Gwefan llywodraeth y DU

Y math o lun y dylech ei anfon

Mae'n rhaid i'r llun a dynnir fod:

• yn dangos gwir debygrwydd diweddar i chi
• yn lliw, nid yn ddu a gwyn, yn erbyn cefndir llwyd golau neu hufen
• yn glir, mewn ffocws clir, heb 'lygaid coch' a heb gysgod
• heb unrhyw adlewyrchiad na golau oddi ar sbectol
• mewn cyflwr da, heb ei ddifrodi, ei blygu, ei rwygo na’i farcio

Mae'n rhaid i chi:

• wynebu ymlaen ac yn edrych yn syth i'r camera gyda'ch llygaid ar agor a heb ddim byd yn cuddio eich wyneb
• edrych yn naturiol heb dynnu ystumiau e.e. gwenu, lledwenu neu wgu
• peidio â gorchuddio eich llygaid e.e. gyda gwallt neu ffrâm sbectol
• peidio â gwisgo sbectol haul neu sbectol dywyll
• peidio â gwisgo het neu guddio eich pen ac eithrio am resymau meddygol neu grefyddol

• Download ‘templed sut dylai eich llun edrych’ (PDF, 174K)

• Download ‘enghreifftiau o luniau cywir ac anghywir’ (PDF, 1010K)

• Cymorth gyda ffeiliau PDF

Ardystio eich llun

Os ydych yn cyflwyno dogfennau adnabod ar wahân i basbort diweddaraf, dogfen deithio y DU neu gerdyn adnabod yr UE/AEE, yna rhaid i rywun addas lofnodi cefn eich llun. Mae'n rhaid i'r sawl sy'n llofnodi eich llun hefyd gwblhau adran chwech o'ch ffurflen D1.

Bydd y DVLA yn archwilio ar hap fanylion pobl sy’n llofnodi ceisiadau am drwydded yrru cerdyn-llun.

Os ydych yn adnewyddu'r llun ar eich trwydded yrru ni fydd angen ei ardystio.

Y sawl sy’n llofnodi eich llun

Rhaid i'r sawl sy'n llofnodi eich llun:

• fod yn byw yn y DU
• eich adnabod yn bersonol (ers o leiaf dwy flynedd)
• bod yn rhywun nad yw'n berthynas i chi

Mae’r bobl ganlynol yn addas:

• person busnes neu berchennog siop lleol
• llyfrgellydd
• person cymwysedig proffesiynol, er enghraifft, cyfreithiwr, athro neu beiriannydd
• plismon
• swyddog mewn banc neu gymdeithas adeiladu
• gwas sifil
• gweinidog yr efengyl
• ynad heddwch
• cynghorydd lleol, Aelod Seneddol, Aelod Cynulliad, Aelod o Senedd Ewrop neu Aelod o Senedd yr Alban

Gall staff eich swyddfa DVLA leol helpu os nad oes gennych neb i lofnodi eich llun, os ydych chi wedi dechrau preswylio yn y DU neu wedi dychwelyd yno o fewn y ddwy flynedd ddiwethaf. Byddant yn llofnodi eich llun ac yn llenwi adran chwech ar y ffurflen gais. Wedyn, anfonir eich cais a'ch dogfennau adnabod gwreiddiol i DVLA Abertawe i'w dilysu ymhellach.

• Dod o hyd i’ch swyddfa DVLA lleol agosaf

Gwasanaeth gwirio premiwm

Gall cangen o Swyddfa'r Post® neu Swyddfa DVLA leol wirio'ch cais os nad ydych chi'n awyddus i anfon eich dogfennau adnabod i DVLA drwy'r post. Nid yw'r gwasanaeth hwn ar gael ar gyfer ceisiadau ar-lein.

• Gwasanaeth gwirio premiwm

Cysylltiadau defnyddiol

• Cysylltiadau yr Asiantaeth Trwyddedu Gyrwyr a Cherbydau (DVLA)