall eich statws cyflogaeth

• Contractau cyflogaeth

A ddylech chi gael slip cyflog?

Nid oes gennych yr hawl i gael slip cyflog os:

• nad ydych yn gyflogai; er enghraifft contractwyr, yn gweithio ar eich liwt eich hun neu'n 'weithwyr'
  
• yn aelod o wasanaeth yr heddlu
  
• yn fasnachlongwr, yn feistr neu'n aelod o griw sy'n gweithio ar gwch pysgota a rennir sy'n cael cyflog dim ond am gyfran o elw neu enillion gros cwch pysgota

• Deall eich statws cyflogaeth

Beth y mae'n rhaid i'ch slip cyflog ei gynnwys

Rhaid i bob datganiad cyflog gynnwys yr wybodaeth ganlynol:

• swm eich cyflog cyn unrhyw ddidyniadau (cyflog gros)
  
• swm unigol unrhyw ddidyniadau sefydlog (megis tâl aelodaeth undeb llafur) neu gyfanswm y didyniadau hyn os ydych yn cael 'datganiad annibynnol o ddidyniadau sefydlog' fel y manylir isod
  
• swm unigol unrhyw ddidyniadau amrywiol (treth er enghraifft)
  
• swm net eich cyflog (sef y cyfanswm ar ôl didyniadau)
  
• swm a dull talu unrhyw ran-daliad o gyflog (megis ffigurau arian parod ar wahân a'r balans a gaiff ei roi mewn cyfrif banc)
  

Mae'n bosib y bydd eich cyflogwr yn cynnwys gwybodaeth ychwanegol ar eich slip cyflog nad oes yn rhaid iddo ei darparu, er enghraifft:

• Rhif Yswiriant Gwladol
  
• codau treth
  
• gradd cyflog (naill ai'n flynyddol neu fesul awr)
  
• hwyrach y caiff taliadau ychwanegol megis rhai goramser, tipiau neu daliadau bonws eu dangos ar wahân

Datganiad annibynnol o ddidyniadau sefydlog

Os na fydd eich cyflogwr yn nodi unrhyw ddidyniadau sefydlog ar eich slip cyflog, mae'n rhaid iddo roi datganiad annibynnol o ddidyniadau sefydlog i chi.

Rhaid i'r datganiad hwn:

• fod yn ysgrifenedig
• nodi'r swm a'r cyfnodau y caiff y didyniad ei wneud
• cynnwys diben neu ddisgrifiad o'r didyniad
• cael ei roi i chi cyn eich slip cyflog cyntaf gyda'r didyniadau sefydlog
• cael ei ddiweddaru bob 12 mis o leiaf

Os bydd unrhyw newidiadau a fydd yn effeithio ar eich didyniadau sefydlog, mae'n rhaid i'ch cyflogwr roi hysbysiad ysgrifenedig o'r newid neu roi datganiad diwygiedig i chi.

Beth i'w wneud os bydd gennych broblem gyda'ch slip cyflog

Mynnwch sgwrs gyda'ch cyflogwyr i ddechrau i weld a allwch ddatrys y broblem gyda nhw yn anffurfiol. Os oes gennych gynrychiolydd yn y gwaith, neu os ydych yn aelod o undeb llafur, fe allwch ofyn iddyn nhw am help. Cewch hefyd fwy o wybodaeth am fudiadau cynghori ar dudalen cysylltiadau Cyflogaeth.

Oni wnaiff hyn weithio, mae'n bosib y gallwch wneud cais i'r Tribiwnlys Cyflogaeth.

Oni chawsoch eich talu'n llawn, dylech ddarllen eich slip cyflog a'ch contract cyflogaeth er mwyn gweld a ydynt yn egluro pam na chawsoch eich talu'n llawn.

• Sut mae datrys problem yn y gwaith

• Cysylltiadau cyflogaeth

• Ymuno ag undeb llafur

• Tribiwnlysoedd Cyflogaeth: cyflwyniad

• Contractau cyflogaeth

Cysylltiadau defnyddiol

• Acas (Y Gwasanaeth Cynghori, Cymodi a Chyflafareddu)

• Canolfan ar Bopeth

• Canolfan Byd Gwaith

• Businesslink.gov.uk Opens new window

• Mwy o gysylltiadau defnyddiol