Gwefan llywodraeth y DU

Tâl wythnosol

Gall y tâl sy'n ddyledus i chi bob wythnos dan eich contract cyflogaeth fod yn wahanol i'ch tâl cyfartalog dros fis neu'ch tâl mewn wythnos arferol. Mae'r swm y byddwch yn ei ennill bob wythnos dan eich contract cyflogaeth yn gysylltiedig ag amryw o'ch hawliau cyflogaeth unigol. Y rhain yw:

• tâl dileu swydd a thâl yn ystod amser o'r gwaith ar gyfer chwilio am swydd
  
• tâl yn ystod eich cyfnod rhybudd
  
• tâl gwyliau (os yw'ch patrwm gweithio'n newid)
  
• tâl gwarant am waith (os na all eich cyflogaeth ddarparu gwaith i chi, ond ei fod yn rhwym dan eich contract cyflogaeth i'ch talu beth bynnag)
  
• mathau penodol o iawndal a ddyfernir gan Dribiwnlysoedd Cyflogaeth

• Contractau cyflogaeth

• Hawl i dâl dileu swydd

• Tâl rhybudd

• Tribiwnlysoedd Cyflogaeth: cyflwyniad

Y 'cyfnod 12 wythnos'

Pan fyddwch yn cyfrifo eich tâl wythnosol, efallai y bydd yn rhaid i chi gyfrifo cyfartaledd eich tâl a'ch oriau dros gyfnod 12 wythnos. Mae'n ofynnol mai'r 12 wythnos hyn yw'r 12 wythnos lawn sy'n arwain at y rheswm dros gyfrifo eich tâl, er enghraifft:

• i gyfrifo eich tâl yn ystod cyfnod o'r gwaith i chwilio am swydd, defnyddiwch y 12 wythnos sy'n arwain at y diwrnod y rhoddwyd eich rhybudd dileu swydd i chi yn y lle cyntaf
• i gyfrifo tâl rhybudd, defnyddiwch y 12 wythnos sy'n arwain at ddiwrnod cyntaf y cyfnod rhybudd
• i gyfrifo eich gwyliau blynyddol â thâl, defnyddiwch y 12 wythnos sy'n arwain at eich gwyliau
• i gyfrifo taliadau gwarant, dylech fel arfer ddefnyddio'r 12 wythnos sy'n arwain at y dyddiad y mae'r taliad yn ddyledus; os nad ydych yn gweithio i'r cyflogwr hwnnw mwyach defnyddiwch 12 wythnos olaf eich cyflogaeth

Os na chawsoch dâl am weithio yn ystod y cyfnod 12 wythnos (er enghraifft, eich bod wedi cael gwyliau), dylech ddefnyddio'r wythnos flaenorol yn eich cyfrifiad. Er enghraifft, os na chawsoch dâl am dair wythnos yn ystod y cyfnod 12 wythnos, dylech edrych ar gyfnod 15 wythnos a chynnwys dim ond yr wythnosau hynny y cawsoch dâl am weithio

Cyfrifo cyflog sefydlog sylfaenol, cyflog neu gyfradd fesul awr

Os byddwch yn cael yr un tâl bob wythnos neu bob mis, eich tâl wythnosol fydd eich tâl ar gyfer eich oriau contract sylfaenol. Gall unrhyw fonysau neu lwfansau (heblaw lwfans treuliau) nad ydynt yn amrywio yn ôl faint o waith a wnewch hefyd gael eu cynnwys wrth gyfrifo eich tâl wythnosol.

Os ydych yn cael eich talu bob wythnos, rydych yn cael tâl wythnosol.

Ni allwch gynnwys oriau goramser wrth gyfrifo eich tâl wythnosol oni bai ei bod yn rhaid i'ch cyflogwr ei dalu i chi yn unol â'ch contract cyflogaeth.

Gweithio y tu allan i'ch oriau gwaith arferol

Os ydych yn gwneud rhywfaint o waith y tu allan i'r oriau yr ydych yn arfer eu gweithio, er enghraifft, goramser gwirfoddol, gellir cynnwys hyn wrth gyfrifo eich tâl wythnosol cyfartalog. Fodd bynnag os telir goramser i chi ar gyfradd uwch am waith y gellid ei wneud yn ystod oriau arferol, ni ellir defnyddio'r tâl ar gyfradd uwch wrth gyfrifo eich tâl wythnosol.

Dim oriau gweithio arferol

Os nad oes gennych oriau gweithio arferol, eich tâl wythnosol yw'ch tâl cyfartalog dros y cyfnod 12 wythnos sy'n arwain at yr adeg y mae arnoch angen gwneud y cyfrifiad ar ei gyfer. Er enghraifft, os ydych yn gwneud gwaith gwerthu ac yn cael eich talu drwy gomisiwn,

Er enghraifft, os ydych yn cael eich diswyddo, dylech ddefnyddio'r 12 wythnos lawn ddiwethaf i chi eu gweithio cyn y diwrnod y rhoddwyd rhybudd i chi am y diswyddiad.

Os nad ydych yn cael tâl un wythnos, dylech edrych ar yr wythnos gynt. Er enghraifft, os ydych yn edrych ar gyfnod 12 wythnos, ond na chawsoch ddim tâl am dair wythnos o'r cyfnod hwnnw, dylech fynd yn ôl 15 wythnos.

Gwaith a wnaed ar gyfer cyflogwr blaenorol

Gellir cynnwys amser yr ydych wedi'i weithio i gyflogwr blaenorol wrth gyfrifo eich tâl wythnosol cyfartalog, os na wnaeth newid cyflogwr dorri ar eich cyflogaeth.

• Cyflogaeth parhaol

Ble mae cael cymorth

Gall cyfrifo tâl wythnosol fod yn eithaf cymhleth a bydd cyfrifo taliadau dileu swydd neu daliadau gwarant yn dibynnu ar eich sefyllfa. Os oes angen cymorth pellach arnoch i gyfrifo tâl wythnosol cysylltwch ag Acas (y Gwasanaeth Cynghori, Cymodi a Chyflafareddu) neu'ch Canolfan Cyngor Ar Bopeth leol am gyngor.

• Acas (Y Gwasanaeth Cynghori, Cymodi a Chyflafareddu) Opens new window

• Dod o hyd i'ch Canolfan Cyngor Ar Bopeth leol Opens new window